Kolose 2:3 - Kaa n Kəzə̀ n fəghə mə

³ Ghəə ghən adzəm saa loʼ ni keeli kùm Kəzə̀, nyì doʼo n kow Klisto. À may kə wi tə loʼ ni chi dii ghəə a tii ghə.

Kolose 2:3 Mawu Ofanana

Matyo 10:26

Yeso n ndow n sə̂ kə dza tə̀ ghə nə̀, “Kə ghaa nə tsəŋənə ghə, n təŋkey, ghə i loʼ i way ghə tsəd naŋanə, nə̀ î nə bə doʼo way təghə, ghə i loʼ i way ghə tsɔŋ ghəŋənə, ghə nə bə keeli way.

Lukas 11:49

À wən loʼ ghə i tii zə, Zə̀ kə n tɔb u wi wə â dza nə̀, ‘Mə i tûm bə ghə n tûm tə Kəzə̀ nsə ngəd tə, ghə i wey maʼa a loʼ ghə, ghə tsɔɔmə a loʼ ghə.’

Roma 11:33

Zə̀ kə ndəmə kûmnu! Tə khə utɔb naʼ idzəm, khə soʼo aghəə adzəm! À lo ndee tə loʼnə ni tiilə dza jìi zey Zə̀ kə sàynə ni ghəŋŋə ghəə ghə tii? À loʼ ndee tə loʼnə ni zowkeeli jìi zey Zə̀ kə ghəŋŋənə ghəə a wi ghə tii?

1 Kɔrint 1:24

A kee bə tə̀ ghə̂ ghən Zə̀ kə tɔŋɔnə nə̀ ghə keeli ibəghəshi, nə̀ à loʼ kə ghə̂ a Təjuu nkee ghə̂ ghən ghə way ghə̂ a Təjuu ghə, tûm tii loʼ nə̀, Zə̀ kə dii bə daʼa kə wi nsə tɔb u wi wə n bam i Yeso Klisto.

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

Efesus 1:8

Zə̀ kə n maŋ feeli fuu saa n ndzuŋ ə wi idzəm, fuu saa n tɔb wə nsə zowkeeli zə.

Kolose 1:19

 tsəm Kəzə̀ ni ghəŋə nə̀ Klisto waa wi, i bɔɔmə loʼ tə a loʼ wi nə aghəə adzəm.

Kolose 1:28

Sey, ghey naʼlə tûm i dzuŋu zə bòʼ Klisto tə ghə̂ ghə adzəm. Kii naŋŋə ndow ghə n ghəə ghən a kpiilə way, də̀ŋ ə kɔʼɔ bə ghə nə təjìi tədzəm, sey nə̀, ghey i loʼ ni ney bə ghə n sə K-a-zə̀, nə̀ ghə n beyyə dzɔb, loʼ nə kəfə kəmɔʼ ghi Klisto.

Kolose 1:9

À wey loʼ i ghi ni ney nuu bə n tsuʼ fey ghey â zow tsu zɔŋ u ghaa wə, ghey ka kam buu naŋa koʼ ni gɔŋŋə n tow u ghaa nə Zə̀ kə gaamə nə̀ ghaa i loʼ ni keeli ghəə zey tə ləghənə. Tə fuu ghaa n tɔb wə, nsə daʼa kə Zay kə Zow kə nə ghaa i loʼ ni zowkeeli dzɔb ghəə a tii ghə.

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

Kolose 3:3

bòʼ nə̀, ghaa mâ kpuu dzəŋi ghi Klisto, sey, a ghaa nya tsəd naŋa Klisto tə loʼnə nə kəfə kəmɔʼ ghi Zə̀ kə.

2 Pita 1:5

À wən loʼ ghə i tii zə, ghaa khə ni ngii dəm tsu ni koʼ nə̀ nghee ghaa khənə bəghəm i fə̀ŋ zə, ghaa keeli tsu soʼo fə̀ŋ i dzuŋu zə, nghee ghaa khənə fə̀ŋ i dzuŋu zə, ghaa keeli tsu soʼo ghəə a Kəzə̀.

Chi dii 2:17

Wù wey tə khənə tuŋŋə wə, tə zow ghəə ghən Zay kə Zow kə dzanə tə dzəŋi u dzûmə tə Klisto wə. Wù wən tə i taw tsəghənə ghəə a bəbə ghə, mə i fuu ghə n fəzəə u loʼ wə ghə â nyi naŋanə, ghə tɔŋŋənə nə̀ a loʼ mana. Mə i fuu soʼo ghə n tay i fəmə zən ghə tɔ̀ɔ naŋanə zəd i fəghə zə tii, nə̀ wù loʼ khə way, nə̀ a khə kə wù wey tə i neynə tay i tii zə.”