Kolose 4:11 - Kaa n Kəzə̀ n fəghə mə

¹¹ Joshua wən ghə tɔŋɔ soʼo nə a loʼ Justus tɔŋɔ zow bə soʼo ghaa. À may kə ghə̂ ghən atəghə ghə loʼnə ghə̂ a Təjuu ghə, ghə bəghəmnə tə Klisto, ghə fwaʼa dzəŋinə fa ghi mə n ghəə a fɔɔ u Kəzə̀. Ghə n ngii fuu mə n gaamə zə.

Kolose 4:11 Mawu Ofanana

Kəfwaʼ 10:45

Dzuu zə n zum ghə̂ a Təjuu ghən ghə bəghəmnə tə Klisto, ghə â nuu dzəŋi bənə ghi Pita n naʼ i Jopa ni koʼ nə̀, Zə̀ kə n fuu soʼo Zay kə Zow kə tə ghə̂ ghən ghə way ghə̂ a Təjuu ghə.

Kəfwaʼ 11:2

Ambə Pita ndownə n Yerosalem, dzûmə tə Klisto tən tə â taʼanə n ghəə a səghə a kətyi ghə, n kee khə̂mə wi dza nə̀,

Roma 16:3

Tɔŋɔ zow ndow n na Prisila nsə Akwila. Ghə fwaʼa dzəŋi fwaʼ kə Yeso Klisto kən ghi mə.

Roma 4:12

Abraham loʼ soʼo bày tə ghə̂ ghən ghə loʼ nə̀ ghə n səghə tyi u ghə wə. Ghə səghə tyi u ghə n fə̀ŋ, à kad way kə a bii. Ghə a bəghəm soʼo tə̀ Zə̀ kə nghee tə̀ bày saa Abraham â bəghəmnə tə̀ wi nə̀ ghə ka kam səghə tyi kə wi kə.

2 Kɔrint 6:1

Nghee tə̀ ghey fwaʼa dzəŋinə ghi Zə̀ kə, ghey buʼu bə kəwɔɔ tə̀ ghaa nə̀ kə̂ ghaa nə bəghəmnə nə̀ ndzuŋ ə Kəzə̀ zən ghaa keelinə doʼo Kənunu.

Efesus 2:11

Kə ghaa nə neyzəənə nə̀ ghaa ghən ghaa way ghə̂ a Təjuu, ghaa â loʼ tsə ghə̂ a tətùm. Ghə̂ a Təjuu ghə â tɔŋŋə tsə ghaa nə̀ ghaa loʼ ghə̂ ghən ghə ka səghə tyi u ghə. Ghə̂ ghən ghə ghaŋŋənə wû zə nə̀ ghə loʼ ghə̂ a Kəzə̀ boʼnə ghə n səghə tyi u ghə wə, loʼ sey nə̀ à maŋ loʼ kə n gow uwû, a way n fə̀ŋ.

Filipi 4:3

N dza bə soʼo tə wɔ fə wuŋ wən ghi wɔ dzəŋi fwaʼa dzɔbə kɔʼɔ bə nə̀ wə gaamə gheyzən ghən, n təŋkey, ghə mâ ndzəm fwaʼ ghi mə ni naʼa tûm i dzuŋu zə. Ghə â loʼ ghi Klemen nsə ghə̂ a loʼ ghey ghə â fwaʼa dzəŋinə ghi mə. Zəd a ghə a tɔ̀ɔ doʼo n màʼlə K-a-zə̀ key tə tɔ̀ɔ naŋŋənə zəd a ghə̂ ghey ghə î zəənə muu zə itsali zə.

Kolose 4:7

Taychikus, waazə ə saa u dzuŋu wə, i tiilə dza bənu tə ghaa ghəə ghey a tsəghənə fa adzəm bòʼ mə. Tə fwaʼa dzəŋi ghi mə, fwaʼa soʼo tə Mûkəbii n fə̀ŋ ə wi idzəm.

1 Tesalonika 3:2

Ghey n tûm bə Timoti waazə ghey wən tə fwaʼanə tə̀ Zə̀ kə ghi ghey ni naʼa tûm i dzuŋu zən bòʼ Klisto nə̀ tə bə tɔm bə ghaa, tə təm tawwə bə soʼo bəghəm i fə̀ŋ i ghaa.

1 Tesalonika 3:7

Sey waazə ghə n fəghə i zən nsə chɔd mən ghey koʼonə, ghey duʼlənu ghi ghaa bòʼ bəghəm i fə̀ŋ zən ghaa khənə.

Taytus 1:10

N dza sey n təŋkey ndzoʼo ghə̂ ghey ghə tuu maʼanə tûm i tii zə ndəŋ loʼnu, a ka ndɔm dza ghə̂ a Təjuu ghən ghə təmi taw kɔʼnə nə̀ ghə khə ni teeli səghə tyi kə wù tə̀ wi ni keeli ibəghəshi. Ghə tuu ni zow tə̀ ghə̂ ghey ghə loʼnə tow wə, nəbə kaabə tsə soʼo aghə̂ nə təghɔɔmə nə̀ tə way ni gaamə wù n ghə i loʼ zə.

Filemun 1:1

À màʼlə kən tɔ̀ɔ bə mə Pɔl. N loʼ wù ndaw tsaʼ bòʼ fwaʼ kən n fwaʼa nə tə Yeso Klisto. N maʼlə kən tɔ̀ɔ bə ghi waazə ə saa Timoti. Ghey tɔ̀ɔ bə tə wɔ a Filemun, wə loʼ fə̂ ə ghey u dzuŋu wə, wə fwaʼa dzəŋinə ghi ghey.

Filemun 1:24

Ghə̂ ghən ghə fwaʼa dzəŋinə ghi mə tɔŋŋə Mak, Aristakus, Demas nsə Lukas, tɔŋŋə zow bə soʼo ghaa.