Lukas 13:28 - Kaa n Kəzə̀ n fəghə mə

²⁸ Sey ghaa nə dey, fəə asɔŋ, bə ghaa i koʼnə Abraham, Ayzik, Yakɔb, nsə tûm tə Kəzə̀ tə, ghə loʼnə n fɔɔ u Kəzə̀, nə ghə n ghaa tuu maʼa.

Lukas 13:28 Mawu Ofanana

Matyo 13:42

ghə maʼa ndow ghə n buʼ kə uvəllə key kə numnə tə a loʼ vəllə u kənam. Ghə̂ a nə dey fu, fəə asɔŋ.

Matyo 13:50

ghə maʼa ndow ghə n buʼ kə vəllə u kənam, ghə nə deyyə fu, fəə asɔŋ fu tii.”

Matyo 22:13

Də̀ŋ key n dza ndòw tə ghə̂ a kəfwaʼ ghə nə̀, ‘Kòw kɔʼ na wi nə ubaʼ, nə awɔɔ nsə nə ifuu, ghaa maʼa ndòw wi bii nə kələm, tə i dey fu, fəə asɔŋ.’

Matyo 24:51

Mûkəbii ə wi i bə khəələ tsu wi nə nsadla, tə təm naŋa dzəŋi ndòw wi ghi ghə nəb ityim. Ghə i dey fu, fəə asɔŋ.”

Matyo 25:30

Abə dzə̀ŋsə kə wù kəfwaʼ kən, ney maʼa shi ndòw na wi a bii n tənə kələm, n luʼu key tə deynə fu, fəə asɔŋ.’”

Lukas 10:15

Abə ghaa ghə̂ a Kapenum ghaa nya moʼlə kə nə Zə̀ kə i kɔʼlə naŋa kɔʼɔnu ghaa idəŋ. À way dzə sey. Ghaa i nyiə nə uvəllə.

Lukas 14:15

Ambə ghə zow tsu nə sey, wù loʼ n fəŋŋə kə ghə̂ ghey ghaa zəənə fu n dza tə Yeso nə̀, “I sey dii nə̀ buulə zə î ngii loʼ tə wù wey tə loʼnə n zə̂ key n fɔɔ u Kəzə̀.”

Lukas 16:23

Ambə tə loʼnə n naʼ zə ivə zow ngoʼ fu, tə koʼ kɔʼ ndòw Abraham nə kədaa, ghi Lazarɔs n səə wi.

2 Tesalonika 1:5

Ghəə ghən adzəm dii bənu nə̀ saʼ i Kəzə̀ i loʼ tsətsəghə. Ghaa fəʼlə nya n jii i zən tə̀ Zə̀ kə n təŋkey Zə̀ kə ləghə nə̀ ghaa i loʼ n jìi zey ghaa kpiinə ni nyi n fɔɔ u wi.

2 Pita 1:11

A loʼ n jii i zən Zə̀ kə i fuu ghaa n daʼa kə ni nyi n fɔ̀ɔ wey Mûkəbii saa tə loʼnə Bəghəshi ə saa tɔŋŋə Yeso Klisto saʼanə tii nəŋə tədzəm.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”

Chi dii 22:15

Ghə̂ ghey ghə i kee nyi way fu inaʼ, loʼ ghə̂ ghey ghə ghəŋŋə ghəə a dzəə ghə nsə ghə̂ ghən ghə ghəŋŋə ghəə a fənnə ghə, ghə̂ ghey ghə ghəŋŋə ghə a laŋŋə ghə nsə ghə̂ ghey ghə weynə ghə̂ ghə, ghə̂ ghey ghə ngɔɔmə muʼu mə nsə ghə̂ ghey adzəm ghə ləghənə ni badla ghəə ghə n ghɔɔmə i ghə nsə n ghəə ghey ghə ghəŋŋənə.