Lukas 11:42 - Kaa n Kəzə̀ n fəghə mə

⁴² Ngoʼ loʼ tə̀ ghaa ghə̂ a tə Falasi ghə, n təŋkey ghaa tɔʼɔ ghəəmə tsuu sa ni dzawwə fə̂ u ghaa udzəm nə tə badla ighəm ni fu naamə K-a-zə̀ tə laŋ kə diinə, kasə̀ tow ufə̂ wey u shiənə n sûm i ghaa, kee saʼa way tsətsəghə, dii soʼo way ləghə zə tə̀ Zə̀ kə. Ghaa khə ni ghəŋə ghəə a tii ghə adzəm nə̀ ghaa naŋŋə taʼa way i loʼ zə.

Lukas 11:42 Mawu Ofanana

Matyo 23:13

Yeso n dza tə ghə nə̀, “Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa fii naŋŋə fuʼ u ndaw u fɔɔ wə idəŋ wə nə̀ kə̂ ghə̂ a nə̂ nyiənə tii, wû u ghaa, ghaa u nyiə soʼo way tii, ghaa u ləghə way nə̀ ghə̂ a loʼ a nyi.

Matyo 23:23

Ngoʼ loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa dzawwə tsu fə̂ u ghaa udzəm nə nbadla ighəm, fuu ndòw fəbadla fəmɔʼ tə̀ Zə̀ kə, kasə n tow u fə̂ u ləmmə dzɔbə wən ghə tɔŋŋənə nə̀ a loʼ mint, dill nsə kumin. Ghaa u kee naŋŋə way laŋ u Kəzə̀ wən u loʼnə sə kə, tɔŋŋə, ni saʼa ghəə ghə tsətsəghə, ni kwɔɔlə isî n kow aghə̂, nsə ni khə bəghəm i fə̀ŋ zə. Ghaa mə khə ni ghəŋŋə ghəə ghən adzəm, naŋa səə way i loʼ zə.

Matyo 23:27

Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa loʼ tə̀ a loʼ sày tə fəmə tə, ghə tsoʼlə naŋa dzɔb tsunə bii, nə̀ a loʼ sey a tii n fə̀ŋ loʼ kə fway tə ughəb nsə fə u fway u loʼ wə.

Lukas 18:12

N bam idzuu ntsuʼu nbəghə nə iwən, mə n fu soʼo tsow zuŋ n taŋa fə wən udzəm n khənə.’

Tùm i dzuŋu zə kuum Yeso Klisto tə Jɔn â tɔɔnə 5:42

N kee khənu fə key ghaa loʼnə ghii kə, n khənu nə̀ ghaa ləghə way Zə̀ kə n fə̀ŋ tə ghaa.

1 Jɔn 4:20

Abə saa dzanə nə̀ saa ləghə Kəzə̀, fədlə baa waazə a saa, saa loʼ ghə̂ a badla ghə aghəə ghə, n təŋkey, abə wə way ni ləghə waazu nə̀ wə koʼo ndownu wi, wə i ləghə ngee Zə̀ kə nə̀ wə ka wi kam koʼ koʼ tsə ə?