Lukas 1:32 - Kaa n Kəzə̀ n fəghə mə

³² Tə i bə doʼlə wù nii wə, ghə i tɔŋŋə wi nə̀ a loʼ Waa Zə̀ kə Idəŋ kə. Bày Zə̀ kə Mbi î fu wi n kuu kadə̀ŋ kə bày wi kə, tɔŋɔ Devid.

Lukas 1:32 Mawu Ofanana

Matyo 1:1

À wən loʼ màʼlə kən kə taŋŋə kɔʼ bənə ghə bày bày a Yeso Klisto wən tə â loʼnə waa sali i kəbii i fɔ̀ɔ Devid. Devid â loʼ waa sali i kəbii zə Abraham.

Matyo 12:42

N tsuʼ fey Zə̀ kə î saʼanə mbi tii, Naʼtum ə naʼ i Sheba î təmi tiilə bòʼ ghaa, n təŋkey, tə â nuu nay bə n naʼ i wi ni bə zəllə tɔb u Solomun tə â loʼnə də̀ŋ kə, wù loʼ u loʼnə fa tə tsəghəshinə Solomun, ghaa u way ni zow tə̀ wi.”

Matyo 28:18

Yeso n bə n səə ghə, dza tə ghə nə̀, “Zə̀ kə n fuu mə n daʼa kə ni saʼ fə wən udzəm u loʼnə idəŋ nsə fa a ghəlitsə.

Matyo 3:11

N fa fuu ghaa n mmuu n Kəzə̀ mə nə mmuu, ni dii tsu nə̀ ghaa n fə̀ŋ tə ghaa tə kwey, wù wey tə bəghənə n baa mə̀, n tsəghəshi mə. N ka bùʼ kɔʼ kpii dzə ni boʼo gow tə wi. Tə i sow ghaa n daʼa kə Zay kə Zow kə nsə nə uvəllə.

Malakus 14:61

Yeso n zow kə mɔŋ ka beeli wi. Fɔɔngili u nii nii wey n bəb kpiʼi ndòw tə̀ wi nə̀, “Wə loʼ wù wey Zə̀ kə â dza naŋa nə̀ i tûm bənu tɔŋŋə Waa Zə̀ kən kə khənə kɔʼlə mə ə?”

Malakus 5:7

Tə n buʼ shi kɔʼ kəbɔŋ idəŋ dza nə̀, “Yeso, Waa Zaamə mbi, wə dza i ji ngee ghi mə ə? N buʼu kəwɔɔ tə̀ wɔ n zəd i Kəzə̀, kə wə nə chɔdlɔnə mə.”

Lukas 1:15

Zə î doʼlə sey, n təŋkey, tə î bə doʼlə wù nii wə n sə kə Mûkəbii. Kə tə nə məənə nlə n tawmə nkee fə u taw wə. Ni ney nuu bə n ji i wi, Zay kə Zow kə nə lòʼ n kow wi.

Lukas 1:35

Tsəndəghə ə Kəzə̀ zey n beeli ndòw wi nə̀, “Zay kə Zow kə î tsuu bə n kow wɔ, daʼa K-a-zə̀ kə i tsət bə wɔ. À wey loʼ ghə i tii zə ghə î tɔŋɔnə waa u zow wey wə̀ i jiənə nə̀ a loʼ Waa Kəzə̀.

Lukas 1:76

Abə wɔ̀ n waa, ghə i tɔŋŋə wɔ nə̀ à loʼ wù tûm Zə̀ kə Idəŋ kə. Təŋkey, wə i ndòw dzə isə ni bayyə naŋa tsu jii tə Mûkəbii.

Lukas 3:16

Jɔn n beeli ndòw ghə adzəm dza, “mə, n fuu ghaa n Mmuu n Kəzə̀ mə nə n mmuu, wù loʼ bəghənu, tə tsə̀ghə̀shinə mə. N ka buʼ kɔʼ kpii dzə ni zii baʼ u təgow u wi. Tə i bəghə fuu ghaa n Mmuu n Kəzə̀ mə n daʼa kə Zay kə Zow kə nsə nə uvəllə.

Lukas 6:35

Sey, i ləghə na ghə̂ a təngəmə a ghaa ghə, ghəŋə ndzuŋ tə̀ ghə̂ ghə, fuulə fuu shiə fə u ghaa, moʼlə way nə ghə i teeli fu dzəŋŋə. Abə ghaa ghəŋənə sey, ghaa i keeli naamə kə nii kə, ghaa i loʼ luʼu wey waa a Kəzə̀ a səŋi a loʼnə tii, n təŋkey, tə ghəŋə ndzûŋ tə̀ ghə̂ à məə ghə nsə ghə̂ a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 12:34

Nɔɔ kə aghə̂ key n beeli ndow wi nə̀, “Laŋ kə ghey kə dza nə̀, Klisto nə kpu koʼ way tə̀ mbi nə bə may. A kee loʼ kee wə sə dzanə tə̀ ghey nə̀ ghə khə ni kɔʼlə kɔʼ dzə Waa wù sɔŋtsuʼ n zat kə fəkaʼ ə? Waa wù sɔŋtsuʼ wən wə baa dzanə fa, loʼ u ghaa wə ə?”

Tùm i dzuŋu zə kuum Yeso Klisto tə Jɔn â tɔɔnə 6:69

Ghey n bəghəm, ghey n zowkeeli soʼo nə̀ wə loʼ Wù Kəzə̀ u zow wə, Zə̀ kə tûm bənə.”

Kəfwaʼ 16:17

Waa u zən wən n dzûmə kaabə tsə ghey ghi Pɔl, bwey naʼlə bə n dzə̂ i taw zə nə̀, “Ghə̂ ghən loʼ ghə̂ a kəfwaʼ a Zə̀ kə idəŋ kə. Ghə naʼlə bə tə ghaa jìi zey ghaa i keelinə bəghəshi zə tii.”

Kəfwaʼ 2:30

À kee loʼ nə tə â loʼ wù tûm Kəzə̀, tə khə nə̀ Zə̀ kə mâ təb naŋa ghəə ghə tə wi, zə̂ nkaa nə i naŋŋə waa waa Devid u loʼ wə, tə i saʼa dzɔbənə ghə̂ a wi ghə tə a loʼ Devid.

Kəfwaʼ 2:36

“Sey, ghə̂ ghə Izree adzəm a khə ni teeli keeli tsu nə̀ Zə̀ kə n ndzəm kɔʼlə naŋa Yeso wən ghaa â baanə n zat kə fəkaʼ tə a loʼ Mûkəbii ə saa, tə a loʼ soʼo wù wey Zə̀ kə â dza naŋa nə̀ i tûm bənu.”

Kəfwaʼ 7:48

Sətifən n ndow n sə kə dza, “I loʼ nə̀, Zə̀ kə idəŋ kə muu dzə way n ndaw nə a bəghə wù sɔŋtsuʼ. I bɔɔmə loʼ tə wù tûm Kəzə̀ dzanə nə̀,

Roma 1:4

Zə̀ kə n zhəm dzəŋŋə bə wi nə ivə n daʼa kə Zay kə Zow kə ni dii bə nə̀ Yeso Klisto Mûkəbii saa loʼ waa wi. Tə loʼ kətow tə fə wə udzəm, khə way bəb i loʼ zə.

Chi dii 3:7

Yeso n dza bə tə̀ mə nə̀, “Tɔ̀ɔ ndow tə tsəndəghə zey i keyyənə dzəŋi kə dzûmə tə Klisto key n Filadefya nə̀, wù wey tə zow dza soʼo isəŋə, tə kwu keelinə chi kə fɔɔ Devid kə, wù wey abə tə chi naŋa kɔʼ fuʼ u ndaw wə, wù loʼ i way ni fìi, abə tə fìi naŋa tsunə, wù loʼ way ni chi, dza nə̀,