Kolose 2:20 - Kaa n Kəzə̀ n fəghə mə

²⁰ Ghaa mâ mgbaŋ kpu ghi Klisto, tə n bəghəshi nuu bə ghaa n wɔ zày wən u saʼanə mbi. À sə loʼ kee ghaa kəm dzûmə nə laŋ u mbi wə? Kə ghaa nə kəm dzûmə nə ndzoʼo laŋ wən u dzanə nə̀,

Kolose 2:20 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 15:19

Abə ghaa mə loʼ ghə̂ a mbi ghə, tə mbi mə ləghə ghaa. À sə fa loʼ kə nə̀ mə â sày nuu shi bə ghaa nə̀ ghaa ka kəm doʼo soʼo tə a loʼ ghə̂ a mbi. À wey loʼ ghə i tii zə ghə̂ a mbi a bàanə ghaa.

2 Kɔrint 10:3

À loʼnu isəŋə nə̀ saa muu fa n mbi, à kee loʼ nə̀ saa təmə dzə way tsam nghee tə̀ ghə̂ a mbi a təmənə tii.

Galeshia 4:3

Nghee saa â nam loʼ tsə nə̀ saa kam khə way Klisto, saa â loʼ soʼo tə a loʼ aghinətəghə, loʼ ukɔd tə daʼa wən u saʼanə mbi.

Galeshia 6:14

Abə mə, mə i kee ghaŋŋə kə uwû n ghəə ghey a shinə tə mə bòʼ və i Mûkəbii ə saa, Yeso Klisto n zat kə fəkaʼ. À loʼ bòʼ zat kə fəkaʼ n loʼnə tə a loʼ fə kə ivə tə ghəə a mbi ghə, ghəə a mbi ghə a kəm way soʼo n taŋ tə mə.

Efesus 2:15

Tə a buu naŋa ndow laŋ u ghə̂ a Təjuu nghee tə â kpunə n zat kə fəkaʼ. Sey tə ney kɔʼ naʼa tən təbəghə, təm naŋa dzəŋi bə ghə nə̀ ghə doʼo bə kəfə kəmɔʼ ghi wi. À wən loʼ nghee tə â bayyə naŋa bənə ghə nə kəfə kəmɔʼ nə̀ ghə i loʼ nə ibuulə.

Kolose 2:14

Zə̀ kə n zəd maʼa tsu ghəə a saa a bəbə ghən a khənə tə laŋ kə diinə. Tə ghəə a tii ghə â neynu nghee tə ghə â baa n zat kə fəkaʼ ghi Klisto.

Kolose 2:16

Kə ghaa nə bəghəm nə wù loʼ saʼ ghaa n fə key ghaa khə ni zə̂ nkee ni mə̂. Kə ghaa nə bəghəm soʼo nə wù loʼ doʼo tə wey tə i saʼanə tsuʼ fey, ndzɔŋ, nkee nəŋə zey ghaa khə ni ngɔɔmə Zə̀ kə a tii.

Kolose 2:21

“Kə̂ wə nə̂ kwɔnə fə wən n wɔ! Kə̂ wə nə̂ mɔm zownə kə kən nə idzuu! Kə̂ wə nə laa mɔmnə kə kən!”

Kolose 2:8

Ney na ghə̂mə zə kə wù loʼ nə ndow bəghənə n tɔb u wù sɔŋtsuʼ wə, ni ghəŋə nə̀ ghaa doʼo ukɔd tə wi. Ndzoʼo tɔb wən nuu bə n wɔ wù sɔŋtsuʼ nsə zày wən u saʼanə mbi zən, u ka nuu bə dzə n wɔ Klisto.

Kolose 3:3

bòʼ nə̀, ghaa mâ kpuu dzəŋi ghi Klisto, sey, a ghaa nya tsəd naŋa Klisto tə loʼnə nə kəfə kəmɔʼ ghi Zə̀ kə.

Hibru 13:9

Kə ghaa i nyəŋ laʼ n bàa ndəmə tə aghəə tə loʼ tən ghə diinə nə̀ a way ghəə a Kəzə̀. I dzɔbə nə̀ fə̀ŋ tə saa tə i taw dzɔbə n ndzuŋ ə Kəzə̀, nə̀ a way dzə n ghəə a naŋŋə a laŋ u ghəə ghə ufəzəə. Laŋ u ghəə ghə ufəzəə ghən ka kam gaamə koʼ tsə ghə̂ ghey ghə naŋŋənə laŋ u tii wə n ghə i loʼ zə.

Jems 4:4

Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.

1 Jɔn 5:19

Ghey khənu nə̀ ghey loʼ waa a Kəzə̀, ghey khə soʼonu nə̀ mbi idzəm loʼ n tənə wù təngəmə ə Klisto tɔŋɔ Satan.