Kolose 3:12 - Kaa n Kəzə̀ n fəghə mə

¹² Zə̀ kə n sày ghaa nə ghaa doʼo ghə̂ a wi a zow ghən tə ngii ləghənə, sey, ghaa khə teeli khə sî i kwɔɔlə zə, fə̀ŋ i dzuŋu zə, zuŋ kə umwam, ni buulə nsə ni kow fə̀ŋ.

Kolose 3:12 Mawu Ofanana

Matyo 24:22

Abə Zə̀ kə ka gboo khəə tsuʼu n tii mə, tə wù umɔ̀ʼ i ka nɔb shi. À kee loʼ nə̀, Zə̀ kə î gboo khəə tsuʼu mən bòʼ ghə̂ a wi ghən tə sày naŋanə.

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Matyo 24:31

Ghə i daŋŋə zow mbwule i fuŋunə, tə i tûm shi ndòw tsətəndəghə tə Kəzə̀ n badla tə mbi tən n təkaykə, ghə i zuŋŋə naŋa bə ghə̂ a wi ghən tə sàynə n luʼu tədzəm fa mbi.”

Malakus 13:20

À kee loʼ nə̀, Mûkəbii n tsuulə taŋ a tsuʼu n tii mə, abə a mə way sey tə wù sɔŋtsuʼ umɔʼ i way ni nɔb shi. Tə tsuulə taŋa tsuʼu n tii mə bòʼ ghə̂ ghey tə sày naŋanə nə̀ a loʼ ghə̂ a wi.

Malakus 13:22

N təŋkey ghə̂ a tsɔŋɔ ghə i bəghənu n zəd i wù wey Zə̀ kə â dza naŋa nə̀ i tûm bənu nsə tûm tə Kəzə̀ tə tsɔŋɔ tə, ghə nə dii tsəə tə tsɔŋɔ tə nsə faalə n tsɔŋɔ mə ni sìi laʼ aghə̂ nsə ni buʼ sìi laʼ daŋŋə soʼo ghə̂ ghey Zə̀ kə sày naŋanə abə ghə khənə jìi tii.

Malakus 13:27

Tə i tûm shi ndòw tsətəndəghə tə Kəzə̀, nə̀ ghə zuŋŋə kaabə bə ghə̂ wi ghey tə sày naŋanə adzəm n bow tə mbi tən təkaykə idəŋ nsə aghəd.

Lukas 1:78

Zə i doʼlə sey, n təŋkey, Zə̀ kə saa kə khə fə̀ŋ zey i ngii khə sî i kwɔɔlə zə. Zə i ghəŋə nə̀ tsə̂ wə idəŋ u taw tsu bə n kow saa.

Lukas 18:7

Abə wù tə a loʼ tə wən loʼ ni ghəŋə ighəə tə a loʼ i zey, ghaa moʼlə nə̀ Zə̀ kə i saʼ fuu way tə ghə̂ a wi ghey ghə dey zeelinə n səə wi tsuʼu ntsuʼu ə?

Roma 1:7

N màʼlə kən tɔ̀ɔ bə tə ghaa ghə̂ a Roma ghən Zə̀ kə ngii ləghənə, sày kɔʼ soʼo ghaa nə̀ ghaa doʼo ghə̂ a wi. N gɔŋŋə nə̀ Zə̀ kə tə loʼnə Bày saa ghi Mûkəbii Yeso Klisto dii ghaa n ndzuŋ ə wi tə ghəŋə soʼo nə̀ ghaa i loʼ nə ibuulə.

Roma 13:14

Ghaa khə ni fəd ney Mûkəbii Yeso Klisto tə a loʼ ndzə̂ tə tsam tə ghaa. Kə ghaa nə zəghə maʼa soʼonə wû i ghaa zə nə̀ zə i ghəŋŋə ghəə ghey gow uwû ghaa ləghənə.

Roma 9:11

Zə̀ kə mâ sày naŋa tən wù wən tə i doʼlənə tow kə n fəŋŋə kə ghə ngɔ̀ŋ ghən nə ghə ka ghə kam ji. Â loʼ nə̀ ghə ka kam ghəŋə soʼo ghə i dzuŋu i loʼ zə nkee ghə i bəbə zə. Zə̀ kə â ghəŋə sey ni dii bə nə̀ jìi zey tə sàynə ghə̂ a wi ghə tii.

1 Kɔrint 13:4

Ləghə i ghəŋŋə wù nə̀ tə i kow fə̀ŋ, tə i khə soʼo fə̀ŋ i dzuŋu zə. Ləghə i ghəŋŋə dzə way wù nə̀ tə i khə ghoʼ kə. Ləghə i ghəŋŋə dzə way wù nə̀ ghaŋŋə wû wə nkee kɔʼlə kaabə tsə uwû.

2 Kɔrint 6:6

Ghey n dii nə̀ ghey loʼ ghə̂ a kəfwaʼ a Kəzə̀ n muu i ghey i zow zə, n tɔb u ghey, n jìi zey ghey kownə fə̀ŋ tii, n mwam u ghey u dzuŋu wə. Zay kə Zow kə a loʼ n kow ghey, ghey u ləghənə ghə̂ ghə n fə̀ŋ tə ghey tə tədzəm.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Efesus 1:4

Zə̀ kə mâ khə sày saa nə̀ ghə ka mbi kam bɔm, nə̀ saa i loʼ ghə̂ a wi ghə nghee saa loʼ nə kəfə kəmɔʼ ghi Klisto, sey nə̀ saa i zow, khə way dzə u loʼ wə n sə kə wi. Bòʼ ləghə zən tə khənə n kow saa,

Efesus 4:2

Ghaa i muu tən kə nə ingɔɔmə, maʼlə tsu uwû, kwɔ keeli fə̀ŋ tə ghaa, tɔɔmə kɔʼɔ ndow wû i ghaa nə iləghə.

Efesus 4:24

Ghaa khə ni muu muu i fəghə zə, muu zey i loʼnə tə̀ a loʼ muu i Kəzə̀, sey nə̀, ghaa i ndzəm loʼ tsətsəghə, zow n muu i ghaa.

Efesus 4:32

Ghaa fəd khə ni ghəŋŋə ndzuŋ n wû i ghaa, buulə ghəŋŋə aghəə, neyzəə tûmmə iwû, ighələ tə̀ Zə̀ kə neyzəənə bəb i ghaa zə n bam i Klisto.

Filipi 1:8

Zə̀ kə loʼ ni tiillə dza nə̀ n dza isəŋə nə̀ ləghə zey n khənə n wɔ ghaa loʼ i zey i nuu bənə n wɔ Yeso Klisto n wû u wi wə.

Kolose 3:10

Kaʼ ndow na ni muu muu i fəghə zən Zə̀ kə fuunə tə ghaa, ghaa tɔʼ zoʼlə keeli kɔʼ soʼo wù wey tə loʼnə ghii wə, ghaa doʼo bə tə a loʼ wi.

1 Tesalonika 5:15

Kə ghaa i bəghəm nə̀ wù loʼ n fəŋŋə kə ghaa kûmmə dzəŋŋə ibəb nə ibəb. Ghaa fəd khə ni ghəŋŋə ghəə ghey a dzɔbənə n wû i ghaa nsə tə̀ ghə̂ ghə adzəm.

2 Timoti 1:9

Zə̀ kə â bəghəshi saa, sày soʼo saa nə saa doʼo ghə̂ a wi. Tə â ka sey ghəŋə dzə bòʼ ghə i dzuŋu i loʼ zə saa â ghəŋə nə̀ tə wi, â fəd loʼ n təŋkey, à loʼ ghəə ghey tə â khə bayyə naŋa zeynə bòʼ ndzuŋ ə wi tə saa. Tə â tsəghə n kow Yeso Klisto ni fuu saa n ndzuŋ zən nə̀ mbi ka kam kaʼ.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

Taytus 1:1

À màʼlə kən tɔ̀ɔ bə mə Pɔl. N loʼ wù kəfwaʼ ə Kəzə̀, lòʼ soʼo ngəd ə Yeso Klisto. Zə̀ kə â say kɔʼ mə, tûm bə nə̀ n bə gaamə ni ghəŋə nə̀ bəghəm i fə̀ŋ i ghə̂ ghən Zə̀ kə sày naŋa nə̀ ghə doʼo ghə̂ a wi, zə i nyîmmə, n ghəŋə soʼo nə̀ ghə keeli isəŋə zey i loʼ ni gaamə ghə nə̀ ghə i muu n jìi zey Zə̀ kə ləghənə.

1 Pita 1:2

Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.

2 Pita 1:10

Sey waazə ghuŋ ghə, ghaa ngii dəm tsu ni dii tsu nə̀ Zə̀ kə sày shi bənu ghaa nə̀ ghaa bə doʼo ghə̂ a wi. Abə ghaa ghəŋŋə dzənə sey, ghaa nə bwu koʼ way n bəghəm i fə̀ŋ i ghaa.

1 Jɔn 4:19

Saa khə iləghə n wû i saa nsə tə Zə̀ kə, n təŋkey, Zə̀ kə a khə ləghə zey bə saa isə.

2 Jɔn 1:13

Waa a waazu ghən Zə̀ kə sàynə, tûm bə ghaa n tɔŋɔ zow zə.

Chi dii 17:14

Ghə i zuu ballə Waa Nji zey. Waa njì zey i kee təm zə̂ kɔʼ ghə n təŋkey tə loʼ Mûkəbii tə̀ ghə mûkəbii adzəm, loʼ Kədəŋ tə̀ də̀ŋ wə udzəm. Ghə̂ ghey ghə i təmə dzəŋinə wi ni təm zə̂ wi, à i loʼ ghə̂ ghey tə â tɔŋɔnə, ghə̂ ghey tə â sàynə nsə ghə̂ ghey ghə dzûmənə wi n fə̀ŋ tə ghə tə tədzəm.”