Lukas 1:1 - Kaa n Kəzə̀ n fəghə mə

¹ Mûkəbii Tiofilos, nsə ndəmə tə aghə̂ tə n kùm fwaʼ ni koʼ nə̀ ghə tɔ̀ɔ naŋa tsu bə ghəə ghey ghə â shinə n fəŋŋə kə saa.

Lukas 1:1 Mawu Ofanana

Malakus 16:20

Ngəd tə wi tə n kaʼ ndòw ni naʼa tûm i dzuŋu zə nə təluʼu tədzəm. Mûkəbii n fwaʼa ghi ghə, gaamə ghə nə̀ ghə i ghəŋŋə faalə mə ni dii tsu nə̀ ghəə ghey ghə naʼlənə, a nuu bə n wɔ K-a-zə̀.

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Roma 14:5

À loʼ ighələ, ghə̂ a loʼ a loʼnu, ghə moʼlənə nə̀ tsuʼu n loʼ n loʼnu, à loʼnə tsuʼu n səŋi mə ni ngɔɔmə Kəzə̀ tii tsəghəshi tsuʼu n loʼ mey. Ghə̂ a loʼ ghə u kee khə n fə̀ŋ tə ghə nə̀ tsuʼu n dzəm loʼ kə ighələ. À khə kə kay wù ni sày tsuʼ fey tə moʼlə nə̀ fə kpiinu ni ngɔɔmə Kəzə̀ tii.

Roma 4:21

Abraham â khə tən n fə̀ŋ ə wi nə̀ Zə̀ kə khənu daʼa kə tii kə ni ghəŋə ghəə zey tə â təb naŋanə.

Kolose 2:2

N sa dəmə ni kuu fə̀ŋ tə ghə nə̀ ghə i loʼ nə kəfə kəmɔʼ bòʼ ləghə zən ghə khənə n wû i ghə, sey nə̀, ghə i loʼ ni ndzəm zowkeeli nə̀ ghəə zey Zə̀ kə â nyì naŋanə, loʼ Klisto.

Kolose 4:12

Epafras wən tə loʼnə wù naʼ i ghaa, loʼ soʼo wù kəfwaʼ a Yeso Klisto tɔŋɔ zow bə ghaa. Tə gɔŋŋə tə ghaa nəŋə tədzəm n fə̀ŋ ə wi idzəm. Gɔŋŋə nə̀ Zə̀ kə ghəŋŋə nə̀ ghaa i tɔʼɔ taw n bəghəm i fə̀ŋ i ghaa, sey nə̀, ghaa loʼ ni tɔʼ zowkeeli ghəə a səŋi ghey Zə̀ kə ləghə nə̀ ghaa ghəŋə.

1 Tesalonika 1:5

N ghəə ghən dza n tənkey, ghey ka maŋ naʼa dzə tûm i dzuŋu zən tə̀ ghaa nə idzuu. Ghey naʼa n daʼa K-a-zə̀, daʼa kə Zay kə Zow kə, nsə fə̀ŋ tə ghey tə tədzəm. Ghaa khənu jìi zey ghey â muunə tii n nəŋə zey ghey â loʼnə ghi ghaa. Ghey â muu sey n ndzuŋ ə ghaa.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

2 Timoti 4:17

A kee loʼ nə̀ Mûkəbii â loʼ ghi mə, tə n fuu mə n daʼa kə nə̀ mə i loʼ ni naʼa may tûm i dzuŋu zə tə ghə̂ ghən adzəm ghə way ghə̂ a Təjuu ghə. Zə̀ kə sey bəghəshinu mə n wɔɔ kə ivə.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

Hibru 6:11

Ghey ləghə nə̀ kay wù ghaa tsəghə ndow kə n sə̂ kə ni ndəmi uwû n fwaʼ kə ghaa ni ndow kuum, sey nə̀, ghaa i loʼ ni ndzəm keeli fə key ghaa ləmmənə.