Lukas 16:15 - Kaa n Kəzə̀ n fəghə mə

¹⁵ Yeso n dza ndòw tə̀ ghə nə̀, “À loʼ ghaa, ghaa diinə wû zə n sə kə aghə̂, nə ghaa loʼ ghə̂ a dzuŋu ghə, Zə̀ kə a kee koʼonə fə̀ŋ tə ghaa tə. Sey, fə wey wù sɔŋtsuʼ gaʼanə fəŋ tii, u fədlə ləbinu tə̀ Zə̀ kə.

Lukas 16:15 Mawu Ofanana

Matyo 23:5

Ghə ghəŋŋə ghəə a ghə adzəm nə̀ ghə̂ ghə i tɔʼɔ koʼo bə. Koʼo nghee ghə ghəŋŋə mbəghə n ghə mey ghə kow naŋa n tow u ghə nə̀ n khə kəm u ghɔɔmə i Kəzə̀ nə̀ mə i ngii dow! Koʼo soʼo nghee ghə ghəŋŋənə baʼ u təndzə wey u zənnə tii nə̀ wə i ngii daabə!

Matyo 6:16

Yeso n dza tə̀ ghə nə̀, “Abə ghaa bamnə dzuu zə, kə ghaa nə njuʼu naŋŋənə koʼ tə tə̀ ghə nəb ityim a ghəŋŋənə, n təŋkey, ghə njuʼu naŋŋə tsuu təkoʼ tə̀ ghə̂ ghə koʼo bə nə̀ ghə bam idzuu. N dza bə isəŋə tə̀ ghaa nə̀ ghə n keeli tən naamə kə ghə kə.

Matyo 6:2

“I sey dii nə̀, abə ghaa fuunə wù laa n fə kə, kə̂ ghaa nə tɔŋɔnə ndɔŋ fə, tə̀ nghee ghə nəb ityim a ghəŋŋənə n ndaw tə udzəŋi tə ghə̂ a Təjuu nsə n faabə tə jìi. Ghə sey ghəŋŋə nə̀ ghə̂ ghə i kali tsuu ghə. N dza bə isəŋə tə̀ ghaa nə̀, ghə n sey keeli tən naamə kə ghə kə.

Matyo 6:5

Yeso n nam dza ndow tə̀ ghə nə̀, “Abə ghaa dza i gɔŋŋə, kə̂ ghaa nə̂ ghəŋŋənə tə̀ a loʼ nghee ghə nəb ityim a ghəŋŋənə, n təŋkey, ghə ləghə ni təmi gɔŋŋə n ndaw tə udzəŋi tə ghə̂ a Təjuu nsə n faabə tə jìi sey nə̀, aghə̂ adzəm i koʼo bə ghə. N kuum dza bə tə̀ ghaa nə̀, ghə n sey keeli tən naamə kə ghə kə.

Lukas 10:29

Wù tii n ləghə ni dii nə̀ tə â ghəŋŋə way ghəə a bəbə ghə. Sey, tə n bəb ndòw tə̀ Yeso nə̀, “Waa zə̂ wùŋ lòʼ ndee?”

Lukas 11:39

Mûkəbii n dza ndòw tə̀ wi nə̀, “Ghaa ghə̂ a tə Falasi abə ghaa ney kɔʼnə kaŋ wə nsə wɔɔ tə, ghaa sòw kə kəbii, loʼ sey nə̀ n fə̀ŋ tə ghaa a luu doʼo umə̂ nsə bəb zə.

Lukas 18:11

Wù Falasi wey n sey təmi ndòw n nəŋə wi, zey ndòw ni gɔŋŋə dza, ‘N fuu bə kəzɔŋŋə tə̀ wɔ a Zə̀ kə, nghee tə n mə̂ə way wù n fə kə, n tsi way wù, n badla way ghəə ghə, n taa zaʼa way wey wuŋ tə ghə̂ a loʼ a ghəŋŋənə. N fuu kəzɔŋŋə tə wɔ nə n way dzə tə̀ a loʼ wù kwɔɔ u kəmàʼlə wey tə teynə fey.

Lukas 18:14

Yeso n dza tə ghə nə̀, “Â way dzə wù Falasi, â fəd loʼ wù kwɔɔ u kəmàʼlə wən tə â loʼ tsətsəghə n sə kə Kəzə̀. Kuum nə̀, abə wù ney kɔʼlə naŋŋə kɔʼnə wû u wi wə, tə i keeli way ngɔɔmə zə, abə wù fəd zûŋ tsunə wû u wi wə, tə n fəd bə keeli ingɔɔmə, ghə n ney kɔʼlə naŋa kɔʼ wi.”

Lukas 18:21

Wù wey n beeli ndow wi nə̀, “Mə n naŋa may laŋ wey udzəm ni ney nuu bə nə n nam təbənu.”

Lukas 18:9

Yeso n kəm dza ndow zəzəə fə fənkəfən fən tə ghə̂ a loʼ ghə, ghə â tɔʼ khənə nə̀ ghə ngii loʼ tsətsəghə kee koʼo kii ghə̂ a loʼ ghə nə̀,

Lukas 20:20

Sey, ghə n khə tən isə̂ n kow Yeso, zuulə naŋa tsu aghə̂ nə ghə i tsilə bwey ghi Yeso tə a loʼ ghə̂ a wi. Ghə i zəllə ghɔɔmə i wi zə nə̀ tə nə kpaʼi dza ghə i bəbə i loʼ zə, tə ghə loʼ ni kwu wi, ghə fu tsəghə ndow wi tə Gɔvənɔ a Roma wey tə khə daʼa kə fu.

Lukas 20:47

Ghə ləghə ni tsii ghey a kpusə ghə, ney nuulə fə u ghə, gɔŋŋə daabə ni maŋ dii iwû. Ndzoʼo ghə̂ ghən, saʼ i ghə zə i faalə nu.”

Tùm i dzuŋu zə kuum Yeso Klisto tə Jɔn â tɔɔnə 2:25

Ghə i loʼ i way dzə wù â loʼnə ni dza tə̀ wi bòʼ ghə, boʼnə wû wi, tə â khə may ghəə ghey a loʼnə n fə̀ŋ tə ghə.

Tùm i dzuŋu zə kuum Yeso Klisto tə Jɔn â tɔɔnə 21:17

Yeso n kəm bəb kpiʼi ndow tə̀ wi ni ghəŋə ndow tənəŋə tətəghə nə̀, “Shimun, waa Jɔn, wə ləghənu mə ə?” Ghə i tii zə n ngii fəmmə Pita n fə̀ŋ nghee tə bəbə kuulə kə ghə zə imɔʼ. Tə n beeli ndow wi nə̀, “Mûkəbii, wə khə aghəə adzəm, wə a khə soʼo nə n ləghənu wɔ.” Yeso n dza ndow tə wi nə̀, “I laalə njì tuŋ tə.

Kəfwaʼ 1:18

Judas â ney kɔʼ khəə wey ghə â tsənə wi tii n bəb zey tə â ghəŋənə, zuu kɔʼ kəluʼu tii. Tə n ndow bwu sɔʼ ndow kətow fu, nəghə u wi wə n bən buʼu i kɔʼ, ndzɔ̀ɔ tə n shi doʼo may bə a bii.

Kəfwaʼ 1:24

Ambə ghə sày kɔʼnə ghə̂ ghən, ghə n gɔŋŋə tsu nə̀, “Mûkəbii, wə khənu fə̀ŋ tə ghə̂ tə tədzəm, dii bə wu wən wə sày nə n ghə̂ ghən abəghə,

Kəfwaʼ 15:8

Zə̀ kən kə khənə nghee tə̀ fə̀ŋ ə wù loʼnə tii, n fuu ghə n Zay kə Zow kə, ighələ tə̀ tə â fuunə tə saa ni diinə tə n bəghəm naŋa soʼo ghə tə a loʼ ghə̂ a wi.

Roma 3:20

I loʼ nə̀, wù umɔʼ way dzə tə doʼlənə tsətsəghə n sə K-a-zə̀ a dza tə naŋŋə kəlaŋ, n təŋkey laŋ kə fədlə ghəŋŋə nə̀ wù keeli nə̀ tə n bəb i ghəŋə.

Roma 8:27

Zə̀ kən kə khənə ghəə ghey adzəm a loʼnə n fə̀ŋ tə saa, khənu moʼlə i Zay kə Zow kə n təŋkey, Zay kə Zow kə gɔŋŋə n tow u dzûmə tə Klisto n jìi zey Zə̀ kə ləghənə.

1 Kɔrint 4:5

Sey, kə ghaa nə tsəʼlənə saʼ n kow wù nə̀ nəŋə i ka kam kpii. Ghaa khə ni ləmə ni ndow kuum n nəŋə zey Mûkəbii i bəghənə tii. À loʼ wi tə i ney naŋŋə bənə ghəə ghey adzəm a nyi doʼonə nə kələm n mgbaŋ, tə i chi dii bə soʼo moʼlə tə bəbə tey ghə̂ a khənə n fə̀ŋ tə ghə. N nəŋə i tii zə, Zə̀ kə i fuu kə kay wù n kɔʼlə mey n kpiinə tə̀ wi.

1 Pita 3:4

Ghaa khə ni fəd ghəŋə nə̀ fə̀ŋ tə ghaa tə i dzɔbə n mwam u dzuŋu wey ghaa khənə nə u kweyyə way. Ghaa khə ni khə zuŋ kə umwam kə nsə fə̀ŋ i dzuŋu zə n təŋkey, à loʼ ghəə ghey a ngii dzɔbənə tə̀ Zə̀ kə.

1 Pita 5:5

N jìi i mɔʼɔ zə, ghaa waa a fəghaŋ, ghaa khə ni zow ndow tə̀ gheynyim a ghaa ghə. Ghaa ghey adzəm ghaa loʼnə nə̀ ghaa n bəghəm fuu tə̀ Zə̀ kə, ghaa khə ni tsuulə tsu wû i ghaa ni fwaʼa ndow tə̀ waazu ghə, n təŋkey, i tɔ̀ɔ doʼo n màʼlə K-a-zə̀ nə̀, “Zə̀ kə baa ghə̂ ghey ghə kɔʼlənə wû zə Kee dii fə̀ŋ ə wi i dzuŋu zə tə̀ ghə̂ ghey tsuulə tsu wû i ghə zə.”

Chi dii 2:23

Mə i wey maʼa tsu soʼo ghə̂ ghey adzəm ghə neynə ghow kə ibwey kə wi kə. Dzəŋi u dzûmə tə Klisto udzəm i keeli tsu nə̀ à loʼ mə n khənə fə̀ŋ tə aghə̂ nsə moʼlə tə aghə̂ tə tədzəm. Ghə i keeli soʼo nə̀ mə i tsəə dzəŋŋə kə kay wù ghə n fə key kə kpiilənə ghi ghəə a wi a ghəŋŋə ghə.