Lukas 15:28 - Kaa n Kəzə̀ n fəghə mə

²⁸ Weynyim wey n fəələ ndòw unəghə nghee tə zow tsu sey, tuu nə̀ tə nyiə way n ndaw. Bày n ndòw shi bə, kaʼ ndòw ni buʼ kəwɔɔ tə̀ wi.

Lukas 15:28 Mawu Ofanana

Matyo 20:11

Ambə ghə ney kɔʼ khə̀ə u ghə wə, ghə n kaʼ ndòw ni sənnə ghɔɔmə bòʼ muu usum wey, dza nə̀,

Malakus 1:40

Wù ukə̀m u loʼ wə n ndòw bə, təm bə tənguʼ n tənnə Yeso, buʼ wi n wɔɔ kə nə̀ tə gaamə wi dza nə̀, “N khənu nə̀ abə wə ləghənə, wə loʼ ni ghəŋə mə nə n zow.”

Lukas 13:34

Ohooo Yerosalem, Yerosalem, naʼ zey i weyyənə tûm tə Kəzə̀ tə, təmmə wey a loʼ ghə nə atay, n mâ dəm ni zuŋŋə naŋa bə waa ghə tə nay mbvə nə zuŋŋə naŋŋə waa a wi ghə n tənə ghaw tə wi, ghaa n ka bəghəm.

Lukas 15:2

sey ghə̂ a tə Falasi nsə ghə̂ ghə ulaŋ ghə n nyuŋŋə ghɔɔmə n wû i ghə dza, “Wù wən təmə dzəŋi ghi ghə̂ a bəbə ghə, zəə dzəŋi soʼo ghi ghə.”

Lukas 15:27

Wù kəfwaʼ wey n dza tə̀ wi nə̀, ‘Waazə wə n bə dzəŋŋə, bày wə u weytsunə mbɔŋɔlɔʼ i nii zey, n təŋkey, tə bə dzəŋŋə utaw.’

Lukas 15:29

Tə n fəd dza ndòw tə̀ bày nə̀, ‘koʼo fwaʼ kən n fwaʼa nə tə̀ wɔ, n nûm tən tə̀ a loʼ kəkɔd, zow tə wɔ, naŋŋə soʼo laŋ wə, wə ka kam fu koʼ tsə waa fə ji fə tə̀ mə, tə n mbɔŋ səghə n saŋŋə ghi fə̂ ghuŋ ghə.

Lukas 24:47

Nsə nə ghaa naʼa tûm i dzuŋu zə n zəd i Yeso n badla tə mbi tədzəm nə ghə̂ a kweyyə nuu bə fə̀ŋ tə ghə n ghəə a bəbə ghə tə Zə̀ kə neyzəə bəb i ghə, ni zey tsu n Yerosalem, kuum ndow n badla tə mbi tədzəm.

Lukas 5:30

Ghə Falasi nsə ghə̂ a dii ghə ulaŋ ghey ghə â loʼ dzəŋinə ghi ghə n nyuŋə ghɔɔmə dza tə̀ dzûmə tə Klisto tə nə̀, “À loʼ kee ghaa zə̂ənə, məə dzəŋi ghi ghə̂ a kwɔɔ a kəmàʼlə ghə nsə ghə̂ a bəbə ghə ə?”

Lukas 7:39

Ambə wù Falasi wey tə mə naʼanə Yeso koʼ tsunə sey, tə n moʼlə n fə̀ŋ ə wi nə̀, “Abə wù wən mə ndzəm lòʼnə wù tûm Kəzə̀, tə̂ tə mə khə wù wey tə mɔmmə nə wi, ndzoʼo weyzən wən tə lòʼ ghii wi, nə a loʼ weyzən u bəbə wə.”

Kəfwaʼ 13:45

Ambə tow wə inaʼ u ghə̂ a Təjuu ghey koʼ tsunə nɔɔ kə aghə̂ kən, ghə n kaʼ ni ghoʼ, khə̂mə ghəə ghən Pɔl dzanə, kpaalə soʼo wi.

Kəfwaʼ 13:50

Ngəd tə Təjuu tə n fədlə kuu tənyɔʼ n kow gheyzən a səŋi ghə nsə gheynum a nii ghey ghə ngɔɔmənə Zə̀ kə fu inaʼ nə ghə nuu təmi kɔʼ n tow kə Pɔl nsə Banabas. Ghə n zey ndow ni chɔd Pɔl nsə Banabas, dzum shi daŋŋə ndow ghə fu n mboʼo tii.

Kəfwaʼ 14:19

Ghə̂ a Təjuu a loʼ ghə, ghə a nuu bənə n naʼa tə Antyɔk nsə nə Ikonum n ndow bə fu n Listra. Ghə nəəbə tsu nɔɔ kə aghə̂ key nə ghə dzəŋi bə i ghə. Sey ghə n təmmə Pɔl nə atay, sii nuu shi ndow ghi wi n naʼ i tii zə ndow maʼa naŋa ndow wi, khə kə nə̀ tə n kpuu.

Kəfwaʼ 14:2

Ghə̂ a Təjuu ghən ghə â khə way bəghəm i fə̀ŋ zə n fədlə kuu tənyɔʼ, bəəbə maʼa kɔʼ fə̀ŋ tə ghə̂ ghey ghə way ghə̂ a Təjuu ghə kuum Pɔl ghi Banabas nsə dzûmə tə Klisto tə loʼ tey.

Roma 10:19

N dza n kəm tsu nə̀, à loʼ nə̀ ghə̂ ghə Izree ghə â ka zowkeeli ə? Ghə mâ tsəm zowkeeli! À loʼ nə̀ â kee tuu ghə, n təŋkey, Mushi n wû u wi wə mâ bùʼ dza nə̀ Zə̀ kə dza nə̀, “Mə i ney kɔʼɔ naʼ zən ghaa moʼo nə̀ à way dzə naʼ i səŋi zə, N ghəŋə nə̀ ghaa i ghoʼo naʼ i tii zə. Mə i ney soʼo laŋa kə inaʼ kə loʼ kə, N ghəŋə nə̀ ghaa i fəələ nəghə wə tii.”

2 Kɔrint 5:20

Ghey fa loʼ tow kə Klisto, ghey a buʼu bənə wɔɔ kə n wɔ ghaa tə̀ a i dza à loʼ Kəzə̀ n wû u wi wə tə buʼu bənə wɔɔ kə n bam i ghey. Ghey buʼu bə kəwɔɔ tə̀ ghaa n zəd i Klisto, nə̀ ghaa doʼo bə nə kəfə kəmɔʼ ghi Zə̀ kə.

1 Tesalonika 2:16

Ghə ndeemi iwû ni buu naŋa ghey nə̀ kə̂ ghey nə̂ naʼlənə ghɔɔmə i Kəzə̀ zə tə̀ ghə̂ ghən ghə way ghə̂ a Təjuu ghə, nə̀ ghə mbɔŋ keeli ibəghəshi. Ghə n sey zuŋŋə naŋa kɔʼ bə ghəə a bəbə ghə, sey, ngoʼ ə Kəzə̀ n bə n kow ghə.