Kolose 3:1 - Kaa n Kəzə̀ n fəghə mə

¹ Nya wən Zə̀ kə zhəm dzəŋŋə bə dzənə ghaa nə ivə ghi Klisto, gaʼ na fə̀ŋ tə ghaa tə n fə̂ wən u loʼ idəŋ, n luʼu key Klisto doʼnə tii n kpii u Kəzə̀ u təmə wə.

Kolose 3:1 Mawu Ofanana

Matyo 22:44

‘Mûkəbii â dza tə̀ Mûkəbii wuŋ nə̀, Doʼo tsu n kpii kuŋ kə təmə kə, Tə̀ n ghəŋə nə̀ ghə̂ a təngəmə ghə a təm bə tənguʼ n tənə wɔ.’

Matyo 26:64

Yeso n beeli ndòw wi nə̀, “I loʼ tə̀ wə dzanə. N kee dza bə tə̀ ghaa nə̀, ni nuu tsu nya ndòw isə, ghaa î koʼo Waa Weynum tə doʼnə n kpii u təmə u Kəzə̀ wə, Zə̀ kən kə khənə daʼa wə udzəm. Ghaa i koʼ soʼo tə shiə tsu bənə n bikighow nə təmbaʼ.”

Matyo 6:20

Fət nyì naŋa ndow na fə̂ u ghaa u səŋi wə idəŋ, n luʼu key tədzî nsə səsoʼo tə way ni kwu, ghə̂ a tsɔŋɔ a way ni ndow tsɔŋ soʼo.

Matyo 6:33

Fəd ndəmi ndow na wû zə n ghəə a fɔɔ u Kəzə̀ nsə ni loʼ tsətsəghə n sə K-a-zə̀, ghaa i keeli may fə̂ u tii wə udzə̀m.

Malakus 12:36

Lòʼ sey nə̀ Devid â dza n daʼa kə Zay kə Zow kə bòʼ Klisto nə̀, ‘Yawe â dza tə̀ Mûkəbii wuŋ nə̀ Doʼo tsu n kpii wuŋ u təmə wə Ni ndòw kuum n nəŋŋə zey mə i ney naŋŋə bənə ghə̂ a təngəmə ghə ghə̀ n tənə ifuu zə.’

Malakus 14:62

Yeso n dza tə̀ wi nə̀, “Ow, à loʼ mə. Ghaa î koʼo Waa Wù sɔŋtsuʼ tə doʼnə n kpii u Bày Zaamə Mbi u təmə wə, nghee tə bəghənə nə təmbaʼ.”

Malakus 16:19

Ambə Mûkəbii Yeso ghɔɔmə may tsunə ghəə ghən tə̀ ghə, Zə̀ kə n ney nuu kɔʼ ndòw wi idəŋ, tə n ndòw doʼo tsu n kpii u Kəzə̀ u təmə kə.

Lukas 12:33

Fii na fə u ghaa wə, ghaa i fuu ndòw khəə u tii wə tə̀ ghə̂ a laa ghə. Kəŋ tsu na mbəghə wə ukhəə wən u dənə way, ghaa nyi naŋa ndòw fə u ghaa idəŋ, n təŋkey tsɔŋ u way fu tə̀ ghə loʼ ni tsɔŋ nkee sə̂soʼo tə̀ loʼ ni bəəbə maʼa.

Lukas 20:42

Loʼ sey nə̀ Devid dza n maʼlə kə Salm nə̀, ‘Zə̀ kə â dza tə Mûkəbii wùŋ nə; Doʼo tsu fa n kpi wùŋ u təmə wə

Lukas 22:69

“Ni nuu tsu nya, ndòw isə̂, Waa wù sɔŋtsuʼ î doʼlə n kpii u Kəzə̀ u təmə wə tə loʼnə zaamə mbi.”

Kəfwaʼ 2:34

Fɔ̀ɔ Devid a ka kɔʼ dzə idəŋ tə a loʼ Yeso, wû u wi, tə mâ kee dza nə̀, ‘Mûkəbii â dza tə Mûkəbii wuŋ nə̀, Doʼo bə fa n kpi wuŋ u təmə wə,

Kəfwaʼ 7:55

Zay kə Zow kə n fəd nyi bə n kow Sətifən naʼ idzəm, tə n laalə kɔʼ ndow idəŋ. Ambə tə laalə kɔʼ ndownə idəŋ, tə n koʼ ndow ghaʼ i Kəzə̀ idəŋ nsə Yeso tə teynə fu n kpi u Kəzə̀ u təmmə wə.

Roma 8:34

À loʼ ndee tə loʼ ni dza nə̀ saa n bwu saʼ a? Wù umɔʼ tsəm way n təŋkey, Yeso Klisto wən tə â kpunə, Zə̀ kə zhəm dzəŋŋə bə wi nə ivə, tə u loʼnə nya n kpii u Kəzə̀ u təmə wə, teynu tə gɔŋŋə n tow u saa.

Roma 8:6

Wù wey tə naŋa tsunə fə̀ŋ ə wi ghəə ghən gow uwû wi ləghənə, tə i kpuunu. A kee bə wù wey tə naŋa tsunə fə̀ŋ ə wi n ghəə ghey Zay kə Zow kə ləghənə, tə n keeli imuu, tə n loʼ soʼo nə ibuulə.

2 Kɔrint 4:18

I loʼ sey n təŋkey, ghey naŋŋə dzə way sə̂ zə n fə̂ wən a koʼonə, ghey fədlə naŋŋə ndòw isə̂ n fə̂ wey a koʼo way, bòʼ nə̀, fə̂ wən a koʼonə, u doʼlə tsuŋŋə way, fə̂ wey a koʼo way kee doʼlə tənənu.

Efesus 4:10

Sey, a loʼ Klisto wən tə â tsu bənə fa n mbi tə kɔʼ soʼonə idəŋ idəŋ, sey nə̀ tə i loʼ n badla tə mbi tədzəm.

Efesus 5:22

Ghaa gheyzən ghən ghaa khənə num ghə, ghaa khə ni zow tə̀ num a ghaa ghə, ighələ tə̀ ghaa zownə tə̀ Mûkəbii.

Kolose 2:20

Ghaa mâ mgbaŋ kpu ghi Klisto, tə n bəghəshi nuu bə ghaa n wɔ zày wən u saʼanə mbi. À sə loʼ kee ghaa kəm dzûmə nə laŋ u mbi wə? Kə ghaa nə kəm dzûmə nə ndzoʼo laŋ wən u dzanə nə̀,

Kolose 3:2

Ghaa khə ni moʼlə tənə kə ghəə ghən a loʼ idəŋ, a way dzə ghəə ghən a loʼnə fa mbi,

Hibru 1:13

Zə̀ kə ka kam dza koʼ tsə tə̀ tsəndəghə u loʼ wə nə̀, “Doʼo bə fa n kpi wuŋ u təmə wə, Ni ndow kuum n nəŋə zey mə i ney naŋŋə bənə ghə̂ a təngəmə ghə ghə̀ n tənə wɔ, Tə a loʼ fə kə kə̀ gaʼa kə aghow kə.”

Hibru 1:3

À loʼ wi tə dii bənə nghee tə kɔʼlə mən Zə̀ kə khənə nyiəllənə tii. Tə bɔɔmə fiilə kə Kəzə̀ nghee tə kwu keelinə mbi n daʼa kə ghɔɔmə i wi. Ambə tə sow maʼa tsunə ghəə ghə aghə̂ a bəbə ghə, tə n nuu kɔʼ ndow idəŋ, ndow doʼo tsu n kpii u Kəzə̀ u təmə wə, tə khənə daʼa kə tsəghəshi ufə udzəm.

Hibru 10:12

A kee bə fɔɔngili u nii nii wən tɔŋŋə Klisto, â fuu wû u wi tə̀ a loʼ umaʼlə nəŋə imɔʼ ni sòw maʼa tən ghəə a bəbə ghə. Sey Zə̀ kə n kɔʼlə naŋa kɔʼ wi n kpii u wi u təmə wə.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Hibru 8:1

Sey, ghəə zey i baa loʼnə n ghəə ghən a dzanə i loʼ nə̀, saa khə ndzoʼo fɔɔngili u nii nii wən tə loʼnə n kpi u Kəzə̀ u təmə wə idəŋ nə̀ udaʼa udzəm u loʼ n wɔɔ kə wi.

1 Pita 3:22

Klisto n kɔʼ idəŋ, tə u doʼnə n kpi u Kəzə̀ u təmə wə, saʼa tsətəndəghə tə Kəzə̀ nsə daʼa wey udzəm u loʼnə idəŋ.