Lukas 14:22 - Kaa n Kəzə̀ n fəghə mə

²² Ghab kə n ka shi, wù kəfwaʼ wey n dzəŋŋə bə, dza tə̀ mûkəbii nə̀, ‘Mûkəbii, mə n fwaʼ ghəə, ghey wə mə dza nə̀, a kee loʼ kə nə̀, buʼ kə nam loʼnu n ndaw.’

Lukas 14:22 Mawu Ofanana

Lukas 14:21

Sey wù kəfwaʼ wey n dzəŋŋə ndow, bə dza bə ghəə a tii ghə adzəm tə̀ mûkəbii a wi. Fəŋ n ngii fə̂ mûkəbii wey, tə n tûm shi ndow wù kəfwaʼ wey dza, ‘Ndow n faabə tə jii nsə n jii tə ukɔli tə inaʼ, wə tɔŋɔ kaabə bə ghə̂ a laa ghə, ghə̂ a fəbə ghə nsə kəŋŋə wə.’

Lukas 14:23

Mûkəbii wey n dza tə̀ wù kəfwaʼ a wi wey nə̀, ‘Ndòw tɔŋɔ kaabə bə ghə̂ ghə n jii nsə n jii tə mbvən, nə ghə bə, tə̀ ndaw zuŋ luu kɔʼ.

Tùm i dzuŋu zə kuum Yeso Klisto tə Jɔn â tɔɔnə 14:2

N dza bə tə̀ ghaa nə̀, dzuu a ndaw a loʼ n ndaw Bày wuŋ n ndəm, abə a mə way sey, tə n mə ka dza bə dzə tə̀ ghaa nə̀ n sa ndow ni ndow bayyə naŋa tsu təluʼu tə̀ ghaa.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Kolose 2:9

N təŋkey a may tsu kə n muu i Klisto tə a loʼ wù sɔŋtsuʼ a koʼonə muu i Kəzə̀ zə idzəm.

1 Jɔn 2:2

À loʼ wi Zə̀ kə â fuunə tə̀ a loʼ umaʼlə nə tə kpu n tow u saa ni sow maʼa bəb i saa. Tə â kad sow maʼa kə bəb i saa zə, tə â sow maʼa soʼo bəb i ghə̂ adzəm fa n mbi.