Kolose 4:6 - Kaa n Kəzə̀ n fəghə mə

⁶ Ghaa khə ni khə dzə̂ tə dzuŋu tə n jìi zey ghaa ghɔɔmənə tii ghi ghə̂ ghə, sey nə̀, ghaa i loʼ ni beeli aghə̂ adzəm n jìi zey i kpiilənə.

Kolose 4:6 Mawu Ofanana

Matyo 5:13

Yeso n ndow n sə kə dza tə ghə nə̀, “Ghaa loʼ tə̀ a loʼ ntsoʼ tə̀ ghə̂ a mbi ghə adzəm. Abə ntsoʼ n kee nayyə maʼa tsunə tɔb i wi zə, jìi i loʼ i kəm way ni ghəŋə nə̀ n tɔb. N nya kəm khə way fwaʼ kə, n kpii kə ni ney feeli maʼa tə̀ ghə̂ a dəʼlə nə aghow.”

Malakus 9:50

Tsoʼ n dzɔbənu, a kee loʼ nə̀ abə tsoʼ n kuŋ shi tsunə, n kəm way ni fwaʼ fwaʼ kə ntsoʼ. Ghaa khə ni tɔbə n wû i ghaa tə̀ a loʼ ntsoʼ, ghaa i muu nə ibuulə n wû i ghaa nsə ghə̂ ghə adzəm.”

Lukas 4:22

Ghə̂ ghey ghə â loʼnə fu, n ghɔɔmə ghəə a dzuŋu ghə bòʼ wi, ngii duʼlə ndzoʼo kɔb kə ighɔɔmə key kə a shiə bənə n dzuu i wi. Ghə n bəbə tiilə n wû i ghə nə̀, “À wən way waa Yosef ə?”

Efesus 4:29

I kə ghɔɔmə i dzəə i nə̂ shiənə n dzuu i ghaa, a may kə ghɔɔmə zey i bəghənə ghə̂ ghə n muu i ghə, sey nə̀, ghəə ghey ghaa ghɔɔmənə, ghə i fuu gaamə zə tə̀ ghə̂ ghən ghə zəllənə ghəə ghey ghaa dzanə.

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

1 Pita 3:15

Ghaa i kee fuu kə kɔʼlə mə tə Klisto n fə̀ŋ tə ghaa, ngɔɔmə soʼo wi tə a loʼ Mûkəbii. Tey tən nəŋə tədzəm ni beeli wù wey tə ləghənə ni keeli fə key wə ləmmənə nə̀ Zə̀ kə ghəŋə tə ghaa.