Lukas 16:25 - Kaa n Kəzə̀ n fəghə mə

²⁵ Abraham n fəd dza ndòw tə wi nə̀, ‘N waa moʼlə tsu nə nghee wə a muu nə mbi, wə â zəələ tsə uwû, Lazarɔs n kee muu tən tsə n ngoʼ. Nya tə kee zəələ uwû fa, wə a kee muunə n ngoʼ.

Lukas 16:25 Mawu Ofanana

Matyo 27:63

Ghə n dza tə̀ wi nə̀, “Mûkəbii, a nam moʼlənu nə̀ wù badla wə aghəə wey â dza naŋa zey n nəŋə zey tə â nam loʼnə utaw nə̀, ‘A i bə nə ntsuʼ ntəghə, Zə̀ kə i zhəm dzəŋŋə bə mə nə̀ ivə.’

Malakus 9:45

Abə fuu kə kə̀ ghəŋənə wɔ̀ nə̀ wə bwù n bəghəm i fə̀ŋ zə, khəə nuu kɔʼ fuu kə tii kə. Dzɔb loʼ tə̀ wɔ nə̀ wə keeli muu zə itsali n fuu kə kəmɔʼ, tsəghəshi tə̀ wɔ ni ndòw n vəllə u tsali wə n fuu zə zə̀ ibəghə.

Lukas 16:20

Wù laa u loʼ wə n loʼ n fuʼ u mbàa u wi, ghə â tɔŋŋənə wi nə̀ à loʼ Lazarɔs. Tə n loʼ n bad zə n wû u wi udzəm.

Lukas 16:23

Ambə tə loʼnə n naʼ zə ivə zow ngoʼ fu, tə koʼ kɔʼ ndòw Abraham nə kədaa, ghi Lazarɔs n səə wi.

Lukas 16:26

A buʼ loʼ nə wad i nii zə n saa dzawwə naŋa, sey, wù way dzə ni nuu tsu fa tə daŋ bə n bad key, nkee tə nuu tsu n bad key tə daŋ bə n bad kən.’

Lukas 6:24

Chɔt u loʼ tə̀ ghaa ghey ghaa kuumnə nya təŋkey ghaa n keeli may ndzuŋ ə ghaa.

Tùm i dzuŋu zə kuum Yeso Klisto tə Jɔn â tɔɔnə 16:33

N ghəə ghən sa dza bə tə̀ ghaa nə̀ ghaa i khə buulə zə n fə̀ŋ tə ghaa, boʼnə ghaa loʼ n fə kəmɔʼ ghi mə. Ghaa nə ngii fəʼlənu fa n mbi, a kee loʼ nə̀ ghaa khə ni kuu tsu təfə̀ŋ tə a loʼ təsawgoʼ, n təŋkey, mə n təm zə̂ mbi.”

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Roma 8:7

I loʼ sey n təŋkey, ghə̂ ghey fə̀ŋ tə ghə tə loʼ tən kə n ghəə ghey gow uwû ləghənə, ghə loʼ tən tsə kə ghə̂ a təngəmə a Kəzə̀. Ghə naŋŋə way laŋ u Kəzə̀ wə. Ndzəm ndzəm, ghə naŋŋə way laŋ u tii wə abə ghə mə buʼu ləghə kə ni naŋa.

Filipi 3:19

Muu i ghə zə î may nə̀ uchɔd, n təŋkey, zə̀ kə ghə kə loʼ fə key nə̀ghə̀ n ghə n ləghənə, ghə kɔʼlə iwû n ghəə ghey ghə mə khənə ni dədlə n tow kə tii, fə̀ŋ tə ghə tə loʼ kə n fə̂ u mbi.

1 Tesalonika 3:3

Ghey ləghə nə̀ kə wù ghaa u loʼ u nə keelinə tsəŋ zə n chɔd mən ghaa koʼonə n təŋkey, ghaa khənu nə̀ saa adzəm khə ni keeli ndzoʼo chɔd mən boʼo Kəzə̀.

Hibru 11:25

Tə n sày kɔʼ ni fəghə dzəŋi ghi ghə̂ a Kəzə̀ ghə tsəghəshi ni zow kədzuŋ n ghəə a bəbə ghən gow uwû ləghənə n tɔŋɔ fə inəŋə.

1 Jɔn 2:15

I kə ghaa nə ləghənə fə u mbi wə, nkee fə kə mbi kə loʼ kə. Wù wey tə ləghənə fə u mbi wə, tə sey ləghə way Bày tə loʼnə Zə̀ kə.

Chi dii 7:14

Mə n beeli ndow wi dza “Mûkəbii, wə khənu.” Tə n dza, “À wən loʼ ghə̂ ghən ghə nɔb shi bənə n ngoʼ i nii zə. Ghə n ney kɔʼ kaŋ tə Waa Nji tən tə â fəələnə, sow kɔʼ ndzə̂ tə ghə tii nə̀ tə i fəmə.