Lukas 11:34 - Kaa n Kəzə̀ n fəghə mə

³⁴ Sə̂ a wù à loʼ tə̀ a loʼ kədaa n wû u wi, abə sə̂ ghə à loʼ dzɔb nə̀, i sey dii wə muu nə utsə̂, abə sə̂əghə a bəbə nə̀, wə sey loʼ nə kələm.

Lukas 11:34 Mawu Ofanana

Malakus 4:12

‘Ghə i mgbaŋa laalə kə sa, Ghə i koʼo keeli way, Ghə i zəllə ghəə ghə, Zowkeeli way. Sey nə̀, kə ghə nə kweyyənə fə̀ŋ tə ghə tə, Tə̀ Zə̀ kə neyzəə ghəə a ghə a bəbə ghə.’”

Malakus 7:22

Ghəə a bəbə a loʼ a loʼ soʼonu tə̀ à loʼ ni tsìi ney wey wù, umə̂, ghəə a tsìi ghə, kəghoʼ, imbvəi, ghəə a tsayyə a wù ghə, wû u ghaŋŋə wə, ghəə a laʼlə ghə.

Malakus 8:18

Ghaa khə asə̂, koʼo way luʼu tə. Ghaa u khənə tuŋŋə wə, zow way ghəə ghə. Ni bə kuum nya, ghaa moʼlə way ə?

Lukas 11:35

Sey, i ghəəmətsu na nə kə̂ i nə loʼnə nə̀ tsə̂ wey ghaa moʼonə nə̀ ghaa khənu nə fəd loʼnə ləm kə.

Kəfwaʼ 13:11

Wə n ghəŋŋə, Zə̀ kə n fəələ nəghə wə ghi wɔ, wə i fəbə doʼlə kəŋŋə ndownu n tsuʼu n loʼ mə, wə i way ni buʼ koʼ luʼu tə zow tə.” Nghee tə dza tsunə sey, kədzəd nsə ləm kə n daŋŋə bwu bə n sə̂ a Elimas. Tə n zey ni laʼ mɔmmə kaabə tsə ufə n wɔɔ, kəŋə wù tə loʼ ni tali ndow wi.

Kəfwaʼ 2:46

Ghə n təmə dzəŋi tsuʼu n dzəm n ndaw Kəzə̀ i nii zə, ghə n bweyyə kaabə ndaw tə ndaw, zəə dzəŋi nə iduʼlə nsə n fə̀ŋ tə dzuŋu tə, zəə soʼo baa K-a-zə̀.

Kəfwaʼ 26:18

À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

2 Kɔrint 1:12

Fə̀ŋ tə ghey tə zownu, ghey u loʼnə ni kɔʼlə iwû nə̀ muu i ghey fa mbi â loʼ tsətsəghə loʼ soʼo nə̀ isəŋə. A wey bɔɔmə loʼ nghee ghey muunə ghi ghaa. Ghey ghəŋŋə dzə way ghəə ghə n tɔb u mbi, ghey ghəŋŋə aghəə adzəm n ndzuŋ zey Zə̀ kə diinə tə ghey.

2 Kɔrint 11:3

N kee tsəŋə nə̀ nghee tə̀ zuu â nəb fuu tsunə If n tɔb u wi u tsɔŋɔ wə, ghə loʼ ni bə fwɔd maʼa kɔʼ soʼo tɔb u ghaa, ghaa i way ni kəm dzûmə Klisto n fə̀ŋ tə ghaa tə tədzəm.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

Efesus 1:17

N gɔŋŋə nə̀ Zə̀ kə, tə khənə ghaʼ zə idzəm, tɔŋŋə bày Mûkəbii saa Yeso Klisto fuu ghaa n zay kən kə fuu tɔb wə nsə zay kən kə chiə diinə ghəə a Kəzə̀ ghə sey nə̀, ghaa tɔʼ keeli tsu wi.

Efesus 6:5

Abə ghaa ghə̂ a kəfwaʼ ghə, ghaa khə ni zow ndow tə̀ ghə mûkəbii a ghaa ghey ghaa khənə fa mbi. Ghaa khə ni tsəŋə ghə, fuu ghə n ngɔɔmə zə, fwaʼa ndow tə̀ ghə n fə̀ŋ i dzuŋu zə tə̀ ghaa fwaʼa tə̀ Klisto.

Kolose 3:22

Ghaa ghə̂ a kəfwaʼ ghə, i zow na tə ghə mûkəbii a ghaa ghə fa n mbi nə aghəə adzəm. I fwaʼa na n jìi zey ghə ləghənə nəŋə tədzəm, a way kə n nəŋə zey ghə tɔʼɔ laalə bənə ghaa. Ghaa khə ni fwaʼa tə ghə n fə̀ŋ tə ghaa tə tədzəm bòʼ ngɔɔmə zən ghaa khənə n kow Mûkəbii Yeso.