Lukas 14:21 - Kaa n Kəzə̀ n fəghə mə

²¹ Sey wù kəfwaʼ wey n dzəŋŋə ndow, bə dza bə ghəə a tii ghə adzəm tə̀ mûkəbii a wi. Fəŋ n ngii fə̂ mûkəbii wey, tə n tûm shi ndow wù kəfwaʼ wey dza, ‘Ndow n faabə tə jii nsə n jii tə ukɔli tə inaʼ, wə tɔŋɔ kaabə bə ghə̂ a laa ghə, ghə̂ a fəbə ghə nsə kəŋŋə wə.’

Lukas 14:21 Mawu Ofanana

Matyo 11:28

“Ghaa ghey ghaa loʼ nə̀ ghaa n ngii fəghə ni boʼo fə u dədlə wə, bə na n tənə mə, n ney naŋa ghaa, ghaa zayyə tsu wû i ghaa.

Matyo 11:5

Ghə̂ a fəbə a nya koʼo təluʼu, kə̀ŋŋə u nya bweynu, ghə̂ ghey ghə â dzaŋanə kə̀m wə n taw, kùʼ wə a zownə tuŋŋə wə, ghə̂ à kpuu ghə a zhəm dzəŋŋə bə nə ivə, ghə a naʼlə soʼonə tûm i dzuŋu zə tə ghə̂ a laa ghə.

Matyo 15:12

Sey ngəd tə wi tə n bə n səə wi, bəb tə̀ wi nə̀, “Wə khənu nə̀ ghəə zey wə mə dzanə mâ bəəbə maʼa fə̀ŋ tə ghə̂ a tə Falasi ghə ə?”

Matyo 18:31

Ambə ghə̂ a kəfwaʼ a loʼ ghey koʼ tsunə ghəə ghən. Ghə n fəələ nay ndòw n fə̀ŋ, ndòw dza ndòw tə̀ mûkəbii ə ghə, ghəə zey i neynə bənə kə.

Matyo 20:7

Ghə n beeli ndòw wi nə̀, ‘Wù loʼ ka ghey ney dzə nə̀ kəfwaʼ.’ Tə n dza tə̀ ghə nə̀, ‘Ndòw fwaʼa soʼo na n sum wuŋ.’”

Lukas 14:13

Fət tɔŋɔ bə ghə̂ a laa ghə, ukəŋŋə nsə ghə̂ a fəbə ghə,

Lukas 14:20

Wù loʼ wey n dza, ‘N sa kuʼlə ney kɔʼ wey, a wey loʼ ghə i tii zə n way dzə ni bə.’

Lukas 14:22

Ghab kə n ka shi, wù kəfwaʼ wey n dzəŋŋə bə, dza tə̀ mûkəbii nə̀, ‘Mûkəbii, mə n fwaʼ ghəə, ghey wə mə dza nə̀, a kee loʼ kə nə̀, buʼ kə nam loʼnu n ndaw.’

Lukas 14:24

N dza bə tə̀ wɔ nə̀, wù umɔʼ n ghə̂ ghey mə â naʼanə î gaʼ way fə kə fa n ndaw.’”

Lukas 24:47

Nsə nə ghaa naʼa tûm i dzuŋu zə n zəd i Yeso n badla tə mbi tədzəm nə ghə̂ a kweyyə nuu bə fə̀ŋ tə ghə n ghəə a bəbə ghə tə Zə̀ kə neyzəə bəb i ghə, ni zey tsu n Yerosalem, kuum ndow n badla tə mbi tədzəm.

Lukas 9:10

Ambə ngəd tə Yeso tə dzəŋŋə bənə tə̀ Yeso â tûm shinə ghə, nə̀ ghə ndòw naʼa tûm Kəzə̀. Ghə n bə dza bə tə̀ wi nghee tə ghə fwaʼ kuumnə. Yeso n ney ndow ghə n luʼu k-a-nyi n naʼ i Bedsayda.

Tùm i dzuŋu zə kuum Yeso Klisto tə Jɔn â tɔɔnə 9:39

Yeso n dza, “N bə fa n mbi ni bə saʼ aghə̂, sey nə̀, ghə̂ ghey ghə fəb doʼonə ghə i loʼ ni koʼ təluʼu, ghə̂ ghey ghə koʼonə luʼu tə ghə fəb doʼo bə.”

Hibru 13:17

Ghaa i zow tə̀ ghə̂ ghey ghə diinə ghaa n jìi, ghəŋŋə ndow ghəə ghey ghə dzanə. À loʼ ghə, ghə laalənə tow u ghaa wə, à i tiilə dza soʼo ghə tə̀ Zə̀ kə ghəə ghey adzəm ghə â fwaʼnə tə̀ ghaa. Abə ghaa zownə tə̀ ghə, ghə i fwaʼa fwaʼ kə ghə kə tə̀ ghaa nə iduʼlə. Abə ghaa zow way tə̀ ghə, ghə i fwaʼa fwaʼ kə ghə kə nə imow. Abə ghə fwaʼanə nə imow, zə i gaamə way ghaa n ghə i loʼ zə.

Hibru 2:3

Saa i nɔbə shiə ngee abə saa tsayyənə bəghəshi i nii zən ə? A loʼ Mûkəbii n wû u wi wə tə a naʼa bənə bəghəshi zən isə. Ghə̂ ghən ghə a zownə, ghə dii bə tə̀ saa nə̀ à loʼ isəŋə.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?

Chi dii 19:15

Kɔb i tɔbə zə n shi bə n dzuu i wi. A loʼ n kɔb ə tii, tə i təmə zəənə naʼa tə. Tə i saʼa ghə n wɔɔ a taw ghə, tə i dəʼlə soʼo ghə n nəghə u fəə u Zə̀ kən kə khənə daʼa wə udzəm tə ghə nə dəʼlənə lami tə n nyùʼ key ghə kammənə nlə n təlami mə tii.

Chi dii 22:17

Zay kə Zow kə nsə wey Waa Nji zey dza nə̀, “Bəghə!” Wù wey tə zow ghəə ghən teeli khə ni dza soʼo nə̀, “Bəghə!” Wù wən fə̀ŋ ə mmuu zuʼlənə wi, tə bə. Wù wey tə ləghənə ni mə̂ mmuu mən n fuu muu zə nə̀ tə̀ ka tsə, tə bə mə̂.