Kolose 3:11 - Kaa n Kəzə̀ n fəghə mə

¹¹ N muu i fəghə zən, kweyyə kə loʼ kə kəm way dzə a dza wə loʼ wù Juu nkee wə way wù Juu, nə ghə səghə tyi kə nkee ghə ka səghə ə, wə loʼ kəkɔd nkee wə way kəkɔd ə. Nə wə loʼ wù kətûm, nə wə loʼ wù mbvən, kweyyə kə loʼ kə way dzə. Isəŋə loʼ kə nə̀ Klisto loʼ kətow nə aghəə adzəm nə təjìi tədzəm.

Kolose 3:11 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 14:23

Yeso n beeli ndow wi nə̀, “Abə wù ləghənə mə, tə khə ni naŋŋə ghɔɔmə zuŋ zə, Bày wuŋ i ləghə soʼo wi, mə ghi Bày wuŋ i bə muu dzəŋi bə ghi wi.

Tùm i dzuŋu zə kuum Yeso Klisto tə Jɔn â tɔɔnə 15:5

N loʼ fəkaʼ, ghaa a loʼ kpìi tə tii tə. Wù wey tə loʼ ghi mə nə kəfə kəmɔʼ, mə n loʼ soʼo nə kəfə kəmɔʼ ghi wi, a loʼ wi tə loʼ ni ngii mə̂ utam. I loʼ sey n təŋkey, abə a bow tə mə, ghaa way ni ghəŋə ghə i loʼ zə.

Tùm i dzuŋu zə kuum Yeso Klisto tə Jɔn â tɔɔnə 17:23

Mə n gɔŋŋə nə̀ mə i loʼ nə kəfə kəmɔʼ ghi ghə nghee tə̀ wə loʼnə nə kəfə kəmɔʼ ghi mə, nə̀ ghə i tɔʼ tey tə a loʼ wù umɔʼ, tə ghə̂ a mbi ghə i keeli nə̀ a loʼ wɔ wə tûmnə mə, nsə nə̀ wə ləghə ghə ighələ tə̀ wə ləghənə mə.

Kəfwaʼ 15:17

Seynə ghə̂ a naʼa tə nuu tə loʼ ni kəŋ bə mə, tɔŋŋə ghə̂ ghən adzəm ghə way ghə̂ a Təjuu ghə, n sày shi bənə nə ghə doʼo ghə̂ ghuŋ.

Kəfwaʼ 28:2

Ghə̂ ghə inaʼ a tii ghə n ngii dii ghey n ləghə zə, kpiney kɔʼ soʼo ghey. Ambə ghow i kaʼ tsunə ni tsu, ghə̂ inaʼ ghey n faalə kɔʼ uvələ nə ghey zɔy n təŋkey fəb wə â ngii loʼnu.

Kəfwaʼ 28:4

Ambə ghə̂ a naʼ zən koʼ nghee zuu zey zənnə n kpii kə Pɔl, ghə n dza n wû i ghə nə̀, “Wù wən teeli loʼ wù wey tə weyyənə ghə̂ ghə. Nghee tə buʼ nɔb shi kɔʼ bə kənə n nali kə dzuu, zə̀ kən kə saʼanə ghə̂ ghə n jìi zey i loʼnə tsətsəghə, i bəghəm way nə̀ wù wən muu fa n mbi.”

Roma 1:14

I loʼ nə̀, n teeli khə ni naʼa tûm i dzuŋu zə tə ghə̂ ghə adzəm, ghə̂ ghə nkala nsə ghə̂ ghə inaʼ ghə, ghə̂ ghey ghə nyinə màʼlə kə nsə ghə̂ ghey ghə khə way màʼlə kə.

Roma 10:12

I loʼ sey n təŋkey, Zə̀ kə bəghəshiə aghə̂ adzəm. Zə̀ kə ney way n taŋ nə̀ wə loʼ wù Juu nkee wù wən tə way wù Juu. À loʼ Mûkəbii u mɔʼɔ wə tə loʼnə Mûkəbii tə ghə̂ ghə adzəm, tə buu soʼo n wɔɔ kə ni fuu tə ghə̂ ghey adzəm ghə nɔɔ ndownə tə wi.

Roma 3:22

Zə̀ kə ney naŋŋə ghə̂ ghey adzəm ghə bəghəmnə tə̀ Yeso Klisto nə̀ ghə loʼ tsətsəghə. Tə ghəŋŋə sey tə ghə̂ ghey adzəm ghə bəghəmnə tə Klisto, tə ney way n taŋ nə̀ wə loʼ wù Juu nkee wə way wù Juu.

Roma 3:29

Ghaa moʼo nə̀ Zə̀ kə kad loʼ kə Zə̀ kə ghə̂ a Təjuu, kee way Zə̀ kə ghə̂ ghey ghə way ghə̂ a Təjuu ghə ə? Ngaŋ! Zə̀ kə kad way kə tə̀ ghə̂ a Təjuu ghə, kə loʼ soʼo Zə̀ kə ghə̂ ghey ghə way ghə̂ a Təjuu ghə.

1 Kɔrint 12:13

N jìi i mɔʼɔ zə, saa adzəm, abə wə loʼ kə wù Juu nkee wù wən tə way wù Juu, wə loʼ kəkɔd nkee wù ngəŋ, a loʼ kə Zay kə Zow kə mɔʼɔ kə, kə fuunə ghaa n mmuu n Kəzə̀ mə ni ghəŋə nə̀ saa doʼo nə kəfə kəmɔʼ. Ghəə zey i loʼnə, loʼ nə̀ saa dzəŋi khə kə Zay kə Zow kə kəmɔʼ.

1 Kɔrint 14:11

Sey, abə n zowkeeli way ghəə ghey wù ghɔɔmənə, i dii nə̀ n loʼ wù kətûm tə̀ wù wey tə ghɔɔmənə, tə u loʼ soʼo wù kətûm tə̀ mə.

1 Kɔrint 7:19

I loʼ sey n təŋkey, abə wə səghənə tyi kə kə̀ mɔ wə ka səghə, Zə̀ kə ney way n taŋ. Ghəə zey Zə̀ kə baa neynə n taŋ loʼ nə̀ wə i naŋŋə laŋ u wi wə.

Galeshia 2:20

N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Efesus 1:23

Ndaw Kəzə̀ loʼ wû u Klisto, i ghəŋŋə nə̀ tə i loʼ may n wû u wi ighələ tə̀ tə kwɔɔ keelinə fə wə udzəm fa n mbi nə zə i loʼ may idzəm.

Efesus 2:14

Klisto loʼ wù wən tə ney bə buulə zə n fəŋŋə kə saa. À loʼ wi tə təm naŋa dzəŋi bə ghə̂ a Təjuu ghə ghi ghə̂ ghən ghə way ghə̂ a Təjuu ghə nə kəfə kəmɔʼ. À saʼ maʼa wi fə key kə â ghəŋŋə nə̀ ghə dzawwə doʼo nsə nə̀ ghə i khə ngəmə tə n wû i ghə.

Efesus 2:15

Tə a buu naŋa ndow laŋ u ghə̂ a Təjuu nghee tə â kpunə n zat kə fəkaʼ. Sey tə ney kɔʼ naʼa tən təbəghə, təm naŋa dzəŋi bə ghə nə̀ ghə doʼo bə kəfə kəmɔʼ ghi wi. À wən loʼ nghee tə â bayyə naŋa bənə ghə nə kəfə kəmɔʼ nə̀ ghə i loʼ nə ibuulə.

Efesus 3:17

N gɔŋŋə soʼo nə̀ Klisto î muu n fə̀ŋ tə ghaa bòʼ bəghəm i fə̀ŋ zey ghaa khənə. Mə n gɔŋŋə soʼonə nə̀ ghaa səd doʼo dzɔb tsu n ləghə zey ghaa khənə n kow Zə̀ kə nsə n wû i ghaa.

Efesus 3:6

Ghəə zey Zə̀ kə â nyi naŋanə loʼ nə̀, n bam i tûm i dzuŋu zə, ghə̂ ghən ghə way ghə̂ a Təjuu ghə, nya loʼ nə kəfə kəmɔʼ ghi ghə̂ a Təjuu ghə. Ghə nya loʼ tə̀ a loʼ wù umɔʼ. Sey, ghə i dzəŋi keelinu fə̂ key Zə̀ kə təb naŋanə tə̀ ghə̂ a wi ghə n bam i Yeso Klisto.

Efesus 6:8

Keeli tsu na nə̀ Mûkəbii i fuu kənaamə tə̀ kay wù n fwaʼ kə dzuŋu key tə fwaʼanə, nə̂ wə loʼ wù kəfwaʼ nkee wə way wù kəfwaʼ.

Kolose 2:10

Zə̀ kə n fuu ghaa n muu i tii zə idzəm nghee ghaa loʼnə ghi Klisto nə kəfə kəmɔʼ. À loʼ Klisto tə khənə daʼa kə tsəghəshi zày wən udzəm u saʼanə mbi.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

2 Jɔn 1:9

Wù wən tə ndow kə n sə kə, nə tə bɔɔmə bwey ndow way tə Klisto diinə, wù tii way dzə nə kəfə kəmɔʼ ghi Zə̀ kə. Wù wey tə dzûmənə dii i Klisto zə, tə loʼ nə kəfə kəmɔʼ ghi Bày nsə Waa.