Kolose 4:12 - Kaa n Kəzə̀ n fəghə mə

¹² Epafras wən tə loʼnə wù naʼ i ghaa, loʼ soʼo wù kəfwaʼ a Yeso Klisto tɔŋɔ zow bə ghaa. Tə gɔŋŋə tə ghaa nəŋə tədzəm n fə̀ŋ ə wi idzəm. Gɔŋŋə nə̀ Zə̀ kə ghəŋŋə nə̀ ghaa i tɔʼɔ taw n bəghəm i fə̀ŋ i ghaa, sey nə̀, ghaa loʼ ni tɔʼ zowkeeli ghəə a səŋi ghey Zə̀ kə ləghə nə̀ ghaa ghəŋə.

Kolose 4:12 Mawu Ofanana

Matyo 5:48

I sey dii nə̀, ghaa khə ni loʼ tsətsəghə ighələ tə̀ Bày ghaa idəŋ loʼnə tsətsəghə.”

Lukas 1:1

Mûkəbii Tiofilos, nsə ndəmə tə aghə̂ tə n kùm fwaʼ ni koʼ nə̀ ghə tɔ̀ɔ naŋa tsu bə ghəə ghey ghə â shinə n fəŋŋə kə saa.

Lukas 22:44

Tə n baa ndeemi nyi ndow uwû ni gɔŋŋə, ghəə a tii ghə n ngii dədlə wi n fə̀ŋ sa, zuʼlə n wi mə n chim tsu aghəd tə̀ a loʼ təkaŋ

Tùm i dzuŋu zə kuum Yeso Klisto tə Jɔn â tɔɔnə 12:26

Wù wey tə ləghənə ni doʼo wù kəfwaʼ wuŋ, khə ni dzûmə mə, nə luʼu key n loʼnə tii, wù kəfwaʼ wuŋ i loʼ sòʼo fu. Abə wù fwaʼanə tə̀ mə, Bày wuŋ n ngɔɔmə wù tii.”

Roma 15:14

Waazə ghə, n ndzəm khənu nə̀ ghaa khənu fə̀ŋ i dzuŋu zə ni ghəŋŋə ghəə ghey Zə̀ kə ləghənə, ghaa u loʼ soʼo nə̀ Zə̀ kə n fuu ghaa n tɔb wə naʼ idzəm. Ghaa n ndzəm kɔʼ kpii ni dii tiilə wû i ghaa zə.

Roma 15:30

Waazə ghə, n buʼu bə kəwɔɔ tə ghaa nə̀ ghaa təmdzəŋi ni ngii gɔŋŋə tə̀ Zə̀ kə n tow kuŋ, nghee saa loʼnə nə kəfə kəmɔʼ ghi Mûkəbii saa Yeso Klisto, Zay kə Zow kə u ghəŋə soʼo nə̀ saa i ləghə wû i saa zə.

1 Kɔrint 14:20

Waazə ghə, kə ghaa nə moʼlə nə̀ ghəə ghə tə̀ a loʼ aghinətəghə. Abə i bənə ni ghəŋə ghəə a bəbə ghə, ghaa khə ni loʼ tə a loʼ aghinətəghə. A kee bə n jìi zey ghaa zowkeelinə ghəə ghə tii, ghaa khə ni loʼ tə a loʼ agheynyim.

1 Kɔrint 2:6

Abə n loʼnə n fəŋŋə kə dzûmə tə Klisto tey tə loʼ nə̀ tə n beyyə n bəghəm i fə̀ŋ i ghə, mə n naʼlə tûm tə̀ ghə n tɔb wən Zə̀ kə fuunə. N kee naʼlə dzə way tûm tə̀ ghə n tɔb wən a khənə ghə̂ ghən ghə muunə fa n mbi nkee ghə̂ ghən ghə saʼanə mbi zən. Ghə̂ a mbi ghən loʼ nə̀ daʼa u ghə u nya may bənu.

2 Kɔrint 13:11

Nyisa waazə ghuŋ a dzuŋu ghə, ghaa doʼo kədzuŋ! Dəm tsu na ni ghəŋə ghəə ghey a loʼnə tsətsəghə. Ghaa i naŋŋə tsə̀ zuŋ zə, zowkeeli tsuu na wû i ghaa zə, ghaa i muu ni ibuulə. N gɔŋŋə nə̀ Zə̀ kən kə fuunə ləghə zə nsə buulə zə i loʼ ghi ghaa.

Galeshia 1:10

Ghaa moʼlə nə̀ n kəŋə kɔʼlə n wù sɔŋtsuʼ mɔ kɔʼlə n Kəzə̀ ə? Nkee ghaa moʼlə nə̀ n fwaʼa nə ghə̂ ghə i kali bə mə ə? Abə à mə loʼ nə n nam fwaʼa nə ghə̂ ghə i kali bə mə, i sey dii nə̀ n way dzə wù Kəfwaʼ a Klisto.

Galeshia 4:19

Waa ghuŋ a dzuŋu ghə! Fɔɔbə zey n zownə nya bòʼ ghaa, loʼ tə a loʼ fɔɔbə zey weyzən zownə abə tə sòʼonə waa. Mə i zow fɔɔbə i tii zə ni ndow kùm n nəŋə zey mə i koʼ bə nə̀ muu i ghaa i nya loʼ tə a loʼ muu i Klisto.

Kolose 1:22

A kee loʼ nə̀, Zə̀ kə n ghaa ghəŋə nə̀ ghaa doʼo fə a wi bòʼ və i waa wi wən tə a kpunə n zat kə fəkaʼ, sey nə̀ muu i ghaa zə i zow khə way bwu i loʼ zə, ghaa i loʼ tsətsəghə n sə kə wi.

Kolose 1:28

Sey, ghey naʼlə tûm i dzuŋu zə bòʼ Klisto tə ghə̂ ghə adzəm. Kii naŋŋə ndow ghə n ghəə ghən a kpiilə way, də̀ŋ ə kɔʼɔ bə ghə nə təjìi tədzəm, sey nə̀, ghey i loʼ ni ney bə ghə n sə K-a-zə̀, nə̀ ghə n beyyə dzɔb, loʼ nə kəfə kəmɔʼ ghi Klisto.

Kolose 1:29

À wey loʼ zuŋ key n kuu nyiə ndownə səŋ zə ni fwaʼ n daʼa kə səŋi kən kə fwaʼanə n kow mə nə a fuu Klisto.

Kolose 1:7

 loʼ Epafras tə â tiillə dza bənə ndzuŋ ə Kəzə̀ zən tə ghaa. Tə loʼ wù kəfwaʼ wən ghi wi dzəŋi fwaʼanə. Epafras wən ghey ngii ləghənə, fwaʼa tə Klisto n fə̀ŋ ə wi idzəm bòʼ saa.

Kolose 1:9

À wey loʼ i ghi ni ney nuu bə n tsuʼ fey ghey â zow tsu zɔŋ u ghaa wə, ghey ka kam buu naŋa koʼ ni gɔŋŋə n tow u ghaa nə Zə̀ kə gaamə nə̀ ghaa i loʼ ni keeli ghəə zey tə ləghənə. Tə fuu ghaa n tɔb wə, nsə daʼa kə Zay kə Zow kə nə ghaa i loʼ ni zowkeeli dzɔb ghəə a tii ghə.

Kolose 4:9

Tə bəghə dzəŋi ghi Onesimus, waazə ə saa u dzuŋu wən tə fwaʼa soʼonə fwaʼ kən n fə̀ŋ ə wi idzəm, a loʼ wù inaʼ a ghaa. Ghə i tiilə dza bənu tə ghaa ghəə ghey a tsəghənə fa adzəm.

1 Tesalonika 5:23

Ghey gɔŋŋə nə̀ Zə̀ kən kə ghəŋŋənə nə̀ fə̀ŋ tə ghaa tə i loʼ nə ibuulə, n wû u wi kə bə ghəŋə nə̀ ghaa i zow n muu i ghaa. Ghey gɔŋŋə nə̀ ghəə adzəm ghaa ghəŋŋənə, ghəə ghey ghaa ləghənə nsə ghəə ghey ghaa moʼlənə i khə way bwu i loʼ zə abə Mûkəbii saa Yeso Klisto i bə dzəŋŋənə.

Filemun 1:23

Epafras wən tə loʼ dzəŋinə fa n ndaw tsaʼ ghi mə bòʼ Yeso Klisto tɔŋŋə zow bə ghaa.

Hibru 5:14

Fəzəə u taw u loʼ tə̀ gheynyim ghən ghə beyyə dzənə, zoʼlə keeli kɔʼ aghəə n jìi zey ghə loʼ ni keeli ghəə zey i dzɔbənə zə nsə ghəə zey i bəbənə.

Hibru 5:7

Nghee Yeso â muunə fa n mbi, tə n gɔŋŋə, buʼ soʼo kəwɔɔ nə idey nsə sə̂ mə tə̀ Zə̀ kə, tə loʼnə ni bəghəshi vən fə uwû fə wi n wɔɔ kə ivə. Sey, Zə̀ kə n zow gɔŋŋə i wi n təŋkey, tə â zow tə̀ Zə̀ kə ngɔɔmə soʼo wi.

Jems 1:1

A màʼlə kən tɔ̀ɔ bə mə Jems. N loʼ wù kəfwaʼ tə Zə̀ kə, loʼ soʼo wù kəfwaʼ tə Mûkəbii Yeso Klisto. N tɔ̀ɔ bə tə̀ ghə̂ a Təjuu ghən ghə saali doʼo kaabənə n badla tə mbi tədzəm. N tɔŋɔ zow bə ghaa.

Jems 1:4

Təmi taw tsu kə n na nə aghəə adzəm sey nə̀ ghaa loʼ ni tɔʼ beyyə n bəghəm i fə̀ŋ i ghaa, laʼa soʼ way fə kə loʼ kə n bəghəm i fə̀ŋ i ghaa.

Jems 5:16

À wey loʼ ghə i tii zə ghaa khə ni dza tiilə ghəə a bəbə ghey ghaa ghəŋŋənə n wû i ghaa, gɔŋŋə tiilə soʼo n tow u ghaa sey nə̀, Zə̀ kə loʼ ni baŋŋə ghaa. N dza sey n təŋkey, gɔŋŋə i wù wey tə loʼnə tsətsəghə khə kədaʼa, ndzəmə fwaʼa soʼo.

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

Màʼlə kə Jud tə̀ ghə̂ a Kəzə̀ ghə 1:24

N gɔŋŋə nə̀ saa adzəm i fuu kɔʼlə mə tə Zə̀ kə. Zə̀ kən kə loʼ ni kwu keeli saa nə̀ kə saa i bwu, nsə nə̀ saa i zow, ngii duʼlə soʼo n sə kə wi.