Kolose 3:8 - Kaa n Kəzə̀ n fəghə mə

⁸ Nya, ghaa khə ni teeli tuu maʼa soʼo fəmbow, mbwu kə fə̀ŋ, ngaamə tə aghəə, təfəghəm, nsə dzə dzə kə ighɔɔmə kə.

Kolose 3:8 Mawu Ofanana

Matyo 5:22

N kee dza bə tə̀ ghaa nə̀, abə wù fəələnə nəghə wə ghi waazə ə wi, tə kpiinu tə̀ ghə doʼlə naŋa wi n tay i saʼ. Abə wù tɔŋɔ ndòwnə waazə nə̀, ‘Ndzə̀ŋ ufow zən’, tə̀ kɔʼ kpiinu tə̀ ghə saʼ wi n ndaw tsə̂. Abə wù kpaalə ndownə waazə nə̀, ‘laʼlə ka fə̂ kən’, tə kpiinu tə̀ ghə maʼa wi nə uvələ, tə i fəʼlə fu.

Malakus 7:22

Ghəə a bəbə a loʼ a loʼ soʼonu tə̀ à loʼ ni tsìi ney wey wù, umə̂, ghəə a tsìi ghə, kəghoʼ, imbvəi, ghəə a tsayyə a wù ghə, wû u ghaŋŋə wə, ghəə a laʼlə ghə.

Roma 13:13

Sa khə ni ghəŋŋə ndow ghəə ghey a kpiilənə tə a loʼ ghə̂ ghey ghə muunə n mgbaŋ. Saa khə way ni mə̂ə khəə kaabə tsə lə mə. Saa khə way ni ghəŋŋə ghəə a laŋŋə ghə, nkee ghəə a dzəə ghə. Saa khə way ni zuulə ballə n wû i saa nkee ni ghoʼo wû i saa zə.

1 Kɔrint 3:3

I loʼ sey n, n təŋkey, ghaa nam muu ndzoʼo muu zən ghə̂ a mbi a muunə. Abə ghaa nam khənə ghoʼ kə n fəŋŋə kə ghaa, zuulə soʼo n wû i ghaa, i dii bənu nə̀ ghaa loʼ ghə̂ a mbi, ghaa a ghəŋŋə soʼo ghəə ghə tə a maŋ loʼ wù sɔŋtsuʼ wən tə khə way Zə̀ kə.

2 Kɔrint 12:20

N dza sey n təŋkey, n fa tsəŋə nə̀ abə mə î bənə, mə i ka koʼ ghaa n jìi zey n ləghənə nə̀ ghaa doʼo tii, ghaa soʼo ghaa i ka koʼ mə nə̀ n way dzə n jìi zey ghaa ləghənə nə n doʼo tii. N tsəŋə nə̀ n loʼ ni bə nə̀ ghaa khə izùu n fəŋŋə kə ghaa, khə kəghoʼ, khə nəghə u fəə wə, khə umə̂, kpaalə kaabə iwû, baŋŋə təfəghəm, kɔʼlə kaabə iwû, fwɔdlɔ maʼa soʼo wû i ghaa.

Galeshia 5:15

Abə ghaa ŋaŋi kaabənə wû i ghaa zə tə a loʼ təbvə n jìi zey ghaa muu nə tii, kee ghə̂mə kə na nu kə ghaa nə weyyənə wû i ghaa zə.

Galeshia 5:20

ni ngɔɔmə muʼu mə, ghəə a kəvuŋ, baa zə iwû, fəghəm tə baŋŋə tə, kəghoʼ, mbwu kə fə̀ŋ, sə a shiə ghə nə ufə̂, nəghə u fəə wə, wù dzawwə maʼa wə aghə̂ wə,

Galeshia 5:26

Kə saa nə kɔʼlənə wû zə, kə saa nə kɔʼlənə wû i saa zə, kə saa nə ghoʼo soʼo nə wû i saa zə.

Efesus 4:22

Ghə â zoʼlə ghaa nə̀ ghaa khə ni tuu maʼa muu i ghaa i wey zey ghaa muu tsənə tii. Muu i tii i nəbə ghaa nə̀ ghaa i ghəŋŋə ghəə a bəbə ghə, tɔʼɔ weyyə ghaa n fə̀ŋ.

Efesus 4:25

A wey loʼ ghə i tii zə, ghaa khənə ni tuu maʼa ghəə a badla ghə. Ghaa i ghɔɔmə isəŋə n wû i ghaa, boʼnə saa dzəŋi loʼ nə kəfə kəmɔʼ n doʼo i saa ghi Klisto.

Efesus 4:26

Abə wə fəələnə nəghə wə, ka bəghəm nə nəghə u fəə u tii u ghəŋə wɔ nə̀ wə ghəŋə ghə i bəbə zə. Ka bəghəm soʼo nə̀ ghab kə ngii shi, tsuʼ u bə dzə nə̀ wə nam fəələ kə unəghə.

Efesus 4:29

I kə ghɔɔmə i dzəə i nə̂ shiənə n dzuu i ghaa, a may kə ghɔɔmə zey i bəghənə ghə̂ ghə n muu i ghə, sey nə̀, ghəə ghey ghaa ghɔɔmənə, ghə i fuu gaamə zə tə̀ ghə̂ ghən ghə zəllənə ghəə ghey ghaa dzanə.

Efesus 5:4

Maʼa na ghɔɔmə i dzəə zə, ghɔɔmə i bəbə zə nsə laʼlə kə isə̀ kə. Ghaa khə ni fədlə fuu ndow zɔŋŋə K-a-zə̀ kə n ghəə ghey tə ghəŋənə tə̀ ghaa.

Kolose 3:5

Sey, ghaa khə ni teeli tuu maʼa ghəə a bəbə ghən gow uwû ləghənə, tə a loʼ; ilaŋŋə, ghəə a dzəə ghə, ni mbuŋŋə ni nyəŋi ghi wù, moʼlə tə bəbə tə, nsə mə̂ wə, n təŋkey, mə̂ u loʼ ighələ tə̀ wù nə̀ ngɔɔmənə muʼu mə.

Kolose 3:9

Kə ghaa nə badlanə ghəə ghə n wû i ghaa n təŋkey ghaa n tuu maʼa ghəə a wey ghən nsə mwam u bəbə wən ghaa â buʼ loʼ tsənə tii.

1 Timoti 1:13

Nghee mə â loʼ nə̀ n ka kam bəghəm tə Klisto, mə â ghɔɔmə bəəbə tsə bòʼ wi, tsayyə wi, chɔdlɔ tsə soʼo wi. Zə̀ kə n kee kwɔɔlə isî n kow mə boʼnə mə â ka kam keeli dzə bəghəm i fə̀ŋ zə, mə n khə soʼo way ghəə ghey mə â ghəŋŋənə.

1 Timoti 1:20

Hemenus nsə Alekzanda loʼ ndzoʼo ghə̂ a tii ghə, Mə n ghə fuu tsəghə ndow tə Satan nə̀ tə ghəŋə ghəə zey tə loʼ ni ghəŋə tə ghə. Zə i ghəŋŋənu tə ghə zoʼlə tsu nə̀ ghə khə way ni tsayyə Zə̀ kə.

Hibru 12:1

Nghee i loʼ nə̀ saa khənu nɔɔ kə aghə̂ kə nii kə, ghə taʼanə ghi saa, saa zəghə maʼa ghəə ghey adzəm a təʼlənə saa n bəghəm i fə̀ŋ i saa nsə ghəə a bəbə ghey a taw doʼo bə n kow saa. Saa nyəŋ n fə̀ŋ tə saa tə tədzəm ni keeli fə key Zə̀ kə təb naŋanə tə̀ saa.

Jems 2:7

À loʼ ghə, ghə tsayyənə zəd i Yeso Klisto i dzuŋu zən ghə tɔŋɔnə ghaa tii.

1 Pita 2:1

Nghee i loʼ nə̀ Zə̀ kə n fuu ghaa n muu i fəghə zə, i sey dii nə̀ ghaa khə ni kweyyə nuu bə n fə̀ŋ tə ghaa tə n ghəə a bəbə ghə adzəm, ghaa maʼa ghəə a nəbə ghə ityim ghə, ghaa maʼa ghəə a badla ghə, ghaa maʼa kəghoʼ, kə ghaa nə tsayyə soʼonə wù.

2 Pita 2:18

Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.

2 Pita 2:7

Zə̀ kə n kee bəghəshi tsu Lɔd wən tə â loʼnə wù tsətsəghə. Fə̀ŋ â ngii fəmmə Lɔd boʼnə ghə̂ ghən ghə naŋŋə way laŋ kə â ghəŋŋə dzəə dzəə tə aghəə.

Màʼlə kə Jud tə̀ ghə̂ a Kəzə̀ ghə 1:13

Ghə loʼ tə a loʼ tuŋutuŋu tə dzuu tə taw tə n nali kə dzuu, nə̀ ghəə a ghə a tow kə dədlə kə dii bə uwû nə tətsəbə. Ghə loʼ tə a loʼ səghəbələ mən n laʼa kaabə tsə idəŋ nə̀ Zə̀ kə n sày naŋa ghə n luʼu key ləm kə loʼnə fu nəŋə tədzəm.

Màʼlə kə Jud tə̀ ghə̂ a Kəzə̀ ghə 1:8

N jii i mɔʼɔ zə, ghə̂ ghən keeli njim, n ghəŋŋənə ghə nə̀ ghə i dzəələ wû i ghə zə. Ghə tuu maʼlə daʼa key Zə̀ kə khənə ghii kə, kpaalə soʼo daʼa wey u khənə kɔʼlə mə idəŋ.

Chi dii 16:9

Ghə n fə kɔʼ n faalə faalə kə zuʼ kə num kən. Sey ghə n zey ndow ni tsayyə zəd i Zə̀ kən kə khənə daʼa kə n kow zəŋ tən, ghə kee tuu tən ni kwey nuu bə fə̀ŋ tə ghə n ghəə a bəbə ghə, tuu soʼo ni kɔʼlə wi.