Lukas 14:13 - Kaa n Kəzə̀ n fəghə mə

¹³ Fət tɔŋɔ bə ghə̂ a laa ghə, ukəŋŋə nsə ghə̂ a fəbə ghə,

Lukas 14:13 Mawu Ofanana

Matyo 15:30

Nɔɔ kə aghə̂ kə n ndòw bə n səə wi ghi ghə̂ a dzaŋa ghə, ghə̂ ghey ghə ngɔdlɔ bweynə, ghə̂ a fəbə ghə, ukə̀ŋŋə, umùʼ, nsə ndəmə ghə̂ a dzaŋa a loʼ ghə, ghə n bə naŋŋə bə ghə n sə kə Yeso, tə n baŋŋə ghə.

Matyo 22:10

Ghə̂ a kəfwaʼ ghey n ndòw soʼo, tɔŋɔ bə ghə̂ ghey ghə â koʼnə. Ghə̂ a dzuŋu ghə nsə ghə̂ a bəbə ghə, ndaw kəzə̂ zey n luu tsu n wɔ ghə̂ ghə.

Lukas 11:41

I dzaw fuu ndòw fə u ghaa wə tə ghə̂ ghey ghə khə way tə̀ ghəə a ghaa ghə i zow.

Lukas 14:12

Sey, tə n dza ndòw tə̀ wù wey tə mə naʼanə wi nə̀, “Abə wə̀ khənə zə̂ kə, ka kali naʼa kə fə ghə ghə̀, waazə ghə ghə̀, tyimghə ghə, nsə ghə̂ a kuum ghey ghə muu nə n kɔli wə, bòʼ nə abə wə ghəŋənə sey, ghə i mbɔŋɔ naʼa dzəŋŋə bə soʼonu wɔ, sey zə i loʼ nə ghə n wɔ tsə dzəŋŋə.

Lukas 14:14

kùmnə ghə i way ni tsə dzəŋŋə wɔ, sey, wə nə keeli ibuulə, abə ghə̂ ghey ghə loʼ tsətsəghə nə zhəm dzəŋŋə bənə nə ivə.”

Lukas 14:21

Sey wù kəfwaʼ wey n dzəŋŋə ndow, bə dza bə ghəə a tii ghə adzəm tə̀ mûkəbii a wi. Fəŋ n ngii fə̂ mûkəbii wey, tə n tûm shi ndow wù kəfwaʼ wey dza, ‘Ndow n faabə tə jii nsə n jii tə ukɔli tə inaʼ, wə tɔŋɔ kaabə bə ghə̂ a laa ghə, ghə̂ a fəbə ghə nsə kəŋŋə wə.’

Kəfwaʼ 9:39

Pita n daŋŋə bayyə tsu uwû, nuu dzəŋi ndow ghi ghə. Ambə tə ndow kuum tsunə fu, ghə n ney kɔʼ ndow ghi wi n dzuu i ndaw zey i doʼo kɔʼ ndow idəŋ. Ghey a kpusə adzəm n dzəŋ tsəghə kɔʼ wi, dey, dii ndow wi n ndzə tey Dɔkas â təmnə tə ghə nə tə nam loʼ utaw.

1 Timoti 3:2

Wù wey tə loʼnə tow kə tə dzûmə tə Klisto tə, khə ni loʼ wù wey tə khə way bwu i loʼ zə n doʼo i wi. Tə khə ni loʼ wù wey tə gaʼnə fə̀ŋ n kow wey wi. Tə khə way ni mbadla fəələ n fə̀ŋ. Tə khə ni nyoʼlə ghəŋŋənə ghəə ghə. Tə khə ni loʼ wù wey ghə̂ a fuunə wi n ngɔɔmə zə. Tə khə ni loʼ wù wey tə loʼ ni kpiney ghə̂ ghey ghə bwey bəghənə n ndaw wi. Tə khə ni loʼ soʼo wù wey tə loʼ ni dii nduŋŋə ndow ghə̂ ghən ghə bəghəmnə tə Zə̀ kə.

1 Timoti 5:10

Ghə̂ a khə ni khə wi bòʼ mwam u wi u dzuŋu wə tə a loʼ jìi zey tə ney kɔʼ bənə waa a wi ghə tii, jìi zey tə kpii neynə ghə̂ ghey ghə bwey bəghənə n ndaw wi. Tə u fwaʼa fwaʼ kə dzuŋu kə tə dzûmə tə Klisto tə, fuu soʼo igaamə tə ghə̂ ghən ghə loʼ nə uchɔd. Tə khə ni loʼ nə̀ tə n fuu nyi ndow wû u wi wə ni fuu gaamə zə tə ghə̂ ghə nə təjìi tədzəm.

Taytus 1:8

Tə fəd khə ni loʼ wù wey tə kpiney dzɔbənə ghə̂ ghə, ləghə kə ghəə zey i dzɔbənə. Tə khə ni loʼ wù wey tə loʼ ni kwu keeli wû u wi, loʼ tsətsəghə, zow, khə soʼo nghee tə teyyənə ghow kə ibwey kə wi kə a tii.

Filemun 1:7

N waazə, n ngii duʼlənu, fə̀ŋ zuŋ u zow soʼo n ndzoʼo ləghə zey wə diinə tə ghə̂ a Kəzə̀ ghə. Ləghə zey wə diinə n kuu fə̀ŋ tə ghə̂ a Kəzə̀ ghə adzəm.

Hibru 13:2

I kə ghaa i neyzəə ni kpii ney ghə̂ ghən ghə bwey bəghənə n ndaw tə ghaa. Ghə̂ a loʼ a mâ ghəŋə sey, ghə n kpii ney kɔʼ tsətəndəghə tə Kəzə̀ nə̀ ghə khə way.