Kolose 4:3 - Kaa n Kəzə̀ n fəghə mə

³ Ghaa i gɔŋŋə soʼo n tow u ghey, nə Zə̀ kə ghəŋə nə̀ ghey keeli kəbuʼ ni naʼa ghəə ghən a nyì doʼonə bòʼ Klisto, n təŋkey, à wən loʼ zuŋ key n loʼnə tii n ndaw tsaʼ.

Kolose 4:3 Mawu Ofanana

Matyo 13:11

Yeso n beeli ndòw ghə dza nə̀, “Ghə n fu naŋa sad i ghəə a fɔ̀ɔ wə idəŋ wə tə̀ ghaa, a way dzə tə̀ ghə.

Kəfwaʼ 14:27

Ambə ghə dzəŋŋə bənə n naʼ i Antyɔk, ghə n zuŋŋə naŋa bə dzûmə tə Klisto tədzəm, tiilə dza ndow jìi zey Zə̀ kə fwaʼnə tii ghi ghə, nsə nghee tə chinə jii nə ghə̂ ghey ghə way ghə̂ a Təjuu ghə̀ bəghəm soʼo tə̀ Yeso.

Roma 16:25

N gɔŋŋə nə̀ saa mə fuu nkɔʼlə tə̀ Zə̀ kə. Tə loʼ ni ghəŋə nə̀ ghaa təmi taw tsu, ghaa gaʼ soʼo fə̀ŋ n kow wi. A wey loʼ ghəə zey tûm i dzuŋu zey n naʼlənə kuum Yeso Klisto dzanə. Ghəə zey tûm i dzuŋu zən dzanə kuum Klisto â nyi doʼonu n nùm tə ibam tə.

1 Kɔrint 16:9

Zuŋ kə tii kə loʼ nə̀, Zə̀ kə n fuu mə fa n bùʼ kə tə̀ mə ni fwaʼ fwaʼ kə səŋi kə, nghee i tsəm loʼ kə nə̀ ndəmə aghə̂ a təʼlənu mə.

1 Kɔrint 4:1

Ghaa khə ni koʼo bə ghey tə̀ a loʼ ghə̂ a kəfwaʼ a Klisto ghən Zə̀ kə fuunə ghə n daʼa kə nə̀ ghə i tiilə dza bə isəŋə zey i nyi doʼonə n ghəə a Kəzə̀.

2 Kɔrint 2:12

Nghee mə̀ â ndòwnə n naʼ i Trowas ni ndòw naʼa tûm i dzuŋu zə bòʼ Klisto, à n loʼ nə̀ Mûkəbii n chi naŋa jìi tə̀ mə ni fwaʼ fu.

Efesus 3:1

A loʼ boʼ ghəə ghey Zə̀ kə loʼ nə̀ kə n ghəŋŋə ni təmdzəŋi bə ghə̂ a Təjuu nsə ghə̂ ghən ghə way ghə̂ a Təjuu ghə nə kəfə kəmɔʼ, mə Pɔl, n loʼnə wù ndaw tsaʼ a Yeso Klisto n tow u ghaa ghən ghaa way ghə̂ a Təjuu ghə.

Efesus 3:3

Zə̀ kə a chi dii ghəə a wi ghey tə â nyì naŋanə tə̀ mə, tə̀ n nyaʼi tɔ̀ɔ tsəələ tsunə fa.

Efesus 3:4

Abə ghaa i tɔŋɔ kɔʼnə ghəə a tii ghə, ghaa i zoʼlə aghəə boʼ ghəə ghey n zowkeelinə n ghəə ghey Klisto â nyì naŋanə.

Efesus 3:9

Sey nə̀, n chi dii tə̀ ghə̂ ghə adzəm fa n mbi, ghəə ghən Zə̀ kən kə â bɔmnə fə wə udzəm â nyi naŋanə n num tə sə isə tə.

Efesus 4:1

Mə wən n loʼnə wù ndaw tsaʼ boʼnə n fwaʼa tə̀ Mûkəbii, n buʼu bə kəwɔɔ tə̀ ghaa nə̀ ghaa i muu muu zey i kpiilənə tə̀ ghə̂ ghey Zə̀ kə sàynə ghə.

Filipi 1:19

Mə i nam duʼlənu, n təŋkey, n khənu nə̀ gɔŋŋə i ghaa nsə gaamə zey Yeso Klisto fuunə, Zə̀ kə i bəghəshiənu mə.

Filipi 1:7

À loʼnu ghə i dzuŋu zə tə̀ mə̀ ni moʼlə ghaa n ndzoʼo jii zən, boʼnə n khə ghaa n fə̀ŋ i dzuŋu zə̀. Abə n loʼ kə n ndaw tsaʼ nkee n təmənə tsam, təmi tiilə kùm tûm i dzuŋu zə̀, ghaa loʼ dzəŋi ghi mə̀ nə kəfə kəmɔʼ n ndzuŋ ə Kəzə̀ zən tə funə tə̀ mə.

Kolose 1:26

À loʼ ighəə Zə̀ kə â nyi naŋanə nə̀ kə ghə̂ a nə keelinə n ndəmə tənum ibam, tə u kee chi dii bənə ghəə a tii ghə nya tə ghə̂ a wi ghə.

Kolose 4:18

À loʼ mə Pɔl n wû wuŋ wə n tɔ̀ɔ bənə nya tə ghaa, mə n ghaa tɔŋɔ zow. I kə ghaa nə neyzəənə nə̀ n loʼ n ndaw tsaʼ. N gɔŋŋə nə̀ ndzuŋ ə Kəzə̀ zə i loʼ ghi ghaa.

1 Tesalonika 5:25

Waazə ghə ghaa i gɔŋŋə tə ghey.

2 Timoti 1:16

N gɔŋŋə nə̀ Zə̀ kə kwɔɔlə isî n kow Onesiforus nsə ghə̂ ghey adzəm ghə loʼnə n ndaw wi n təŋkey, tə â bə tsəmmə zeeli tsə mə n ndaw tsaʼ, tə n ka dədlə soʼo n tow kə ni bə koʼ mə.

2 Timoti 2:9

N fa fəʼlənu, ghə u kùm naŋa daŋŋə mə nə tətsaʼ tə a loʼ wù tsɔŋɔ n təŋkey n naʼlə tûm i dzuŋu zən. Ghə i dzuŋu i loʼ kə nə̀ ghə way ni kùm naŋa dzə ghɔɔmə i Kəzə̀ nə tətsaʼ.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.

Filemun 1:22

Ghəə i loʼ i loʼ kpiʼinu, bayyə naŋa tsu mə n dzuu i ndaw zə, n təŋkey, n khə tənnu nə̀ Zə̀ kə i kuʼlə zownu gɔŋŋə tə ghaa tə, tə ney dzəŋŋə bə mə tə ghaa.