Lukas 10:27 - Kaa n Kəzə̀ n fəghə mə

²⁷ Tə n beeli ndòw wi dza, “wə̀ khə ni ləghə Zə̀ kə, n fə̀ŋ zə idzəm, n zay kə kədzəm, n daʼa kə kədzəm, n moʼlə tə tədzəm, nsə nə wə̀ i ləghə waazùu tə̀ wə̀ ləghənə wû wə wə̀.”

Lukas 10:27 Mawu Ofanana

Matyo 19:19

i ngɔɔmə bày wə ghi này wə, nsə nə̀ wə i ləghə ghə̂ ghey n səə wɔ adzəm tə̀ wə ləghə soʼonə wû wə wə̀.”

Lukas 10:26

Yeso n beeli ndòw wi nə̀, “Ghə tɔ̀ɔ naŋa nə̀ ngee n màʼlə K-a-zə̀ ə? Wə̀ zowkeeli nə̀ ngee?”

Roma 13:9

Laŋ u Kəzə̀ u dza nə̀, “Kə wə nə taa zaʼanə wey wə nkee num wə, kə wə nə weynə wù, kə wə nə tsɔŋɔnə, kə wə nə shiənə n sə zə n fə kə wù.” Abə wə təmdzəŋi kɔʼnə laŋ wən udzəm nsə laŋ u loʼ wən u loʼnə, laŋ u tii wə udzəm u dzəŋi fuu kə kəlaŋ kəmɔʼ kə dzanə nə̀, “Wə khə ni ləghə wù wey tə kuʼlə loʼnə n səə wɔ tə̀ wə ləghənə wû wə wə̀.”

Galeshia 5:13

Waazə, ghə Zə̀ kə a say shi bə ghaa nə̀ kə ghaa nə kəm muulənə tə a loʼ ukɔd n tənə kəlaŋ. I kə ghaa nə kee ney kɔʼɔnə nə̀ nghee ghaa kəm way kɔd wə n tənə kəlaŋ, a loʼ kəbùʼ tə ghaa ni ghəŋŋə ghəə a bəbə ghən gow uwû ghaa ləghənə ni ghəŋŋə. Fət ney na buʼ kə tii kə ni gaamə tiilə wû i ghaa nə iləghə.

Hibru 8:10

Sey, Mə Mûkəbii, n dza nə̀, à wey loʼ kaa n fəghə mən mə i zə̂ənə ghi ghə̂ ghə Izree ghə N tsuʼu mən n bəghənə. Mə i kuu naŋa ndow laŋ wuŋ n tow u ghə N tɔ̀ɔ naŋa ndow soʼo n fə̀ŋ tə ghə. Mə i doʼlə Zə̀ kə ghə, Ghə i doʼo soʼo ghə̂ ghuŋ.

Jems 2:8

Abə ghaa ndzəmə naŋŋənə laŋ kə fɔɔ u Kəzə̀ wən kə tɔ̀ɔ doʼonə n màʼlə K-a-zə̀ nə̀, “Wə khə ni ləghə wù wey tə kuʼlə loʼnə n səə wɔ tə wə ləghə wû wə wə̀.” Ghaa sey ghəŋŋə ghə i dzuŋu zə.

1 Jɔn 3:18

Waa ghuŋ ghə, kə saa nə diinə ləghə zə nə idzuu kələ. Saa khə ni fədlə dii ndow ndzəm ndzəm kə iləghə kə n ghəə ghey saa ghəŋŋənə.