Lukas 15:24 - Kaa n Kəzə̀ n fəghə mə

²⁴ təŋkey, waa wùŋ wən mâ kpu, nya tə n zhəm dzəŋŋə bə. Tə mâ nay, a n kəm koʼ wi.” Sey ghə n kaʼ ni saŋŋə

Lukas 15:24 Mawu Ofanana

Matyo 8:22

Yeso n fəd dza ndòw tə̀ wi nə̀, “Dzûmə bə mə̀, zəghə maʼa ghə̂ a kpuu ghə tə̀ ghə tsəllə ndòw ghə̂ a ghə a kpuu ghə.”

Malakus 8:22

Yeso ghi ngəd tə wi tə n ndòw bə n naʼ i Bedsayda. Ghə̂ a loʼ ghə n ney bə wù fəbə u loʼ wə n səə Yeso, buʼ wi n wɔɔ kə nə̀ tə mɔm tsu wi.

Lukas 10:19

Zəllə na, mə n fu ghaa n daʼa kə tə̀ ghaa lòʼ ni bwey nə təzuu, n kow nàŋ tə, nsə ni təm zə̂ daʼa u ghə̂ a təngəmə, fə kə lòʼ kə nə way ni mɔm bəəbə ghaa.

Lukas 15:23

Ghaa ney bə mbɔŋ i nii zey, ghaa wey tsu, tə̀ a keeli Kəzə̀, a saŋŋə,

Lukas 15:25

“A n loʼ sey nə̀ weynyim ə wi nam loʼ n mbvən. Nghee tə fənə bənə, tə n kuʼlə bə n səə ndaw, tə n zow ndow dəm kə ibən n ndaw ghə,

Lukas 15:32

I kpiinu tə̀ saa ni saŋŋə, a duʼlə, n təŋkey, waazə wə wən tə â kpuunu, tə n bə dzəŋŋə utaw, tə â naynu, a n kəm koʼ wi.’”

Lukas 15:4

“Abə wù ghaa u loʼ khənə njì tə fəbɔm, imɔʼ nay tsunə, tə i ghəŋə ngee? N dza tə naŋa səə tsu tə̀ loʼ tey nghəm ntaandzuu nsə ghii tə tətaandzuu nə ibəghə, tə nuu ndòw ni kəŋ i zey i naynə ni ndow kùm n nəŋə zey tə i koʼonə ə?

Lukas 19:10

Kùum nə Waa wù sɔŋtsuʼ bə ni bə kəŋ koʼ nsə ni bəghəshi ghə̂ ghey ghə nay doʼo nə.”

Lukas 9:60

Yeso n dza ndòw tə̀ wi nə̀, “naŋa tsu tə̀ ghə̂ a kpuu a tsəllə ndòw ghə̂ a kpuu ghə, abə wɔ, ndòw naʼa ndòw ghəə a fɔɔ u Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 11:25

Yeso n dza ndòw tə̀ wi nə̀, “À loʼ mə n zhəm dzəŋŋə nə ghə̂ ghə nə ivə, a loʼ mə n fuu soʼonə muu zə. Wù wey tə bəghəmnə tə̀ mə, abə tə kpu kənu, tə î keeli imuu.

Tùm i dzuŋu zə kuum Yeso Klisto tə Jɔn â tɔɔnə 5:21

Bày zhəm dzəŋŋə bə aghə̂ nə̀ ivə, fuu ghə n muu zə, a loʼ ighələ, Waa fuu soʼonə muu zə tə̀ wù wey tə ləghənə ni fu tə̀ wi.

Roma 11:15

I loʼ sey n təŋkey, abə i loʼ nə̀, nghee Zə̀ kə â tuu maʼanə ghə̂ a Təjuu ghə bòʼ bəb i ghə, zə â ghəŋə nə̀ ghə̂ a mbi a doʼo bə nə kəfə kəmɔʼ ghi Zə̀ kə, zə i boʼo doʼlə ngee abə Zə̀ kə kəm ney nyi bənə Juu tə ibam ə? Zə i bɔɔmə doʼlə kə tə̀ wù kpuunə zhəm dzəŋŋə bənə nə ivə, doʼo bə utaw.

Roma 12:15

I duʼlə n na ghi ghə̂ ghey ghə duʼlənə, mow soʼo ghi ghə̂ ghey ghə mownə.

Roma 6:11

N jii i mɔʼɔ zə, ghaa khə ni zowkeeli tsu nə̀ bəb i kəm khə soʼo way daʼa kə n kow ghaa. Muu zey ghaa muunə nya, loʼ muu zey i kpiilənə tə̀ Zə̀ kə n təŋkey ghaa loʼ nə̀ kəfə kəmɔʼ ghi Yeso Klisto.

Roma 6:13

Kə ghaa nə̂ bəghəmnə nə̀ bad kə uwû kə ghaa kə loʼ kə ghəŋŋə nə̀ ghaa i ghəŋŋə ghəə ghey a kpiilə way. Ghaa fəd khə ni fuu nyi may ndow wû i ghaa tə̀ Zə̀ kə tə a loʼ ghə̂ ghey tə bəghəshi bənə ghə nə̀ ivə, fuu ghə n muu i fəghə zə. Ghaa fuu may ndow soʼo wû i ghaa tə Zə̀ kə tə̀ tə loʼ ni ghəŋə nə̀ ghaa i fwaʼa ndow ghəə ghey a loʼnə tsətsəghə n sə kə wi.

Roma 8:2

I sey loʼ ntənkey, nghee tə saa loʼ soʼonə nə kəfə̂ kəmɔʼ ghi Yeso Klisto, Zay kə Zow kən kə fuunə muu zə, kə nya fwaʼa n kow mə, ghəŋŋə nə̀ mə i naŋŋə laŋ u wi. Kə n bəghəshi soʼonə mə wɔ daʼa kə ghəə a bəbə kən kə ney bənə və zə.

1 Kɔrint 12:26

Dii tsu nə̀, abə bad kə uwû kəmɔʼ kə fəʼlənə, zuŋ u wû u loʼ wey udzəm wə n fəʼlə soʼo, abə bad kə uwû kəmɔʼ kə loʼ dzɔbnə, zuŋ u wû u loʼ wey udzəm wə n loʼ dzɔb soʼo.

Efesus 2:1

Sə̂ i sə, ghaa â loʼ tsə tə̀ a loʼ ghə̂ ghey ghə kpu doʼonə boʼnə ghaa â naŋŋə way laŋ u Kəzə̀ wə, ghəŋŋə soʼo ghəə a bəbə ghə.

Efesus 2:5

Sey, nghee tə̀ saa â loʼnə tə̀ a loʼ ghə̂ ghey ghə kpu doʼonə bòʼ ghəə a saa a bəbə ghə, tə n fuu saa n muu zə nya nghee saa loʼnə nə kəfə kəmɔʼ ghi Klisto. À loʼ bòʼ ndzuŋ ə Kəzə̀, saa keelinə bəghəshi zə n bəb i saa.

Efesus 5:14

Kuum nə̀, a loʼ utsə u ghəŋŋənə nə̀ ghəə a doʼo bə n mgbaŋ. À wən loʼ ghə i tii zə ghə dzanə nə̀, “Nuu kɔʼ idəŋ, wɔ wən wə bweelinə, Zhəm nuu dzəŋŋə bə nə ivə. Tsə u Klisto wə i baŋa n kow wɔ.”

Kolose 2:13

Ghaa â loʼ tsə tə a loʼ ghə̂ a kpuu ghə n sə K-a-zə̀ bòʼ ghəə a ghaa a bəbə ghə nsə nə ghaa a loʼ nə ghə ka kam səghə tyi u ghaa wə. Abə nya, Zə̀ kə n ghəŋə nə̀ ghaa doʼo bə utaw ghi Klisto, n təŋkey, tə n neyzəə ghəə a ghaa a bəbə ghə n ndzuŋə wi.

1 Timoti 5:6

A kee bə wey kpusə wən tə ləghə ni zəələ wû u wi wə, tə loʼ tə a loʼ wù kpuu, abə tə nam buʼ loʼ kə utaw.

Màʼlə kə Jud tə̀ ghə̂ a Kəzə̀ ghə 1:12

Ghə̂ ghən loʼ tə a loʼ udzə, u dzəələnə ghaa abə ghaa ghi ghə dzəŋi zə̂ənə n kuubə tə. Ghə zə̂ə ghi ghaa nə̀ ghə khə way tow kə dədlə kə loʼ kə, ghə sə laalə tsu kənə ghow kə ibwey kə ghə kə. Ghə maŋ loʼ tə a loʼ mbaʼ tə ighow n bikighow, zəŋ maŋa fəəbə kaabə tsənə nə̀ tə way ni fuu koʼ ighow. Ghə loʼ soʼo tə a loʼ kaʼ fən abə nùm tii bənə, tam wə n way ni mə̂ koʼ tsə tii. Ghə loʼ tə a loʼ kàʼ mən ghə dənnə nuu shi kɔʼ bənə a ghəlitsə, mə u loʼ nə̀ mə n fɔɔ zum nuu.

Chi dii 3:1

Yeso n dza bə tə̀ mə nə̀, “Tɔ̀ɔ ndow tə̀ tsəndəghə ə Kəzə̀ zey i keyyənə dzəŋi kə dzûmə tə Klisto key n Sadis nə̀ wù wey tə̀ khənə Zày u Kəzə̀ wən usəghəmbəghə nsə səghəbələ mən nsəghəmbəghə, dza nə̀, n khənu ghəə ghey wə ghəŋŋənə. Wə dii bə tə wə loʼ utaw, loʼ sey nə̀ wə loʼ wù kpu.