Kolose 3:16 - Kaa n Kəzə̀ n fəghə mə

¹⁶ Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

Kolose 3:16 Mawu Ofanana

Matyo 26:30

Ambə ghə zə̂ may kɔʼnə, ghə n zhim tsu ndzaŋ, daŋŋə nuu kɔʼ ndòw n kaʼ u Oliv.

Lukas 2:51

Sey tə n nuu dzəŋŋə ndòw ghi ghə n Nazaled, zow tə ghə. Zə̂ n kee ney naŋŋə kə ghəə a tii ghə adzəm n fə̀ŋ ə wi.

Tùm i dzuŋu zə kuum Yeso Klisto tə Jɔn â tɔɔnə 15:7

Abə saa loʼnə nə kəfə kəmɔʼ ghi mə, ghaa a khə soʼonə ghɔɔmə zuŋ zə n fə̀ŋ tə ghaa, ghaa loʼ ni nɔɔ fə key ghaa ləghənə ni keeli, Zə̀ kə i fu tə ghaa.

Roma 10:17

Sey, wù bəghəm kə tûm nə̀ tə n zow tûm tii. À loʼ abə ghə naʼlənə tûm i dzuŋu zə bòʼ Klisto wù zow soʼonə tûm i tii zə.

Roma 15:14

Waazə ghə, n ndzəm khənu nə̀ ghaa khənu fə̀ŋ i dzuŋu zə ni ghəŋŋə ghəə ghey Zə̀ kə ləghənə, ghaa u loʼ soʼo nə̀ Zə̀ kə n fuu ghaa n tɔb wə naʼ idzəm. Ghaa n ndzəm kɔʼ kpii ni dii tiilə wû i ghaa zə.

1 Kɔrint 14:15

Ghəə zey i kpiinə tə̀ mə ni ghəŋə à loʼ nə n khə ni gɔŋŋə n fə̀ŋ, gɔŋŋə soʼo n jìi zey n loʼnə ni zowkeeli. Nə n zhim aghəə, n khə ni zhim n fə̀ŋ zuŋ, zhim soʼo n jìi zey n loʼ ni zowkeeli.

1 Kɔrint 14:26

Waazə ghə, na n dza bə ghəə ghey a kpiinə tə̀ ghaa ni ghəŋə abə ghaa təmdzəŋi bənə ni ngɔɔmə Kəzə̀. Abə ghaa təmdzəŋi bənə ni ngɔɔmə Kəzə̀, wù loʼ loʼ ni khə ni zhim ghəə ghə, wù loʼ i loʼ ni tsə̀ə ghə̂ ghə, wù loʼ i loʼ ni chi dii bə aghəə tə̀ Zə̀ kə fuu bənə tə̀ wi, wù loʼ i loʼ ni ghɔɔmə n ghɔɔmə zə inaʼ i nuu zə, wù loʼ i kee loʼ ni tiilə dza bə ghəə ghən wù wən dzanə n ghɔɔmə tə naʼa tə nuu tə. Ghə̂ ghən adzəm khə ni ghəŋŋə ghəə ghən adzəm n jìi zey zə i bəghə kɔʼɔ bənə dzəŋi kə dzûmə tə Klisto kə.

Efesus 1:17

N gɔŋŋə nə̀ Zə̀ kə, tə khənə ghaʼ zə idzəm, tɔŋŋə bày Mûkəbii saa Yeso Klisto fuu ghaa n zay kən kə fuu tɔb wə nsə zay kən kə chiə diinə ghəə a Kəzə̀ ghə sey nə̀, ghaa tɔʼ keeli tsu wi.

Efesus 5:17

Sey, Kə ghaa nə̂ muulənə tə̀ a loʼ ghə̂ a laʼlə ghə, ghaa fəd khə ni zowkeeli tsu ghəə ghey Mûkəbii ləghənə nə̀ ghaa i ghəŋŋə, ghaa n ghəŋə ndow ghəə a tii ghə.

Efesus 5:19

Ghaa khə ni ghɔɔmə tiilə n wû i ghaa nə təndzaŋa, zhim ndzaŋa tən tə fuunə kɔʼləmə tə̀ Zə̀ kə, nsə ndzaŋa tey Zay kə Zow kə fuunə tə̀ ghaa. Ghaa khə ni zhim dzaŋa tən tə fuunə kɔʼlə mə tə̀ Mûkəbii n fə̀ŋ tə ghaa tə tədzəm,

Efesus 5:26

Tə â ghəŋə ghə i zən ni ghəŋə nə̀ ghə̂ a ndaw Kəzə̀ ghə i zow n sə̂ kə wi. Tə n sow maʼa tsu bəb i ghə n ghɔɔmə i Kəzə̀ tə̀ tə nə sownə nə mmuu.

Kolose 1:28

Sey, ghey naʼlə tûm i dzuŋu zə bòʼ Klisto tə ghə̂ ghə adzəm. Kii naŋŋə ndow ghə n ghəə ghən a kpiilə way, də̀ŋ ə kɔʼɔ bə ghə nə təjìi tədzəm, sey nə̀, ghey i loʼ ni ney bə ghə n sə K-a-zə̀, nə̀ ghə n beyyə dzɔb, loʼ nə kəfə kəmɔʼ ghi Klisto.

Kolose 1:9

À wey loʼ i ghi ni ney nuu bə n tsuʼ fey ghey â zow tsu zɔŋ u ghaa wə, ghey ka kam buu naŋa koʼ ni gɔŋŋə n tow u ghaa nə Zə̀ kə gaamə nə̀ ghaa i loʼ ni keeli ghəə zey tə ləghənə. Tə fuu ghaa n tɔb wə, nsə daʼa kə Zay kə Zow kə nə ghaa i loʼ ni zowkeeli dzɔb ghəə a tii ghə.

Kolose 4:6

Ghaa khə ni khə dzə̂ tə dzuŋu tə n jìi zey ghaa ghɔɔmənə tii ghi ghə̂ ghə, sey nə̀, ghaa i loʼ ni beeli aghə̂ adzəm n jìi zey i kpiilənə.

1 Tesalonika 1:8

Ghaa khənu nə̀ tûm i dzuŋu zə bòʼ Mûkəbii â kaʼ nuu tsu n wɔ ghaa, bəghəm i fə̀ŋ zey ghaa khənə tə̀ Zə̀ kə n ghəŋə nə̀ zɔŋ u ghaa u fuŋ tsəghə ndow n naʼ i Masedonya, Akaya, nsə n badla tə mbi tədzəm. Ghey kəm khə soʼo way ghəə i loʼ zə ni tiilə dza bòʼ bəghəm i fə̀ŋ i ghaa.

1 Tesalonika 4:18

Nghee tə̀ i loʼnə sey, ghaa khə ni kuu tiilə fə̀ŋ tə ghaa tə n ghɔɔmə zən.

2 Tesalonika 3:15

A kee loʼ nə̀ kə̂ ghaa nə̂ ghəŋənə ghi ghə tə̀ ghaa khə təngəmə, ghaa i fəllə kpaa ndow ghə tə a loʼ waazə a ghaa.

1 Timoti 6:17

Dza ndow tə ghə̂ ghey ghə kuumnə n mbi zən nya nə̀ kə ghə nə ghaŋŋə wû wə, kə ghə nə gaʼa soʼonə fə̀ŋ tə ghə tə n fə u mbi nə u doʼlə tsuŋŋə way, ghə fəd gaʼ ndow fə̀ŋ tə ghə n kow Zə̀ kə, tə fuunə saa n fə wə udzəm nə saa i muu muu i dzuŋu zə naʼ idzəm.

2 Timoti 3:15

Keeli tsu soʼo nə̀ wə â khə keeli tənu ghɔɔmə i Kəzə̀ zə nə̀ wə nam loʼ wiinətəghə. À loʼ ghɔɔmə i Kəzə̀ zən i fuunə wɔ n tɔb wə, ghəŋə nə̀ keeli ibəghəshi nghee wə bəghəmnə tə Yeso Klisto.

Taytus 3:6

Zə̀ kə â fuu bə saa n Zay kə Zow kə naʼ idzəm n bam i Yeso Klisto tə loʼ bəghəshi saa,

Jems 1:5

Abə wù ghaa u loʼ u khə way tɔb wə n ghəə zey Zə̀ kə ləghənə nə̀ tə ghəŋə, tə khə ni nɔɔ ndow tə Zə̀ kə, tə i fuu wi n fə key tə bəbənə, n təŋkey, Zə̀ kə buu n wɔɔ kə, tə fuu tə̀ ghə̂ ghə adzəm nə̀ tə kpaa way wù.

Jems 3:17

A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.

Jems 5:13

Abə wù loʼ loʼnə n fəŋŋə kə ghaa tə fəʼlənə, tə n gɔŋŋə ndow tə̀ Zə̀ kə. Nə̀ wù loʼ, loʼ n fəŋŋə kə ghaa fə̀ŋ ə wi duʼlənə, tə n fuu kali u Kəzə̀ nə izhim.

1 Jɔn 2:14

N tɔ̀ɔ bə tə ghaa ghən ghaa loʼnə waa ghuŋ ghə, n təŋkey, ghaa n doʼo ghə̂ ghən ghə khənə Zə̀ kə tə loʼnə Bày. N tɔ̀ɔ bə tə ghaa, ghə bày, n təŋkey ghaa khənu wi wən tə â loʼnə tə̀ Zə̀ kə ni bɔm mbi. N tɔ̀ɔ bə tə ghaa ghaŋ fə, n təŋkey, ghaa khə kədaʼa, ghɔɔmə i Kəzə̀ zə a loʼ soʼonə n kow ghaa nsə nə ghaa n təm zə wù təngəmə ghaa wən tə loʼnə Satan.

1 Jɔn 2:24

Sey, ghaa i tɔʼɔ naŋŋə tûm zən ghaa â zownə n nəŋə zey ghaa â bəghəmnə tii tə̀ Zə̀ kə. Abə ghaa naŋŋə dzɔbənə tûm tii n fə̀ŋ tə ghaa, ghaa i loʼ tən tsə kə nə kəfə kəmɔʼ ghi Waa nsə Bày.

1 Jɔn 2:27

A kee bə ghaa, Klisto n ghaa tsuʼ naŋa nghee tə fuunə ghaa n Zay kə Zow kə wi kə. Nghee Zay kə Zow kə loʼ dzənə n kôw ghaa, ghaa kəm khə dzə way ni kəŋ wù loʼ nə̀ tə dii ghaa n ghəə ghə. Tə i dii ghaa n ghəə ghey adzəm ghaa ləghənə ni keeli. Ghəə ghən tə i diinə tə ghaa loʼ isəŋə, a way dzə ghəə a badla ghə. Sey, dzûmə na ghəə ghey tə diinə tə ghaa, tə ghaa doʼo nə kəfə kəmɔʼ ghi Klisto.

2 Jɔn 1:2

N ləghə wi təŋkey, isəŋə loʼ ghi ghey, zə i doʼlə soʼo ghi ghey nə tənəŋə tədzəm.

Chi dii 14:3

Ghə̂ ghən təkam fəbɔm nsə kam tə nghəm nkaykə nsə kam tə təkaykə n zhim ndzaŋ i fəghə zə n sə kə kuu kə fɔɔ nsə n sə kə fə wey ukaykə u loʼnə utaw nsə ngəd tey. Wù n way ni zoʼlə ndzaŋ zey ghə zhimnə, à may kə ghə̂ ghən təkam fəbɔm nsə kam tə nghəm nkaykə nsə kam tə təkaykə ghə â bəghəshi ghə fa a ghəlitsə.

Chi dii 15:3

Ghə n zhim dzaŋ ə Mushi wən tə loʼnə wù kəfwaʼ a Kəzə̀ nsə ndzaŋ ə Waa Nji zey. Ghə â zhim nə̀ “Mûkəbii Zə̀ kə, wə khə udaʼa udzəm, Ghəə ghey wə ghəŋŋənə loʼ ghəə a səŋi ngii dzɔbə soʼo! Wə loʼ də̀ŋ kə tənaʼa tədzəm, Wə ghəŋŋə ghəə ghey a kpiilənə, dza soʼo isəŋə nəŋə tədzəm!

Chi dii 19:10

Mə n bwu ndow n tənə fuu i wi ni ngɔɔmə wi. Tə n fəd dza tə mə nə̀, “Ngaŋ ka ghəŋə sey! N loʼ soʼo wù kəfwaʼ tə a loʼ wɔ ghi ghə̂ ghən ghə bəghəmnə tə̀ Yeso. I ngɔɔmə Zə̀ kə! Boʼnə à loʼ Zay kə Zow kə, kə chi dii ghəə ghə tə̀ tûm tə Kəzə̀ tə kuum Yeso.”

Chi dii 5:9

Ghə n zhim ndzaŋ i fəghə zə nə̀, “Wə kɔʼ kpiinu ni ney màʼlə kə nəmi kən, nsə ni zhweyyə nuu kɔʼ mə̀ŋ tən tii, n təŋkey, ghə mâ wɔ wey, wə n ney kaŋ tə, kuum shi tsu tow wə aghə̂ tii fuu bə tə̀ Zə̀ kə. Wə â kuum nuu shi bə aghə̂ n sali ndaw tədzəm, təghɔɔmə tədzəm, təluʼu tədzəm nsə naʼa tə tədzəm.