Kolose 2:8 - Kaa n Kəzə̀ n fəghə mə

⁸ Ney na ghə̂mə zə kə wù loʼ nə ndow bəghənə n tɔb u wù sɔŋtsuʼ wə, ni ghəŋə nə̀ ghaa doʼo ukɔd tə wi. Ndzoʼo tɔb wən nuu bə n wɔ wù sɔŋtsuʼ nsə zày wən u saʼanə mbi zən, u ka nuu bə dzə n wɔ Klisto.

Kolose 2:8 Mawu Ofanana

Matyo 10:17

Ghə̂mə na, n təŋkey, ghə̂ à loʼnu ghə î ney ndòwnə ghaa n ndaw tə təsaʼ, ghə i bwɔd ghaa n ndaw tə udzəŋi tə ghə̂ a Təjuu.

Matyo 16:6

Yeso n dza ndòw tə̀ ghə nə̀, “Təmi kɔʼ na nə ifuu, ghaa ney ighə̂mə n mbvùŋ ə ghə̂ a tə Falasi nsə ghə̂ a tə Sadusi ghə.”

Matyo 7:15

Yeso n dza tə̀ ghə nə̀, “Ney na ghə̂mə zə n tûm tə Kəzə̀ tə tsɔŋɔ tə. Ghə buulə bəghə n səə ghaa tə̀ a loʼ tənjì, loʼ sey nə̀ n fə̀ŋ tə ghə, ghə bəbə faalə tə a loʼ ubəghə.

Kəfwaʼ 17:18

Ghə̂ a dii a kəmàʼlə a loʼ ghə, ghə loʼnə n zəghə wə Epikurya nsə a Stɔyk n ndow bə fu, ghɔɔmə ballə ghi wi. A loʼ ghə bəbə nə̀, “Wù wən baa ləghə ni dza nə̀ ngee tə sə ndzaŋŋə luʼu tə fa nə ighɔɔmə ə?” A loʼ ghə n dza nə̀, “À loʼ kə tə̀ tə khəə ghəə a zə̀ u tətùm.” Ghə â ghɔɔmə sey n təŋkey, Pɔl â naʼlə tûm i dzuŋu zə kuum Yeso tə ghə nsə ghəə a zhəm dzəŋŋə ghə nə ivə.

Kəfwaʼ 17:32

Ambə ghə zow tsu Pɔl mɔm tsu buʼ kə zhəm dzəŋŋə kə nə ivə, ghə̂ a loʼ ghə n kaʼ ndow wi nə u sɔʼlə wə, a loʼ ghə n kee dza nə̀, “Ghey ləghə nə̀ wə i bə dzəŋŋə, wə faalə dza kpiʼi bə i zən tə ghey.”

Roma 16:17

Waazə ghuŋ ghə, n buʼu bə kəwɔɔ nə̀ ghaa ney ighə̂mə ghi ghə̂ ghən ghə ghəŋŋə nə̀ ghə̂ ghə i tsɔɔbə kaabə tow wə, fwɔdlɔ aghə̂ nə kə ghə nə təminə bəghəm i fə̀ŋ i ghə, dii soʼo aghə̂ n ghəə a nuu ghə nə̀ a way ghəə ghey ghə â dii ghaa tii. Kə ghaa nə təmə dzəŋinə ndzoʼo ghə̂ ghən.

1 Kɔrint 10:12

A wey loʼ ghə i tii zə, wù wey tə̀ moʼlənə nə̀ tə tɔʼ teynu n bəghəm i fə̀ŋ i wi, khə ni ney ighə̂mə, sey nə̀, kə tə nə bwunə n bəghəm i fə̀ŋ i wi.

1 Kɔrint 8:9

Kee ney na ghə̂mə zə nə̀ kə ghəə zey ghaa moʼlə nə̀ i kpiilənu tə̀ ghaa ni ghəŋə, nə ghəŋŋə nə̀ waazu wey tə loʼ nə̀ tə ka kam tɔʼ beyyə n bəghəm i fə̀ŋ i wi nə ghəŋŋənə ghəə a bəbə ghə.

2 Kɔrint 10:5

Ghey saʼa maʼlə bə ghə̂ ghey adzəm ghə maŋa buʼunə dzuu zə, sìi ndzəŋŋə soʼo aghə̂ nə̀ kə ghə nə keelinə Zə̀ kə. Ghey kwɔɔ naŋŋə bə moʼlə tə ghə̂ ghey adzəm ghə ləghə way ni zow ghɔɔmə i Kəzə̀, ghey n ghəŋə nə̀ ghə̂ a tii ghə i zow tə̀ Klisto.

Galeshia 1:14

Mə â ney kəsə̂ n ghaŋ fuŋ n ghəə a Kəzə̀ a ghə̂ Təjuu, mə n ngii khə zày n ghəə ghə inaʼ a ghə bày bày ghuŋ.

Galeshia 4:3

Nghee saa â nam loʼ tsə nə̀ saa kam khə way Klisto, saa â loʼ soʼo tə a loʼ aghinətəghə, loʼ ukɔd tə daʼa wən u saʼanə mbi.

Galeshia 4:9

Nya wən ghaa keeli dzə Zə̀ kə, nkee, n loʼ ni dza nə̀ Zə̀ kə n ghaa keeli, a kəm loʼ kee ghaa dzəŋŋə ndownə ni doʼo ukɔd tə fəghə mə nzə̀ n lay n kənunu mən n saʼa mbi ə?

Galeshia 5:15

Abə ghaa ŋaŋi kaabənə wû i ghaa zə tə a loʼ təbvə n jìi zey ghaa muu nə tii, kee ghə̂mə kə na nu kə ghaa nə weyyənə wû i ghaa zə.

Efesus 2:2

Ghaa â muu tsə nə̀ ghaa dzûmə ndow ghəə a mbi a bəbə ghə, zow laŋ u Satan, Zay kə bəbə kən kə saʼanə zay u bəbə wən u loʼnə idəŋ. À loʼ wi tə fwaʼanə n kow ghə̂ ghən ghə naŋŋə way laŋ u Kəzə̀ wə.

Efesus 4:20

À wən way dzə ghəə ghey ghaa â zoʼlənə kuum Klisto.

Efesus 5:6

Kə wù i nəb ghaa n ghɔɔmə i zum zə nə̀ Zə̀ kə i chɔd way ghə̂ ghey ghə ghəŋŋənə ndzoʼo ghəə ghən, n təŋkey, Zə̀ kə î chɔdlɔnu ghə̂ ghey ghə naŋŋə way laŋ u wi wə.

Filipi 3:2

Ney na ghə̂mə zə ghi ghə̂ ghey ghə ghəŋŋə ghəə a bəbə ghə, ghə loʼ tə̀ a loʼ təbvə, ghə dza nə̀ ghə khə ni teeli səghə tyi kə wù kə tə wù tii ni keeli ibəghəshi.

Kolose 2:18

I kə ghaa nə bəghəmnə nə̀ wù wən tə ghaŋŋə wû wə n muu i Kəzə̀ i ghə, ngɔɔmə soʼo tsətəndəghə tə Kəzə̀ nə̂ nəbə sə̂ a ghə̂ ghə nə ghə ngɔɔmə Kəzə̀. Ghə ghaŋŋə uwû nə̀ Zə̀ kə dii ghə n ghəə ghə nə̀ ujim boʼ moʼlə tə ghə tə bəbə tə.

Kolose 2:20

Ghaa mâ mgbaŋ kpu ghi Klisto, tə n bəghəshi nuu bə ghaa n wɔ zày wən u saʼanə mbi. À sə loʼ kee ghaa kəm dzûmə nə laŋ u mbi wə? Kə ghaa nə kəm dzûmə nə ndzoʼo laŋ wən u dzanə nə̀,

Kolose 2:22

Ndzoʼo laŋ wən maŋ loʼ laŋ wən wù sɔŋtsuʼ diinə. Laŋ wən maŋ loʼ fə wən u kəm khə way fwaʼ kə abə nəŋə i tsəghə dzənə.

Kolose 2:23

Laŋ wən mgbaŋa fiilə kənu laŋ u dzuŋu wə, nghee u dza nə̀ saa i khə ngɔɔmə zə, saa i ngɔɔmə ndow tsətəndəghə tə Kəzə̀ tə, kə̂ saa nə chɔdlɔnə wû i saa zə dza nə̀ saa ngɔɔmə Kəzə̀. À kee loʼ nə, laŋ wən khə dzə way daʼa kə loʼ kə ni ghəŋə nə̀ gow uwû ka ghəŋə dzə ghəə a bəbə ghey i ləghənə ni ghəŋə.

1 Timoti 6:20

Timoti, tɔʼɔ kwu keeli fə key Zə̀ kə fuu naŋanə tə wɔ nə̀ wə i keyyə. Kə wə nə zəllənə ghɔɔmə tən tə fuu way ngɔɔmə zə tə Zə̀ kə nsə ghɔɔmə tə laʼlə tən ghə̂ a loʼ a dza nə̀ a loʼ utɔb loʼ sey nə̀ à way dzə utɔb.

2 Timoti 3:13

Ghə̂ a bəbə ghə nsə ghə nəb ityim nə faalə bəb njaʼ may ndow. Ghə nə nəbə ghə̂ ghə, ghə̂ a nə nəbə soʼo ghə.

Hibru 13:9

Kə ghaa i nyəŋ laʼ n bàa ndəmə tə aghəə tə loʼ tən ghə diinə nə̀ a way ghəə a Kəzə̀. I dzɔbə nə̀ fə̀ŋ tə saa tə i taw dzɔbə n ndzuŋ ə Kəzə̀, nə̀ a way dzə n ghəə a naŋŋə a laŋ u ghəə ghə ufəzəə. Laŋ u ghəə ghə ufəzəə ghən ka kam gaamə koʼ tsə ghə̂ ghey ghə naŋŋənə laŋ u tii wə n ghə i loʼ zə.

Hibru 3:12

Waazə ghə, ghaa ney ighə̂mə nə̀ kə wù ghaa u loʼ u nə keeli fə̀ŋ i bəbə zə tə̀ tə loʼ ni tuu ni bəghəm tə̀ Zə̀ kə. Wù wey tə khənə ndzoʼo fə̀ŋ zən, way dzə ni ndow n səə Zə̀ kən kə fuunə muu zə.

1 Pita 1:18

N dza sey n təŋkey, ghaa khənu nə̀ ghə â tsə tsəghə ndow fə kə səŋi kə kuum nuu shi bə tow u ghaa n ghəə a bəbə ghey ghaa â koʼ neynə n wɔ ghə bày bày a ghaa. Â way dzə nə kəfə nə kə loʼ ni bəb tə a loʼ itsaa nkee tsaa zə ishɔ̀lɔ̀.

2 Pita 3:17

Waazə ghuŋ a dzuŋu ghə nghee i nyɔʼ loʼ nə̀ ghaa n keeli zey ghəə ghən, ghaa ney kɔʼ ighə̂mə, sey nə̀ kə ghə̂ a bəbə ghey nə nəbənə ghaa n ghəə ghey ghə dzanə nə̀ a kpii way, a ghəŋŋənə nə̀ ghaa zəghə maʼa jìi Kəzə̀, ghaa nyəŋ laʼ.

2 Jɔn 1:8

Ghə̂mə na nə kə ghaa nə guŋŋənə fə kə loʼ kə n fwaʼ kən ghey fwaʼanə, kuu nyi ndow na sə̀ŋ zə, sey nə̀, ghaa loʼ ni keeli kənaamə naʼ idzəm.