Kolose 3:25 - Kaa n Kəzə̀ n fəghə mə

²⁵ Abə wù wey tə ghəŋŋənə bəb zə, Zə̀ kə i tsəə dzəŋŋə soʼo wi n ndzoʼo bəb zey tə ghəŋənə, n təŋkey, Zə̀ kə saʼa aghə̂ nə tə nyaŋŋə way tûm usə u wù wə.

Kolose 3:25 Mawu Ofanana

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Lukas 20:21

Tsi tey n dza ndow tə Yeso nə̀, “Wu dii wə, a khənu nə ghɔɔmə zə nsə dii zə i bɔɔmə loʼ tən tsətsəghə. Wə saʼa nə̀ wə fu way tûm usə̂ wə tə wù loʼ, wə bɔɔmə dii kə isəŋə bòʼ ghəə ghən Zə̀ kə ləghə nə̀ ghə̂ a keeli.

Kəfwaʼ 10:34

Ambə Pita zow tsunə ghəə ghən, tə n zey tsu ni ghɔɔmə nə̀, “Mə n ndzəm koʼ nya nə̀ Zə̀ kə badla way kpey wə,

Roma 2:11

I loʼ sey, tənkey, Zə̀ kə saʼa way ghə̂ ghə nə̀ tə laalə ndow tûm usə u wù.

2 Kɔrint 5:10

Saa adzəm khə ni teeli təmi n sə̂ kə Klisto, tə saʼ saa. Tə i fuu kə naamə kə kay wù n fwaʼ kən tə fwaʼnə fa mbi tə̀ a loʼ a wù sɔŋtsuʼ, nə̀ a loʼ kə fwaʼ kə dzuŋu kə nkee kə bəbə kə.

Efesus 6:8

Keeli tsu na nə̀ Mûkəbii i fuu kənaamə tə̀ kay wù n fwaʼ kə dzuŋu key tə fwaʼanə, nə̂ wə loʼ wù kəfwaʼ nkee wə way wù kəfwaʼ.

Efesus 6:9

Ghaa ghən ghaa khənə ghə̂ a kəfwaʼ ghə, ghaa khə ni bɔɔmə muu soʼo sey ghi ghə̂ a kəfwaʼ a ghaa ghə. Kə̂ ghaa nə̂ biinə ghə. Keeli tsu na nə̀ ghaa ghi ghə̂ a kəfwaʼ a ghaa ghə, ghaa dzəŋi loʼ ghə̂ a kəfwaʼ n tənə Mûkəbii wən tə loʼnə idəŋ. Tə saʼa aghə̂ adzəm ighələ, badla way kpey wə.

Kolose 4:1

Abə ghaa ghə mûkəbii ghən ghaa khənə ghə̂ a kəfwaʼ ghə, ghaa khə ni laalə ghə n jìi zey i kpiilənə, ghaa kwu keeli soʼo ghə n wɔ a dzuŋu ghə. Ghaa khə ni ghəŋŋə sey n təŋkey ghaa khənu nə̀ ghaa khə soʼonu Mûkəbii ə ghaa tə loʼ idəŋ.

1 Tesalonika 4:6

Sey î kə̂ wù loʼ nə ghəŋə ghə i bəbə zə tə waazə n ghəə i zən nkee ni tsi ney wey wi. Ghey n ghəə ghən tə̀ ghaa dza, tɔ̀ʼ tiilə tsu tuŋŋə u ghaa nə̀ Zə̀ kə i saʼa bəəbənu ghə̂ ghən ghə ghəŋə ndzoʼo ghəə ghən.

2 Tesalonika 1:6

Isəŋə loʼ nə̀ Zə̀ kə i ghəŋə ghə zey i loʼnə tsətsəghə. Tə i ney bə ngoʼ tə ghə̂ ghey ghə ghəŋənə nə̀ ghaa i fəʼlə.

Filemun 1:18

Abə a loʼ nə tə mâ kpaʼi ghəŋə bəəbə wɔ n ghə i loʼ zə, nkee tə kpaʼi khənə wɔ n ndaŋ kə, tɔ̀ɔ naŋa tsu n zəd zuŋ.

Hibru 2:2

N dza sey n təŋkey, tûm Kəzə̀ zən tsətəndəghə tə Kəzə̀ tə a fuunə tə̀ ghə bày bày a saa ghə, loʼ isəŋə. Ghə̂ ghən adzəm ghə dzûmə way tûm tii nkee ghə naŋŋə way laŋ kə tii kə, ghə mâ keeli ngoʼ zən zə a kpiinə tə̀ ghə.

1 Pita 1:17

Ghaa tɔŋŋə Kəzə̀ nə̀ a loʼ Bày ghey abə ghaa gɔŋŋə tə̀ wi wən tə saʼanə ghə̂ ghə nə̀ tə laalə way tûm usə u wù wə. Tə saʼa kə kay wù n ghəə ghey tə ghəŋənə. Sey, ghaa khə ni muu tən kə ni ngɔɔmə Zə̀ kə n nəŋə zən ghaa nam khənə nghee ghaa tyi nyi doʼonə fa.

Màʼlə kə Jud tə̀ ghə̂ a Kəzə̀ ghə 1:16

Ghə̂ ghən khə kə ni nyuŋŋə ghɔɔmə nsə ni kəŋə chɔd wə n kow ghə̂ a loʼ ghə. Ghə dzûmə ndow kə ghəə a ghə a bəbə ghey fə̀ŋ tə ghə tə ləghənə. Ghə ghaŋŋə kaabə tsə iwû, nəəbə soʼo aghə̂ nə idzuu ni keeli fə key ghə ləghənə.