Lukas 11:13 - Kaa n Kəzə̀ n fəghə mə

¹³ Abə ghaa ghə̂ a bəbə ghə, ghaa khənə ni fu fə u dzuŋu wə tə̀ waa a ghaa ghə, Bày idəŋ i boʼo fu ngee Zay kə Zow kə tə̀ ghə̂ ghey ghə bəb bənə tə wi!”

Lukas 11:13 Mawu Ofanana

Matyo 5:16

À loʼ soʼo ighələ ghi ghaa, daa kə ghaa kə khə ni baŋa, tə̀ ghə̂ ghə i loʼ ni koʼ ghəə a ghaa a dzuŋu ghə, ghə i fuu kɔʼlə mə tə̀ Bày ghaa idəŋ.”

Matyo 5:45

Abə ghaa ghəŋŋənə sey, ghaa i doʼo waa a Bày ghaa wey tə lòʼnə idəŋ, n təŋkey, tə ghəŋŋə tsə ə wi nə̀ i baŋ n kow ghə̂ a bəbə ghə nsə n kow ghə̂ a dzuŋu ghə. Tə fuu soʼo ighow tə̀ ghə̂ ghey ghə loʼ tsətsəghə nsə ghə̂ ghey ghə way tsətsəghə.

Matyo 6:14

Abə ghaa neyzəənə bəb zə aghə̂ zə, Bày ghaa idəŋ î neyzəə soʼo bəb i ghaa.

Matyo 6:30

Abə Zə̀ kə loʼ ni dzəŋə təndzə̂ n kow ghìi wən u nyim kɔʼɔ na, ambə tsətsə nə̀ ghə sàŋ, kpəghə maʼa nə uvəllə, tə i boʼo laalə ngee tə ghaa a? A loʼ nə̀ bəghəm i fə̀ŋ zey ghaa khənə tə Zə̀ kə, i ngii təbənu.

Matyo 6:32

N təŋkey, ghə̂ ghey ghə ka bəghəm tə̀ Zə̀ kə, ghə nyəŋə n baa fə̂ u wən. Bày ghaa idəŋ khənu nə̀ ghaa ləghə soʼonu ni keeli fə u tii wə udzəm.

Matyo 7:11

Abə ghaa loʼnə ni fuu fə̂ u dzuŋu wə tə̀ waa a ghaa ghə, loʼ sey nə̀ ghaa bəbənu, Bày ghaa idəŋ î sə̀ boʼo fuu ngee fə̂ u dzuŋu wə tə̀ ghə̂ ghey ghə nɔɔnə tə̀ wi ə?

Lukas 11:12

Nkee wù loʼnu ni fuu waa wi n nàŋ abə tə bəbnə wi n ghumzə ə?

Lukas 11:2

Yeso n dza tə̀ ghə nə̀, “Abə ghaa dza i gɔŋŋə, ghaa n dza tsu nə̀, Bày, ghə̂ a khə ni ngɔɔmə zəd zə zə̀, ghə zə ufɔɔ zə zə̀ i bwey fa n mbi.

Lukas 18:7

Abə wù tə a loʼ tə wən loʼ ni ghəŋə ighəə tə a loʼ i zey, ghaa moʼlə nə̀ Zə̀ kə i saʼ fuu way tə ghə̂ a wi ghey ghə dey zeelinə n səə wi tsuʼu ntsuʼu ə?

Tùm i dzuŋu zə kuum Yeso Klisto tə Jɔn â tɔɔnə 4:10

Yeso n beeli ndow wi dza nə̀, “Abə wə mə khənə ndzoʼo naamə key Zə̀ kə fuunə nsə ndzoʼo wù wey tə nɔɔnə wɔ n mmuu mə, wə mə fəd buʼ wi n wɔɔ kə nə̀ tə fu wɔ n mmuu mey n fuunə muu zə.”

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Roma 5:17

À loʼ kənu isəŋə nə̀ və zə â keeli kədaʼa n kow ghə̂ ghə fa n mbi nə̀ à ney bə bəb zey wù umɔʼ â ghəŋə tsunə. A kee loʼ nə̀, ndzuŋ zən nsə naamə kən kə bəghənə n bam i wù umɔʼ tɔŋɔ Yeso Klisto kə tsəghəshi bəb zey, ghəŋŋənə nə̀ saa doʼo tsətsəghə n muu i saa ghi Zə̀ kə.

Roma 7:18

N khənu nə̀ ndzuŋ i loʼ i way dzə n kow mə n təŋkey n maŋa ghəŋə aghəə tə̀ vən fə uwû fuŋ ləghənə. N mgbaŋ khənu moʼlə zə ni ghəŋŋə ghəə zey i kpiilənə, mə n kee dəmə kiʼi ni ghəŋə ghə i tii zə.

Roma 8:32

Abə Zə̀ kə â loʼ ni ney fuu ndow waa wi nə̀ tə kpuu n tow u saa adzəm, ghaa moʼlə nə̀ tə i fuu way saa n fə u loʼ wən udzəm naʼ idzəm ə?

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.