Kolose 3:4 - Kaa n Kəzə̀ n fəghə mə

⁴ Abə Zə̀ kə i dii bənə Klisto wən tə baa khənə muu i ghaa zə tə mbi, ghaa i loʼ dzəŋi ghi wi n ghaʼ i wi.

Kolose 3:4 Mawu Ofanana

Matyo 13:43

Ghə̂ ghey ghə loʼ tsətsəghə nə kee nyiəllə kə tə a loʼ inyi n fɔ̀ɔ u Bày ghə. Nə wə khə utuŋŋə, wə zow.

Lukas 17:30

I nə bɔɔmə loʼ soʼo sey n tsuʼu n Waa wù sɔŋtsuʼ.

Tùm i dzuŋu zə kuum Yeso Klisto tə Jɔn â tɔɔnə 11:25

Yeso n dza ndòw tə̀ wi nə̀, “À loʼ mə n zhəm dzəŋŋə nə ghə̂ ghə nə ivə, a loʼ mə n fuu soʼonə muu zə. Wù wey tə bəghəmnə tə̀ mə, abə tə kpu kənu, tə î keeli imuu.

Tùm i dzuŋu zə kuum Yeso Klisto tə Jɔn â tɔɔnə 14:3

Abə n ndòw faalə naŋa tsunə luʼu tə tə̀ ghaa, mə i kəm bə dzəŋŋə, n bə ney ghaa tə̀ saa i loʼ adzəm, sey nə̀, luʼu key n loʼnə tii, ghaa i loʼ soʼo fu ghi mə.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Tùm i dzuŋu zə kuum Yeso Klisto tə Jɔn â tɔɔnə 17:24

Bày, n ləghə nə̀ ghə̂ ghey wə â fuu tə̀ mə, ghə i loʼ ghi mə n luʼu key n loʼnə tii, tə̀ ghə loʼ ni mbɔŋ koʼ kɔʼlə muŋ, kɔʼlə mey wə â fuu tə̀ mə bòʼ ləghə zey wə khə n kow mə tə̀ mbi ni bə kaʼ.

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Kəfwaʼ 3:15

Ghaa â wey maʼa wù wən tə fuunə muu zə, Zə̀ kə n kee zhəm dzəŋŋə bə wi nə ivə. Ghey mâ koʼ ghəə a tii ghə adzəm, ghey a dza bənə nya tə ghaa.

Roma 8:18

N khənu nə̀ kɔʼlə mən Zə̀ kə i fuunə tə saa, n laabə tsəghəshinu fəghə zən saa fəʼlənə nya.

Roma 8:19

N dza sey n təŋkey, fə wey udzəm Zə̀ kə bɔmnə fa n mbi ləmmə tənə tsuʼ fey Zə̀ kə i dii bənə ghə̂ ghey ghə ndzəm loʼnə waa a wi ghə.

1 Kɔrint 1:7

Sey, ghaa khə maynu naamə wey Zay kə Zow kə fuunə, nghee tə̀ ghaa ləmmə tənə nə tsuʼ fey Mûkəbii ə saa Yeso Klisto i bəghə dzəŋŋənə tii.

1 Kɔrint 15:43

Abə ghə tsəllə ndownə wù, vən i wi i kəm gumi way ni koʼ, tə n khə soʼo way daʼa kə loʼ kə. Abə Zə̀ kə i kee zhəm nuu dzəŋŋə bənə ghə̂ ghə nə ivə, ghə i gumi ni koʼ, taw dzɔbə soʼo.

2 Kɔrint 4:17

Sey, nyaŋi mə nchɔd mən saa koʼonə nyisa, n fədlə bayyə naŋa bə saa nə̀ saa i keeli kɔʼlə mən n nə may way, n tsəghəshinə chɔd mən n dzəm a keelinə.

Galeshia 2:20

N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.

Filipi 3:21

N daʼa key tə khənə ni ney naŋa bə ufə̂ udzəm n tənə wi, tə î kwey nuu kɔʼɔ vən fə uwû fə wù sɔŋtsuʼ fə saa fən, tə fuu saa n ndzoʼo vən fə uwû fey Zə̀ kə â fuunə tə wi nghee tə â zhəm dzəŋŋə bənə wi nə ivə.

1 Tesalonika 4:17

Ghə̂ ghən ghə i loʼ utaw n nəŋə i tii zə i daŋŋə nuu təmdzəŋi ndow ghə nə təmbaʼ, ghə i dzəŋi kpiilə kɔʼ ndow ghi Mûkəbii idəŋ. Sey saa i doʼo tən ndow ghi Mûkəbii.

1 Timoti 6:14

nə̀ wə naŋa kɔʼ bə laŋ wən n fuu bənə tə wɔ n fə̀ŋ zə idzəm, ni ndow kuum n nəŋə zey Mûkəbii saa Yeso Klisto i bəghənə tii. Abə wə tɔʼ dzûmə kɔʼ bənə laŋ wən nə̀ wə nɔʼɔ way, wù loʼ i way dzə ni dza ghə i bəbə zə bòʼ wɔ.

2 Timoti 1:1

A loʼ mə Pɔl n tɔ̀ɔ bənə màʼlə kən. Â tsəm kɔʼ Kəzə̀ ni sày mə nə̀ n doʼo ngəd tə Yeso Klisto. Tə tûm bə mə nə̀ n bə naʼa tûm i dzuŋu zə tə ghə̂ ghə bòʼ muu zən tə â təb naŋa tə ghə̂ ghən ghə loʼnə nə kəfə kəmɔʼ ghi Yeso Klisto.

2 Timoti 4:8

Naamə kə ləmmə mə nya idəŋ n fwaʼ kə dzuŋu kən n fwaʼnə ghii kə. Naamə kə tii kə way kə tə mə, kə loʼ soʼo tə ghə̂ ghey adzəm ghə ləghənə ni koʼ tsuʼ fey Klisto i bəghə dzəŋŋənə ibam. À naamə kə tii kə naŋa Mûkəbii wən tə saʼanə ghə̂ ghə n jìi zey i loʼnə tsətsəghə.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Hibru 9:28

Sey, Klisto a fəələ kə wû u wi nəŋə imɔʼ ni ney nuu ghəə a bəbə ghə n tow u ndəmə aghə̂. Tə i kəm bəghə kpiʼinu, a i way dzə ni ney nuu ghəə a bəbə ghə, a i loʼ ni ney bə ibəghəshi tə̀ ghə̂ ghən adzəm ghə ləmmənə wi.

1 Pita 1:13

Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.

1 Pita 5:4

Abə ghaa ghəŋŋənə sey, abə wù wey tə loʼnə tow kə n tə̀ ghə̂ a baʼa a tənjì ghə i bənə, tə i dzəŋi bə ghaa n taŋŋə kə fɔɔ key kə loʼ nə̀, jìi zey kə nyiəllənə tii, nyiəllə i tii i nə kwey koʼ way.

1 Jɔn 2:28

Sey, ghaa ghən ghaa loʼnə waa ghuŋ ghə, ghaa doʼo tsu kə nə kəfə kəmɔʼ ghi Klisto, sey nə̀ abə tə i bə dzəŋŋə nə̀, saa i khə fə̀ŋ ni təmi n sə kə wi nə saa ka nyi doʼo bòʼ tow kə dədlə kə.

1 Jɔn 3:2

Fə̂ ghuŋ a dzuŋu ghə, nyisa wən saa loʼnə waa a Kəzə̀ ghə, saa kam khə way fə key saa i bə doʼlənə ghii kə. Saa kee khə kə nə abə Klisto i bənə, saa i bɔɔmə doʼlə kə tə a loʼ wi, n təŋkey, saa i koʼo ndow kə wi nghee tə bɔɔmə loʼnə tii.

1 Jɔn 5:12

Sey, wù wey tə loʼnə nə kəfə kəmɔʼ ghi waa, sey khə muu zə itsali, wù wey tə khə way waa Kəzə̀, sey khə way muu zə itsali zə.

Màʼlə kə Jud tə̀ ghə̂ a Kəzə̀ ghə 1:24

N gɔŋŋə nə̀ saa adzəm i fuu kɔʼlə mə tə Zə̀ kə. Zə̀ kən kə loʼ ni kwu keeli saa nə̀ kə saa i bwu, nsə nə̀ saa i zow, ngii duʼlə soʼo n sə kə wi.

Chi dii 2:7

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wən. Mə i fuu tsu kədaʼa tə̀ ghə̂ ghey ghə i taw tsəghəshiənə ghəə a bəbə ghə, ghə i kɔy nəghə tam wə n kaʼ fey fə fuunə muu zə, fə loʼnə n sum u Kəzə̀ idəŋ.”

Chi dii 22:1

Tsəndəghə Kəzə̀ zey n dii bə mə n dzuu zey i khənə mmuu mey n fuunə muu zə. Dzuu i tii n nyiəllə tə a loʼ tay mən n ngii kwɔɔnə wən zə ghə tɔŋŋə nə̀ a loʼ krista nə i kuŋu shiə bə kuu kə fɔɔ K-a-zə̀ nsə Waa Nji zey.

Chi dii 22:14

Zə̀ kə i buulə ghə̂ ghey ghə sow ndzə̂ tə ghə tə nə̀ tə i zow, ghə i khə daʼa kə ni zə tam wən u məə n kaʼ fey fə fuu muu zə nsə ni tsəghə nyi n fuʼ u mbàa u naʼ tii zə.