Kolose 2:19 - Kaa n Kəzə̀ n fəghə mə

¹⁹ Ndzoʼo ghə̂ ghən kəm zow way tə Klisto, tə loʼnə tow kə n dzəŋi kə dzûmə tə Klisto, tɔŋɔ wû u wi. À loʼ wi tə kwu keelinə wû wə udzəm nə kəfə kəmɔʼ nə uzuŋ, ghəŋŋə nə̀ wə i nyîmmə n daʼa K-a-zə̀.

Kolose 2:19 Mawu Ofanana

Lukas 5:38

Wù ney kɔʼɔ səŋ nlə tə n kuu tsu n suʼ i fəghə zə.

Tùm i dzuŋu zə kuum Yeso Klisto tə Jɔn â tɔɔnə 17:21

Bày, n gɔŋŋə nə̀ ghə mə loʼ nə kəfə kəmɔʼ n wû i ghə, nghee tə̀ ghi wɔ bɔɔmə loʼ soʼo nə kəfə kəmɔʼ. N gɔŋŋə soʼo nə̀ ghə i bɔɔmə loʼ ghi saa nə kəfə kəmɔʼ tə ghə̂ a mbi a bəghəm nə̀ a loʼ wɔ wə tûmnə mə.

Kəfwaʼ 4:32

Dzûmə tə Yeso tədzəm tə â loʼ nə kəfə kəmɔʼ n moʼlə tə ghə tədzəm nsə n fə̀ŋ tə ghə tədzəm. Wù ghə umɔʼ n ney way fə kə wi kə tə a loʼ fə kə wi kə ngəŋ kə, ghə â fəd dzəŋi khə fə u ghə udzəm.

Roma 11:17

Ney kɔʼ n na kpìi kə kaʼ fə loʼ fə ghə tɔŋɔ nə̀ à loʼ oliv, ghə khəm nuu shi bənə n kaʼ fə oliv fə inaʼ fə, ghə a ndow ney bə kpìi kə n kaʼ fə oliv fə mbvən fə, bə zuŋ naŋa dzəŋi nyi bə n kaʼ fə oliv fə inaʼ fən, kə a nyîmmənə, məə bə utam nə̀ à loʼ ghaŋ tə kaʼ fən. Ghaa ghə̂ ghən ghə way ghə̂ a Təjuu ghə, ghaa loʼ tə a loʼ kpìi tə kaʼ fə oliv fə mbvən fə. Zə̀ kə n ghəŋə nə̀ ghaa keeli buulə zey tə â buulənə ghə̂ a Təjuu ghə a tii ighələ tə a loʼ kpìi kə kaʼ fə oliv fə mbvən fən ghə â zuŋ dzəŋi bənə ghi kaʼ fə oliv fə inaʼ fə.

1 Kɔrint 1:10

Waazə ghə, n buʼu bə kəwɔɔ tə̀ ghaa n zəd i Mûkəbii saa Yeso Klisto nə̀ ghaa adzəm, ghaa i loʼ n dzə̂ imɔʼ, kə̂ ghaa nə dzawwə doʼo soʼonə n wû i ghaa. Ghaa khə ni fəd loʼ nə kəfə kəmɔʼ n fə̀ŋ tə ghaa tədzəm nsə n moʼlə tə ghaa tədzəm.

1 Kɔrint 11:3

N kee ləghə nə̀ ghaa zowkeeli tsu nə̀ Klisto loʼ kətow tə̀ gheynum ghə adzəm, weynum u loʼnə tow kə tə̀ wey wi, Zə̀ kə a loʼnə tow kə tə̀ Klisto.

1 Kɔrint 3:6

À loʼ mə, mə â zəghənə ndzoʼ tə tii tə, Apolos n vəələ tsu. Â kee loʼ Kəzə̀ kə â ghəŋə nə̀ tə nyim.

Efesus 1:22

Sey, Zə̀ kə n ney naŋa bə fə wə udzəm n tənnə Klisto, tsuʼ naŋa kɔʼ wi tə̀ a loʼ kətow n dzəŋi kə dzûmə tə Klisto nə̀ tə i saʼa fə wə udzəm.

Efesus 1:23

Ndaw Kəzə̀ loʼ wû u Klisto, i ghəŋŋə nə̀ tə i loʼ may n wû u wi ighələ tə̀ tə kwɔɔ keelinə fə wə udzəm fa n mbi nə zə i loʼ may idzəm.

Efesus 2:21

À loʼ wi tə kwu keelinə ndaw tii, ghəŋŋə nə̀ zə i nyîmmə kɔʼɔ tə̀ a loʼ dzəŋi kə dzûmə tə Klisto kə zow kə ghə səd naŋanə ni ngɔɔmə Mûkəbii.

Efesus 4:3

Zay kə Zow kə n buulə fə̀ŋ tə ghaa tə nə̀ ghaa i loʼ n fə̂ kəmɔʼ. Sey, ndeemi tsu na wû zə ni muu tən kə nə kəfə kəmɔʼ tə̀ ghaa loʼnə nya.

Efesus 5:29

Wu loʼ way dzə tə baanə wû u wi. Wù fədlə laalə dzɔbə tə̀ wû u wi, chiə dzɔbə tsu wû u wi. A wey loʼ nghee tə̀ Klisto laalənə tə̀ ghə̂ a ndaw Kəzə̀ ghə.

Filipi 1:27

Abə i loʼ kə ngee, ghaa khə ni muu muu i ghaa zə tə̀ tûm i dzuŋu zə kùm Klisto diinə. I loʼ sey nə̀ abə n bənə n sə̀ə ghaa nkee n ka bə koʼ ghaa, nə̀ n zow kə ghaa nə kətuŋŋə, mə i khə nə̀ ghaa dzəŋi tey n fə̀ŋ imɔʼ, dzəŋi təmə tsam ə tûm i dzuŋu zə nə kəfə kəmɔʼ, ni ghəŋə nə̀ ghə̂ a keeli bəghəm i fə̀ŋ tə tûm i dzuŋu i diinə.

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

Kolose 1:18

Klisto loʼ tow kə dzəŋi kə dzûmə tə Klisto, i loʼnə wû u wi wə. À loʼ wi wù sə isə Zə̀ kə â zhəm dzəŋŋə bənə nə ivə ni ghəŋə nə̀ tə i loʼ tow kə nə aghəə adzəm.

Kolose 2:2

N sa dəmə ni kuu fə̀ŋ tə ghə nə̀ ghə i loʼ nə kəfə kəmɔʼ bòʼ ləghə zən ghə khənə n wû i ghə, sey nə̀, ghə i loʼ ni ndzəm zowkeeli nə̀ ghəə zey Zə̀ kə â nyì naŋanə, loʼ Klisto.

1 Tesalonika 3:12

N gɔŋŋə nə̀ ləghə zey ghaa khənə n wû i ghaa, nsə n kow ghə̂ a loʼ ghey adzəm, i ndəŋ kɔʼ ndow tə a loʼ ləghə zən ghey khənə n kow ghaa.

1 Tesalonika 4:10

Isəŋə i loʼ nə̀, ghaa ndzəm khənu ləghə zə tə̀ à loʼ dzûmə tə̀ Klisto tey n mbuʼu Masedonya idzəm. Waazə ghə, ghey kee nam buʼu bə kəwɔɔ tə̀ ghaa nə̀ ghaa ndow kə n sə kə n mwam u tii wə.

2 Tesalonika 1:3

Waazə ghə, ghey fuu kəzɔŋŋə nəŋə tədzəm tə Zə̀ kə bòʼ ghaa. I ndzəmə dzɔbənu ni ghəŋə sey təŋkey, bəghəm i fə̀ŋ i ghaa i ndəŋə nyîmmənu, ləghə zey ghaa khənə n wû i ghaa, zə a nyîmmə soʼo naʼ idzəm.

1 Pita 3:8

Ni guŋ kɔʼ, ghaa adzəm khə ni teeli khə mwam wə umɔʼ, khə soʼo fə̀ŋ imɔʼ. Ghaa khə ni ləghə wû i ghaa zə tə a loʼ awaazə, dii fə̀ŋ i dzuŋu zə tə̀ ghə̂ ghə, khə soʼo zuŋ kə umwam n wû i ghaa.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.