Lukas 16:22 - Kaa n Kəzə̀ n fəghə mə

²² Ambə wù laa wey kpuu tsunə, tsətəndəghə tə Kəzə̀ tə n ney naŋa ndòw wi n səə Abraham, wù kûm wey n bə kpu tsu soʼo, ghə n ney tsələ ndow wi.

Lukas 16:22 Mawu Ofanana

Matyo 18:10

Yeso n dza kpiʼi ndow tə ngəd tə wi tə nə̀, “Kə̂ ghaa nə̂ koʼo kìinə nyaŋi mə awaa mən. N dza bə isəŋə tə̀ ghaa nə̀, tsətəndəghə tə ghə tə loʼ tən n səə Bày idəŋ.

Matyo 24:31

Ghə i daŋŋə zow mbwule i fuŋunə, tə i tûm shi ndòw tsətəndəghə tə Kəzə̀ n badla tə mbi tən n təkaykə, ghə i zuŋŋə naŋa bə ghə̂ a wi ghən tə sàynə n luʼu tədzəm fa mbi.”

Matyo 8:11

N dza bə tə̀ ghaa nə̀ ndəmə aghə̂ ghə i bəghənu, ghə nuu bənə n bad kə mbi key nyi i shiə kɔʼɔ bənə tii, nsə n bad key nyi i nyiə tsunə tii, ghə i bə doʼo bə nə kəzə̂ ghi Abraham, Ayzik, nsə Yakɔb n fɔ̀ɔ wə idəŋ wə.

Malakus 8:36

Wù zəə kee abə tə keelinə fə u mbi wə udzəm, kee nayyə maʼa ndòw muu i wi ə?

Lukas 12:20

Zə̀ kə n dza tə̀ wi nə̀, “Dzəŋsə k-a-fə kən, na sa n tsuʼu tə n ney nuulə zay kə, sey a i kòʼ nə à keeli ndee ndəmə tə ufə tən wə̀ fwaʼ naŋanə?”

Lukas 16:21

Tə n mbuŋə tsə ni labi zəə kə boʼo mə nbaa mən n tsɔʼlə abə wù kûm wey zə̂ənə, mə n way daŋŋə tə wi. Bvə tə n bə nəghə tsə bad zey nkow wi.

Tùm i dzuŋu zə kuum Yeso Klisto tə Jɔn â tɔɔnə 1:18

Wù loʼ ka kam kòʼ koʼ Zə̀ kə, a loʼ kə sɔʼi fə Waa wi wən tə loʼnə n səə Bày, tə dii bənə wi tə̀ saa.

Tùm i dzuŋu zə kuum Yeso Klisto tə Jɔn â tɔɔnə 13:23

Ngəd zey Yeso â ngii ləghənə n doʼ n teybow i wi.

Tùm i dzuŋu zə kuum Yeso Klisto tə Jɔn â tɔɔnə 21:20

Nghee tə̀ ghə nuulə ndownə, Pita n dza i baŋ laalə tsu, koʼ ndow ngəd zey Yeso â ngii ləghənə, i bəghənə n baa ghə. Tə wey tə â kuʼlə doʼnə n teybow i Yeso n nəŋə zey ghə â zə̂ənə, tə wey tə â khə̀mmə bəb kɔʼ tə̀ Yeso nə̀, “Mûkəbii, a dza i fìi fu ndee wɔ ə?”

Hibru 1:14

Tsətəndəghə tə Kəzə̀ tə baa loʼ ghə ndee? Ghə loʼ zay wən Zə̀ kə â tûm bənə nə̀ ghə bə fwaʼ tə̀ ghə̂ ghey tə i bəghəshiənə ghə.

Hibru 2:14

Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.

Jems 1:11

I loʼ nə̀, abə tsə shi kɔʼ bənə, zuʼ kə tsə kə tii kə ngii taw tsunə, kə n zuʼ maʼa kɔʼ ughìi. Bəllə wə ughìi u tii wə n gɔy zum nuu kɔʼ, wə n kəmə nyiəllə soʼo way. A loʼ soʼo ighələ ghi ghə̂ ghey ghə kuum nə̀, və i ney nuulə ghə nə̀ ghə zow kaabə kə ghəə ghə ukhəə a ghə.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

Chi dii 14:13

Sey, mə n zow dzə̀ i loʼ zə idəŋ i ghɔɔmə nə̀, “Tɔ̀ɔ naŋa tsu nə̀, ni ney nuu tsu nya, ndow n sə kə, Zə̀ kə i buulə ghə̂ ghən ghə kpunə nə̀ ghə fwaʼa fwaʼ kə Mûkəbii!” Zay kə Zow kə dza nə̀, “Ndzəm ndzəm, ghə i keelinu zayyə zə n fwaʼ kə taw kən ghə fwaʼanə, n təŋkey, ghəə a dzuŋu ghey ghə ghəŋŋənə dii bə fə key ghə loʼnə ghii kə.”