Lukas 13:16 - Kaa n Kəzə̀ n fəghə mə

¹⁶ À wən loʼ waa sali ndaw zə Abraham nə̀ tə n fəghə n wɔ Satan, nə tənum ighəm nsə num tə ifam, a bəbə kee tii ni bəghəshi wi n chɔd u wi abə a loʼ kə n tsuʼ inaʼ a?”

Lukas 13:16 Mawu Ofanana

Matyo 4:10

Yeso n dza tə̀ wi nə̀, “Mbad nuu fa n səə mə, Satan! Ghə tɔɔ naŋa n màʼlə K-a-zə̀ nə̀, ‘I ngɔɔmə Mûkəbii, Zə̀ kə kə̀, Wə̀ i fwaʼa tə̀ wi n nəŋə wi.’”

Malakus 2:27

Sey Yeso n dza ndòw tə ghə nə̀, “Zə̀ kə â ghəŋə tsuʼ inaʼ tə̀ wù, Tə â ka ghəŋə dzə wù tə̀ tsuʼ inaʼ wə.

Lukas 16:24

Sey tə n dey dza ndòw tə̀ Abraham nə̀, ‘Bày wuŋ Abraham! Kwɔɔlə sî zə n kow mə wə tûm tsu Lazarɔs tə tsum waa kəwɔɔ ə wi nə n mmuu tə n maŋ labi kayyə tsu waatɔŋ zuŋ tii, n təŋkey, n ngii zow ifɔbə fa nə uvələ.’

Lukas 19:9

Yeso n dza tə wi nə̀, “Zə̀ kə n bəghəshi ndaw zən na, n təŋkey, wù wən loʼ soʼonu waa sali ndaw zə Abraham.

Lukas 3:8

Mə̂ bə na tam u dzuŋu wə ni dii nə̀ ghaa n kùm kwey fə̀ŋ tə ghaa tə. Kə ghaa nə dzanə n wû i ghaa nə̀, ‘Abraham loʼ bày ghey u wey wə.’ Təŋkey n kûm dza bə tə̀ ghaa nə̀ Zə̀ kə loʼ ni buʼ fəd tay ghən tə̀ a doʼo waa ghə Abraham.

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

Kəfwaʼ 13:26

Waazə ghə, tɔŋɔ ghaa ghən ghaa loʼ waa a waa ghə Abraham ghə, nsə ghaa ghən ghaa way ghə̂ a Təjuu ghə, ghaa ngɔɔmə soʼonə Zə̀ kə, à loʼ tə saa Zə̀ kə ghəŋŋənə nə̀ tûm zən bòʼ jìi zey Zə̀ kə bəghəshiənə ghə̂ ghə, i bə.

2 Timoti 2:26

Sey, tɔb u ghə u loʼ ni fən nyi dzəŋŋə bə, tə̀ ghə tyi nuu shi n tsaʼ fə Satan fən ghə ney doʼonə tii nə̀ ghə i zow bə kə tə wi.