Kolose 3:24 - Kaa n Kəzə̀ n fəghə mə

²⁴ Abə ghaa fwaʼanə sey, keeli tsu na nə̀ ghaa i keelinu naamə key Mûkəbii â təb naŋanə tə̀ ghə̂ a wi ghə, n təŋkey à loʼ Klisto tə baa loʼnə Mûkəbii ə ghaa.

Kolose 3:24 Mawu Ofanana

Matyo 10:41

Wù wey tə ney naŋanə wù tûm Kəzə̀ n təŋkey tə loʼ wù tûm Kəzə̀, î keeli naamə key kə nuu bənə n wɔ wù tûm Kəzə̀. Wù wey tə ney naŋanə wù dzuŋu boʼnə tə loʼ wù dzuŋu, î keeli soʼo naamə key kə nuu bənə n wɔ ghə̂ a dzuŋu ghə.

Matyo 5:12

Ghaa khə ni duʼlə, saŋŋə, boʼnə naamə kə ghaa kə downu idəŋ. À wey loʼ nghee ghə â chɔdlɔ soʼonə tûm tə Kəzə̀ tə sə isə tə.”

Matyo 5:46

Abə ghaa ləghə kə ghə̂ ghey ghə ləghənə ghaa, ghaa i keeli dzə way naamə kə loʼ kə, n təŋkey, ghə̂ a kwɔɔ a màʼlə kə tsow kə ngəŋŋə ghəŋŋə soʼo sey.

Matyo 6:16

Yeso n dza tə̀ ghə nə̀, “Abə ghaa bamnə dzuu zə, kə ghaa nə njuʼu naŋŋənə koʼ tə tə̀ ghə nəb ityim a ghəŋŋənə, n təŋkey, ghə njuʼu naŋŋə tsuu təkoʼ tə̀ ghə̂ ghə koʼo bə nə̀ ghə bam idzuu. N dza bə isəŋə tə̀ ghaa nə̀ ghə n keeli tən naamə kə ghə kə.

Matyo 6:5

Yeso n nam dza ndow tə̀ ghə nə̀, “Abə ghaa dza i gɔŋŋə, kə̂ ghaa nə̂ ghəŋŋənə tə̀ a loʼ nghee ghə nəb ityim a ghəŋŋənə, n təŋkey, ghə ləghə ni təmi gɔŋŋə n ndaw tə udzəŋi tə ghə̂ a Təjuu nsə n faabə tə jìi sey nə̀, aghə̂ adzəm i koʼo bə ghə. N kuum dza bə tə̀ ghaa nə̀, ghə n sey keeli tən naamə kə ghə kə.

Lukas 14:14

kùmnə ghə i way ni tsə dzəŋŋə wɔ, sey, wə nə keeli ibuulə, abə ghə̂ ghey ghə loʼ tsətsəghə nə zhəm dzəŋŋə bənə nə ivə.”

Lukas 6:35

Sey, i ləghə na ghə̂ a təngəmə a ghaa ghə, ghəŋə ndzuŋ tə̀ ghə̂ ghə, fuulə fuu shiə fə u ghaa, moʼlə way nə ghə i teeli fu dzəŋŋə. Abə ghaa ghəŋənə sey, ghaa i keeli naamə kə nii kə, ghaa i loʼ luʼu wey waa a Kəzə̀ a səŋi a loʼnə tii, n təŋkey, tə ghəŋə ndzûŋ tə̀ ghə̂ à məə ghə nsə ghə̂ a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 12:26

Wù wey tə ləghənə ni doʼo wù kəfwaʼ wuŋ, khə ni dzûmə mə, nə luʼu key n loʼnə tii, wù kəfwaʼ wuŋ i loʼ sòʼo fu. Abə wù fwaʼanə tə̀ mə, Bày wuŋ n ngɔɔmə wù tii.”

Kəfwaʼ 20:32

Nya, n fuu naŋŋə ndow ghaa n wɔɔ K-a-zə̀ nsə tə tûm zən bòʼ ndzuŋ ə Kəzə̀. À loʼ wi tə i loʼ ni bɔɔ teyyə bə ghaa, tə ghəŋŋə soʼo nə̀ ghaa zə̂ fə wey u loʼ n wɔ ghə̂ a wi ghey adzəm tə sày naŋanə.

Roma 1:1

À màʼlə kən tɔ̀ɔ bə mə Pɔl wù kəfwaʼ ə Yeso Klisto. Zə̀ kə mâ mə sày tə a loʼ ngəd ə Yeso, naŋa mə nə̀ mə i naʼlə tûm wi i dzuŋu zə.

Roma 14:18

Abə wə fwaʼanə tə Klisto n jii zən, Zə̀ kə n duʼlə, ghə̂ ghə n kali soʼo nə̀ wə loʼ wù dzuŋu.

1 Kɔrint 11:23

N dza i dza bə tə̀ ghaa nə̀, ghəə ghən n dza bənə tə̀ ghaa, à loʼ ghəə ghey Mûkəbii â dza bənə tə̀ mə n wû u wi wə. I loʼ nə̀, n tsuʼ fey ghə â fìi fuunə Mûkəbii Yeso tii, n tsuʼu tə tii tə, Yeso n ney kɔʼ boʼo fə baa,

1 Kɔrint 3:8

Wù wey tə zəghənə ndzoʼ tə loʼ ighələ ghi wù wey tə vəələnə. Sey Zə̀ kə i tsəə kə kay wù n fwaʼ key tə fwaʼanə.

1 Kɔrint 7:22

I loʼ sey n təŋkey, wù wey tə â bəghəmnə tə̀ Mûkəbii wi nə̀ tə loʼ kəkɔd, nya loʼ wù ngəŋ tə̀ Mûkəbii. Wù wey tə â kee bəghəmnə tə̀ Zə̀ kə nə̀ tə loʼ n ngəŋ, nya kee loʼ kəkɔd tə̀ Klisto.

Galeshia 1:10

Ghaa moʼlə nə̀ n kəŋə kɔʼlə n wù sɔŋtsuʼ mɔ kɔʼlə n Kəzə̀ ə? Nkee ghaa moʼlə nə̀ n fwaʼa nə ghə̂ ghə i kali bə mə ə? Abə à mə loʼ nə n nam fwaʼa nə ghə̂ ghə i kali bə mə, i sey dii nə̀ n way dzə wù Kəfwaʼ a Klisto.

Efesus 6:6

Kə ghaa nə̂ fwaʼa kənə n nəŋə zey wù tii laalə bənə ghaa. Ghaa i fədlə fwaʼa ndow tə̀ a loʼ ghə̂ a kəfwaʼ a Klisto, ghəŋŋə ndow ghəə zey Zə̀ kə ləghənə n fə̀ŋ tə dzuŋu tə.

Efesus 6:8

Keeli tsu na nə̀ Mûkəbii i fuu kənaamə tə̀ kay wù n fwaʼ kə dzuŋu key tə fwaʼanə, nə̂ wə loʼ wù kəfwaʼ nkee wə way wù kəfwaʼ.

Kolose 2:18

I kə ghaa nə bəghəmnə nə̀ wù wən tə ghaŋŋə wû wə n muu i Kəzə̀ i ghə, ngɔɔmə soʼo tsətəndəghə tə Kəzə̀ nə̂ nəbə sə̂ a ghə̂ ghə nə ghə ngɔɔmə Kəzə̀. Ghə ghaŋŋə uwû nə̀ Zə̀ kə dii ghə n ghəə ghə nə̀ ujim boʼ moʼlə tə ghə tə bəbə tə.

Hibru 10:35

Sey, kə ghaa nə kəm ney nuulənə fə̀ŋ zey ghaa gaʼnə n kow Mûkəbii, n təŋkey, abə ghaa ndow kə n sə kə ni bəghəm tə̀ Zə̀ kə, zə i ney bənu ghaa n naamə kə səŋi kə.

Hibru 11:6

Sey, wù loʼ way dzə ni ghəŋə nə̀ Zə̀ kə i duʼlə ghi wi abə tə khə way bəghəm i fə̀ŋ zə, n təŋkey, wù wey tə bəghənə n səə Kəzə̀, tə khə ni teeli khə bəghəm i fə̀ŋ zə nə̀ Zə̀ kə loʼnu nsə nə̀ tə naamənu ghə̂ ghən ghə kəŋənə wi.

Hibru 9:15

À wən loʼ ghəə zən i ghəŋənə nə̀ Klisto doʼo wù wey tə bayyənə kaa n fəghə mən sey nə̀, ghə̂ ghey Zə̀ kə â tɔŋɔnə ghə, i loʼ ni keeli ibuulə nəŋə tədzəm tə Zə̀ kə â təb naŋanə. Ghəə ghən i neynu bənə kə n təŋkey, Klisto mâ kpu ni kuum nuu shi bə tow u ghə n ghəə ghey ghə â ghəŋŋə tsənə nə̀ a kpiilə way n nəŋə zey kaa n sə isə mey â nam khə tsənə daʼa kə n kow ghə.

1 Pita 1:4

Tə n ghəŋə nə̀ saa i ləmmə tənə nə̀ saa i keelinu fə wey tə â bayyə naŋanə tə̀ ghə̂ a wi ghə. Tə bayyə naŋa fə u tii wə tə̀ ghaa idəŋ n luʼu key fə u tii u way ni fway, way ni bəb, way soʼo ni fəd koʼ.

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

Màʼlə kə Jud tə̀ ghə̂ a Kəzə̀ ghə 1:1

À màʼlə kən tɔ̀ɔ bə mə Jud wən n loʼ waazə Jems nsə wù kəfwaʼ a Yeso Klisto. N màʼlə kən tɔ̀ɔ bə tə̀ ghə̂ ghən adzəm, Zə̀ kən kə loʼnə Bày saa ləghənə, sày naŋa nə̀ ghə doʼo n tənə Yeso Klisto.