Lukas 1:46 - Kaa n Kəzə̀ n fəghə mə

⁴⁶ Sey Maria n dzanə, “Fə̀ŋ zuŋ fuu kali u Bày,

Lukas 1:46 Mawu Ofanana

Roma 5:11

A kad way kə sey, Zə̀ kə ghəŋə nə̀ saa i duʼlə n bam i Mûkəbii saa Yeso Klisto, tə ghəŋənə nə̀ saa i loʼ nə kəfə kəmɔʼ ghi Zə̀ kə.

1 Kɔrint 1:31

À wey loʼ ghə i tii zə ghə tɔ̀ɔ naŋanə n màʼlə K-a-zə̀ nə̀, “Wù wey tə ləghə ni ghaŋŋə uwû, tə khə ni ghaŋŋə wû wə n ghəə ghey Mûkəbii ghəŋənə n muu i wi.”

2 Kɔrint 2:14

Saa kee fuu kə kəzɔŋŋə tə̀ Zə̀ kə n təŋkey, abə saa loʼnə nə kəfə kəmɔʼ ghi Klisto nəŋə tədzəm, Zə̀ kə n sìi bwey kaabə tsə ghi saa tə a loʼ ghə̂ ghey ghə təm zə̂nə tsam n zəd i Klisto. Zə̀ kə ney saa ni ghəŋə nə̀ ghə̂ a keeli Klisto nə təluʼu tədzəm n tûm zey ghey naʼlə kaabənə. Tum tii loʼ tə̀ a loʼ zuʼ tə dzuŋu tə, tə ləmmənə dzɔbənə nə təluʼu tədzəm.

Filipi 3:3

Ghey loʼ ghə̂ ghey ghə loʼnə nə ghə n ndzəm səghə tyi u ghə wə, tɔŋɔ ghey ghən ghey ngɔɔmənə Zə̀ kə n daʼa kə kən Zay kə Zow kə fuunə tə ghey. Ghey gaʼ fə̀ŋ n fwaʼ kə Yeso Klisto, à way dzə fwaʼ kə wù sɔŋtsuʼ.

Filipi 4:4

Ghaa khə ni duʼlə n doʼo i ghaa ghi Mûkəbii nə tənəŋə tədzəm. N nam dza kpiʼi bə kə tə ghaa nə̀ ghaa khə ni loʼ nə iduʼlə!

1 Tesalonika 5:23

Ghey gɔŋŋə nə̀ Zə̀ kən kə ghəŋŋənə nə̀ fə̀ŋ tə ghaa tə i loʼ nə ibuulə, n wû u wi kə bə ghəŋə nə̀ ghaa i zow n muu i ghaa. Ghey gɔŋŋə nə̀ ghəə adzəm ghaa ghəŋŋənə, ghəə ghey ghaa ləghənə nsə ghəə ghey ghaa moʼlənə i khə way bwu i loʼ zə abə Mûkəbii saa Yeso Klisto i bə dzəŋŋənə.

1 Pita 1:8

Nghee ghaa loʼ kə nə̀ ghaa ka kam buʼ koʼ wi, ghaa a nam ləghə wi. Nghee ghaa koʼo kə way wi ghaa a nam bəghəm fuu kə tə wi, ghaa a khə soʼo duʼlə i nii zə n jìi zey wù way ni buʼ tiilə dza.