Kolose 4:10 - Kaa n Kəzə̀ n fəghə mə

¹⁰ Aristakus wən tə loʼnə fa n ndaw tsaʼ ghi mə, tɔŋɔ zow bə ghaa. Mak, waazə ə Banabas tɔŋɔ zow bə soʼo ghaa. Ghə mâ buʼ dza tə ghaa nə̀ abə Mak kpaʼi bənə fey, ghaa kpii ney wi.

Kolose 4:10 Mawu Ofanana

Kəfwaʼ 12:12

Nghee ghəə ghən nyi bənə n tow kə wi, tə n nuu ndow n ndaw Maria, này Jɔn wən ghə â tɔŋŋə soʼonə wi nə̀ a loʼ Mak. À n loʼnə ndəmə aghə̂ n zuŋŋə doʼo fu ghə gɔŋŋənə.

Kəfwaʼ 12:25

Ambə Banabas nsə Sɔl mayyə kɔʼ fwaʼ kə ghə kə n Yerosalem, ghə n ney kɔʼ Jɔn wən ghə a tɔŋŋə nə̀ a loʼ Mak, nuu ndow ghi wi.

Kəfwaʼ 13:13

Pɔl nsə ghə̂ ghey tə â loʼ dzəŋinə ghi ghə n zəghə tsu Pafos, nyi kɔʼ nə kəfən, daŋ shi ndow n naʼ i Pega n mboʼo Pamfilya. À loʼ fu Jɔn Mak a zəghə tsunə ghə, nuu dzəŋŋə ndow n Yerosalem.

Kəfwaʼ 13:5

Ambə ghə bə kuum tsunə n Salamis, ghə n naʼlə tûm Kəzə̀ n ndaw tə udzəŋi tə ghə̂ a Təjuu. Jɔn Mak n loʼ ghi ghə ni gaamə ghə n fwaʼ kə ghə.

Kəfwaʼ 19:29

Naʼ i tii zə idzəm n daŋŋə təmi kɔʼ nə ifuu. Ghə n kwu kɔʼ Gayɔs ghi Aristakus, ghə̂ a Masidonia ghən ghə a bweynə ghi Pɔl, daŋŋə nyəŋ ndow ghi ghə n ndaw kədzəŋi i nii zey fu inaʼ.

Kəfwaʼ 20:4

Ghə̂ ghey Pɔl â bwey dzəŋi ndow ghi ghə â loʼ Sopata waa Pirus tə â nuu bənə n Beria. A loʼ ghə n loʼ Aristakus ghi Sekɔndus ghə â nuu bənə n Tesalonika, Gayɔs tə â nuu bənə n Debe. A loʼ ghə n loʼ Taychikus ghi Trofimus ghə â nuu bənə n mboʼo Eshya. Timoti n loʼ soʼo tii.

Kəfwaʼ 27:2

Ghey n ney kɔʼ kəfən kə nuu bənə n Adramitum, nə̀ kə khə ni ndow siʼi n bad key fən u siʼinə tii n nguŋ ə nali kə dzuu kə Eshya. Ghey n nuu ndow n daŋ zə ghi Aristakus. Aristakus â loʼ wù Tesalonika n mboʼo Masedonya.

Kəfwaʼ 4:36

Wù loʼ â loʼnu ghə â tɔŋŋənə wi nə a loʼ Yosef, tə â shi n bii kə Levi, nə ghə ji wi n naʼ i Sayprus. Ngəd tə Yeso tə â tsə zəd i wi nə a loʼ Banabas, dii tsu n ghɔɔmə i ghə nə̀, “Wù wey tə kuunə fə̀ŋ tə ghə̂ tə.”

Roma 16:2

N dza nə̀ abə tə i bənə n səə ghaa, ghaa kpiiney wi n zəd i Mûkəbii n jii zey ghə̂ a Kəzə̀ a ghəŋŋənə tii. Ghaa fu wi n gaamə zey tə ləghənə n təŋkey, tə n gaamə ndəmə aghə̂, gaamə soʼo mə.

Roma 16:7

N tɔŋŋə zow bə soʼo Andronikus nsə Junia nsə waazə ghuŋ, ghə̂ a Təjuu ghən ghə â loʼ dzəŋinə ghi mə n ndaw tsaʼ. Wɔɔ a kəfwaʼ a ghə a loʼ n nəŋ n fəŋŋə kə ngəd tə Klisto. A sə kə â bəghəm ghə tə Klisto tə̀ mə ni bəghəm.

2 Timoti 4:11

À nya doʼo səə kə Lukas fa ghi mə. Abə wə dza i bəghənu, ney kɔʼ Mak, wə bə ghi wi n təŋkey, tə loʼnu ni gaamə mə n fwaʼ kən.

Filemun 1:23

Epafras wən tə loʼ dzəŋinə fa n ndaw tsaʼ ghi mə bòʼ Yeso Klisto tɔŋŋə zow bə ghaa.

Filemun 1:24

Ghə̂ ghən ghə fwaʼa dzəŋinə ghi mə tɔŋŋə Mak, Aristakus, Demas nsə Lukas, tɔŋŋə zow bə soʼo ghaa.

1 Pita 5:13

Waazə a ghaa ghey n dzəŋi kə dzûmə tə Klisto key n Babilɔn, Zə̀ kə â say soʼonə, tɔŋŋə zow bə ghaa. Mak wən tə loʼnə tə a loʼ waa tə̀ mə tɔŋŋə zow bə soʼo ghaa.