Lukas 16:2 - Kaa n Kəzə̀ n fəghə mə

² Tə n tɔŋɔ naŋa bə wi, bəb ndòw tə̀ wi nə̀, ‘À wən loʼ ghəə a ghaa ghə n zownə bòʼ wɔ? Fu bə taŋ n fə wùŋ udzəm, n təŋkey wə kəm way ni laalə fə wùŋ.’

Lukas 16:2 Mawu Ofanana

Matyo 12:36

N dza bə tə̀ ghaa nə̀, n tsuʼ fey Zə̀ kə i saʼanə mbi tii, kay wù î fuu taŋ n ghɔɔmə tə bəbə tey tədzəm tə shi koʼ bə dzənə n dzuu i wi,

Matyo 20:8

“Ambə nəŋə i fənə i kpii tsunə, muu usum n dza tə̀ wù wey tə laalənə fwaʼ kə nə̀, ‘Tɔŋɔ tsu ghə̂ a kəfwaʼ ghə, wə tsə ghə. Zey tsu n kow ghə̂ ghey ghə mə bə guŋŋənə, wə ndòw kuum n kow ghə̂ ghey ghə mə bənə isə.’

Lukas 12:20

Zə̀ kə n dza tə̀ wi nə̀, “Dzəŋsə k-a-fə kən, na sa n tsuʼu tə n ney nuulə zay kə, sey a i kòʼ nə à keeli ndee ndəmə tə ufə tən wə̀ fwaʼ naŋanə?”

Lukas 12:42

Mûkəbii n beeli ndòw wi nə̀, “Wù kəfwaʼ u sə̀ŋi u loʼ wù wey tə khənə tow kə, tə̀ mûkəbii wi loʼ ni gaʼ fə̀ŋ n kow wi, tə ney naŋa wi tə a loʼ wù kətow nə tə i nyaŋə fə u ghə̂ a kəfwaʼ a loʼ ghə, nsə ni fu soʼo ghə n fəzəə wə n nəŋə i ghə i zə̂ə zə.

Lukas 16:1

Yeso n dza ndòw zəzəə fən tə dzûmə tə wi tə nə̀, “Wù kuum u loʼ wə â loʼ tsənu, tə n khə tsə wù kəfwaʼ a wi tə laalənə fə u wi wə. Ghə n bə dza tə wi n tsuʼ fə loʼ fə nə̀, wù kəfwaʼ à wi wey zəə saŋŋə fə u wi.

Lukas 16:3

Wù kəfwaʼ wey n ghɔɔmə kə nəghə unəghə, dza, ‘Mə i jiə tsu n ngee nya a? Mûkəbii wùŋ dza i shiələ nuu mə nə kəfwaʼ, n khə way daʼa kə ni bow ufaa, mə n dədlə soʼonə n tow kə ni doʼo wù nɔɔ wə.

Roma 14:12

À wey loʼ ghə i tii zə, saa adzəm saa i bəghənu n sə̂ K-a-zə̀ kay wù i taŋŋə dza kɔʼ bə nghee zə a loʼnə tii.

1 Kɔrint 1:11

Waazə ghə, n ghəə ghən sa dza n təŋkey ghə̂ a loʼ ghə n ndaw Klo, ghə n dza tə̀ mə nə̀ ghaa zuulə n wû i ghaa.

1 Kɔrint 4:2

Ghəə zey ghə ləghənə n wɔ wù wey ghə fuunə wi n daʼa kə ni fwaʼ kəfwaʼ, loʼ nə̀, tə khə ni teeli fwaʼa kə tə̀ mûkəbii ə wi n fə̀ŋ ə wi idzəm.

1 Kɔrint 4:5

Sey, kə ghaa nə tsəʼlənə saʼ n kow wù nə̀ nəŋə i ka kam kpii. Ghaa khə ni ləmə ni ndow kuum n nəŋə zey Mûkəbii i bəghənə tii. À loʼ wi tə i ney naŋŋə bənə ghəə ghey adzəm a nyi doʼonə nə kələm n mgbaŋ, tə i chi dii bə soʼo moʼlə tə bəbə tey ghə̂ a khənə n fə̀ŋ tə ghə. N nəŋə i tii zə, Zə̀ kə i fuu kə kay wù n kɔʼlə mey n kpiinə tə̀ wi.

2 Kɔrint 5:10

Saa adzəm khə ni teeli təmi n sə̂ kə Klisto, tə saʼ saa. Tə i fuu kə naamə kə kay wù n fwaʼ kən tə fwaʼnə fa mbi tə̀ a loʼ a wù sɔŋtsuʼ, nə̀ a loʼ kə fwaʼ kə dzuŋu kə nkee kə bəbə kə.

1 Timoti 4:14

I kə wə koʼo kìinə daʼa key Zay kə Zow kə â fuunə tə wɔ n nəŋə zey tûm tə Kəzə̀ nsə ngəd tə dzûmə tə Klisto tə â gɔŋŋənə, gaʼ bə wɔɔ a ghə n tow kə.

1 Timoti 5:24

Ghə̂ a loʼ a mgbaŋa ghəŋŋə tsu kə ghə i bəbə zə, aghə̂ adzəm ghə n koʼo keeli may ndow bəb i tii zə nə̀ ghə ka ghə kam buʼ saʼ dzə. Ghə̂ a loʼ ghə a kee ghəŋŋənə bəb zə nə̀ i nə wɔ diinu wû wə.

1 Pita 4:10

Nghee i loʼ nə̀ Zə̀ kə n fuu kay wù ghaa n naamə kə, ghaa khə ni ney naamə kən Zə̀ kə diinə fə̀ŋ ə wi i dzuŋu zə ni fuu tə ghaa, ghaa i laalə ndow ghə̂ a loʼ ghə tii.

1 Pita 4:5

À kee loʼ kə nə̀ ghə nə tiilə dza kɔʼɔ bənu nghee ghə muu kɔʼ bənə muu i ghə zə tii tə̀ Zə̀ kə, tə tey tən kə ni saʼ aghə̂ adzəm. Tə i saʼa ghə̂ ghey ghə loʼnə utaw nsə a ghey ghə kpu dzənə.

Chi dii 20:12

Mə n koʼ ndow ghə̂ a kpuu ghə, ghə̂ a səŋi ghə nsə ghə̂ ghən ghə way ghə̂ a səŋi ghə, ghə teynə n sə kə kuu kə fɔɔ key. Ghə n chiələ umàʼlə, bə chi kɔʼ kə loʼ kə nə à loʼ màʼlə ghə tɔ̀ɔ naŋanə zəd a ghə̂ ghey ghə i keelinə muu zə itsali zə a tii. Ghə i saʼa ghə a kpuu ghə n ghəə ghən ghə â ghəŋənə tə i tɔ̀ɔ doʼnə n màʼlə u tii wə.