Lukas 10:7 - Kaa n Kəzə̀ n fəghə mə

⁷ Dòʼotsu kə na n ndaw imɔʼ, kə̂ ghaa nə̀ bweynə ndaw tə̀ ndaw, ghaa i zəə, məə fə key ghə i funə fu tə ghaa, n təŋkey wù kəfwaʼ khə ni keeli kənaamə n fwaʼ kə wi.

Lukas 10:7 Mawu Ofanana

Malakus 6:10

Tə n ndòw n sə kə dza tə̀ ghə nə̀, “Abə ghə bəghəm naŋanə ghaa n luʼu kə loʼ kə, doʼo tsu na fu n ndaw tii ni ndòw kùm tsuʼ fey ghaa i shiənə fu inaʼ.

Lukas 10:6

Abə a lòʼ nə wù dzuŋu lòʼnu fu tii n ndaw, buulə i ghaa zə i doʼo ghi wi, nə a way sey, zə i bə dzəŋŋə tə̀ ghaa.

Lukas 9:4

Nə a loʼ kə n ndaw i ghaa zə ghaa nyi nə̀, doʼo na fu ni ndòw kùm tsuʼ fey ghaa i nuulənə tii.

Kəfwaʼ 16:15

Ambə tə ney kɔʼnə mmuu n Kəzə̀ mə ghi ghə ghey n ndaw wi adzəm, tə n dza tə ghey nə̀, “Abə ghaa koʼnə nə̀ n loʼ wù wey n ndzəm bəghəmnə tə Mûkəbii, ghaa n bə muu bə fa n ndaw zuŋ.” Tə n ghəŋŋə kə sey, kɔŋŋə nuu ndow ghey.

Kəfwaʼ 16:34

Ambə ghə ney kɔʼnə mmuu n Kəzə̀ mə, tə n ney bə ghə n ndaw wi, fu ghə n fəzəə wə. Wi ghi ghə̂ ghey n ndaw wi n ngii duʼlə boʼnə ghə nya bəghəm tə̀ Zə̀ kə.

Kəfwaʼ 16:40

Ambə Pɔl ghi Silas nuu shi tsunə n ndaw tsaʼ, ghə n ndow n ndaw Lidia. Ghə n ndow koʼ ndow dzûmə tə Klisto fu, kuu fə̀ŋ tə ghə, daŋŋə zəghə tsu naʼ i tii zə.

Galeshia 6:6

Ghə̂ ghən ghə zoʼlənə ghəə a Kəzə̀ ghə, khə ni fuu ndow soʼo fə u dzuŋu wən ghə khənə tə ghə̂ ghən ghə diinə ghə n ghəə a Kəzə̀.

1 Timoti 5:13

I loʼ soʼo nə̀ ghey a kpusə a fəghaŋ ghən i zoʼlə naŋa kɔʼ mwam u lay wə, ni maŋa bwey kaabə tsə n ndaw tə ghə̂. Ghə n maŋa khə̀ə kaabə tsə təfəghəm, khə̀ə ghəə ghey ghə mə khə way ni khə̀ə, nyiə nə aghəə nə̀ a khə way ghə i loʼ zə ni ghəŋə ghi wi, khə̀ə kaabə tsə soʼo aghəə nə̀ a way isəŋə.

2 Timoti 2:6

Wù wey tə ndzəmə ndəminə səŋ zə ni fwaʼ nə usum, à kpii wi ni ney tuʼ zə ufəzəə i wi isə abə ghə kpey fən bənə.