Kolose 2:18 - Kaa n Kəzə̀ n fəghə mə

¹⁸ I kə ghaa nə bəghəmnə nə̀ wù wən tə ghaŋŋə wû wə n muu i Kəzə̀ i ghə, ngɔɔmə soʼo tsətəndəghə tə Kəzə̀ nə̂ nəbə sə̂ a ghə̂ ghə nə ghə ngɔɔmə Kəzə̀. Ghə ghaŋŋə uwû nə̀ Zə̀ kə dii ghə n ghəə ghə nə̀ ujim boʼ moʼlə tə ghə tə bəbə tə.

Kolose 2:18 Mawu Ofanana

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Roma 1:25

Ghə ghəŋŋə ghəə ghən n təŋkey ghə n tuu ni bəghəm isəŋə zən i loʼnə bòʼ Kəzə̀, fədə bəghəm ghəə a badla ghə. Ghə fuu nkɔʼlə tə fə wən Zə̀ kə fwaʼ naŋanə, ngɔɔmə soʼo fə u tii wə, loʼ sey nə̀ ghə mə khə ni ghəŋŋə sey tə Zə̀ kən kə fwaʼnə fə wə udzəm fa n mbi. À loʼ kə tə wi saa khənə ni fuu kɔʼləmə nəŋə tədzəm. Zə i loʼ kə sey.

Roma 16:18

N dza sey n təŋkey ghə̂ ghey ghə ghəŋŋənə ndzoʼo ghəə a tii ghə, ghə fwaʼa way tə Mûkəbii saa Klisto, ghə fədlə fwaʼa tə̀ nəghə u ghə wə. Nyim kə ghə kə tsəghə dzɔbə nə idzuu, ghə a khə ghɔɔmə i tsìi zə ni nəb ghə̂ ghən ghə tɔʼ khə way ghəə ghə.

1 Kɔrint 13:4

Ləghə i ghəŋŋə wù nə̀ tə i kow fə̀ŋ, tə i khə soʼo fə̀ŋ i dzuŋu zə. Ləghə i ghəŋŋə dzə way wù nə̀ tə i khə ghoʼ kə. Ləghə i ghəŋŋə dzə way wù nə̀ ghaŋŋə wû wə nkee kɔʼlə kaabə tsə uwû.

1 Kɔrint 3:3

I loʼ sey n, n təŋkey, ghaa nam muu ndzoʼo muu zən ghə̂ a mbi a muunə. Abə ghaa nam khənə ghoʼ kə n fəŋŋə kə ghaa, zuulə soʼo n wû i ghaa, i dii bənu nə̀ ghaa loʼ ghə̂ a mbi, ghaa a ghəŋŋə soʼo ghəə ghə tə a maŋ loʼ wù sɔŋtsuʼ wən tə khə way Zə̀ kə.

1 Kɔrint 4:18

Ghə̂ a loʼ ghə n fəŋŋə kə ghaa â moʼlə kə nə̀ mə i kəm bə way n fəŋŋə kə ghaa, sey, ghə u kaʼ ndow ni ghaŋŋə iwû.

1 Kɔrint 4:6

Waazə ghə, n ney kɔʼɔ wû wuŋ ghi Apolos tə a loʼ ghə̂ ghey ghə moʼo dii bənə ghəə ghə tə̀ ghaa, sey nə̀, ghaa i loʼ ni koʼ ney kɔʼ n wɔ ghey ghəə zey i diinə nə̀, “Wə khə way ni ghəŋə ghə i loʼ zə nə̀ i ka tɔ̀ɔ doʼo n màʼlə K-a-zə̀.” Sey, wù ghaa u loʼ u khə way ni ghaŋŋə wû wə nə̀ n dzûmə wù wən, kee koʼo kii u loʼ wey.

1 Kɔrint 8:1

Ni ghɔɔmə bə nya n ghəə ghey ghaa â bəb bənə tə̀ mə kuum fəzəə wey ghə fuunə tə a loʼ umaʼlə tə̀ muʼu mə. À loʼnu isəŋə nə̀, “Saa adzəm saa khənu ndəmə aghəə kuum ghəə ghə mmuʼu.” I loʼ nə̀ tɔb u ghəŋŋə wù tə n baa ni ghaŋŋə wû wə, a kee loʼ nə̀ ləghə i bəghə imuu.

1 Kɔrint 9:24

Ghaa mgbaŋ khənu nə̀ abə ghə̂ a nyəŋə baalənə, ghə̂ ghey ghə nyəŋənə ghə loʼ n ndəm, à kee loʼ nə̀ à loʼ kə wù umɔʼ tə i keelinə naamə key wù kəsə̂ i neynə. Sey, ghaa khə ni nyəŋə n jìi zey ghaa i keelinə naamə kə.

2 Kɔrint 11:3

N kee tsəŋə nə̀ nghee tə̀ zuu â nəb fuu tsunə If n tɔb u wi u tsɔŋɔ wə, ghə loʼ ni bə fwɔd maʼa kɔʼ soʼo tɔb u ghaa, ghaa i way ni kəm dzûmə Klisto n fə̀ŋ tə ghaa tə tədzəm.

2 Kɔrint 12:20

N dza sey n təŋkey, n fa tsəŋə nə̀ abə mə î bənə, mə i ka koʼ ghaa n jìi zey n ləghənə nə̀ ghaa doʼo tii, ghaa soʼo ghaa i ka koʼ mə nə̀ n way dzə n jìi zey ghaa ləghənə nə n doʼo tii. N tsəŋə nə̀ n loʼ ni bə nə̀ ghaa khə izùu n fəŋŋə kə ghaa, khə kəghoʼ, khə nəghə u fəə wə, khə umə̂, kpaalə kaabə iwû, baŋŋə təfəghəm, kɔʼlə kaabə iwû, fwɔdlɔ maʼa soʼo wû i ghaa.

Efesus 4:17

À wən loʼ ghə i tii zə n dza i ghɔɔmə bə tə̀ ghaa n daʼa kən Mûkəbii fuunə tə̀ mə, tɔʼɔ zəllə tsu na. I kə̂ ghaa nə̂ kəm muulənə tə̀ a loʼ ghə̂ ghey ghə ka bəghəm tə̀ Zə̀ kə, ghə moʼlə kə ndzoʼo ghəə ghey a gaamə way wù.

Efesus 5:6

Kə wù i nəb ghaa n ghɔɔmə i zum zə nə̀ Zə̀ kə i chɔd way ghə̂ ghey ghə ghəŋŋənə ndzoʼo ghəə ghən, n təŋkey, Zə̀ kə î chɔdlɔnu ghə̂ ghey ghə naŋŋə way laŋ u wi wə.

Filipi 3:14

N dəmə ndow kə n sə kə, nə̀ n keeli kɔʼ kənaamə, tɔŋɔ naamə key kə loʼ idəŋ, kə key Zə̀ kə naŋanə tə̀ mə n bam i Yeso Klisto.

Kolose 2:23

Laŋ wən mgbaŋa fiilə kənu laŋ u dzuŋu wə, nghee u dza nə̀ saa i khə ngɔɔmə zə, saa i ngɔɔmə ndow tsətəndəghə tə Kəzə̀ tə, kə̂ saa nə chɔdlɔnə wû i saa zə dza nə̀ saa ngɔɔmə Kəzə̀. À kee loʼ nə, laŋ wən khə dzə way daʼa kə loʼ kə ni ghəŋə nə̀ gow uwû ka ghəŋə dzə ghəə a bəbə ghey i ləghənə ni ghəŋə.

Kolose 2:4

N ghəə ghən dza bə nə ghaa tɔʼ təmi tsu, nə̀ kə wù loʼ nə nəbə fuunə ghaa n ghəə a badla ghən a fiilənə isəŋə.

Kolose 2:8

Ney na ghə̂mə zə kə wù loʼ nə ndow bəghənə n tɔb u wù sɔŋtsuʼ wə, ni ghəŋə nə̀ ghaa doʼo ukɔd tə wi. Ndzoʼo tɔb wən nuu bə n wɔ wù sɔŋtsuʼ nsə zày wən u saʼanə mbi zən, u ka nuu bə dzə n wɔ Klisto.

1 Timoti 1:7

Ghə dəmə ni doʼo ghə̂ ghən ghə diinə laŋ kə Mushi kə, loʼ sey nə̀ ghəə ghey ghə dzanə, ghə buʼu zowkeeli soʼo way, nkee ghəə ghey ghə tsɔbənə fə̀ŋ tii.

1 Timoti 4:1

Zay kə Zow kə n ghəŋə nə̀ təjìi tədzəm nə̀ saa keeli nə̀ abə mbi nə may bənə, ndəmə aghə̂ a nə tuu ni bəghəm ghəə ghən dzûmə tə Klisto tə diinə, ghə nə fədlə dzûmə ndow ghəə a badla ghey vəətsəə a diinə.

2 Pita 2:14

Sə̂ a ghə a baa kə n kow gheyzən a laŋŋə ghə. Ghə buu way ni ghəŋŋə ghəə a bəbə ghə. Ghə təəbə fuu ghə̂ ghən bəghəm i fə̀ŋ i ghə i ka kam tɔʼ beyyə nə̀ ghə nyəŋ laʼ. À n fə̀ŋ tə ghə bəghə doʼo kə umə̂. Zə̀ kə n ləŋ naŋa ghə!

1 Jɔn 2:26

N ghəə ghən sa tɔ̀ɔ bə tə ghaa kuum ghə̂ ghən ghə dəmənə ni sii ndzəŋ ghaa.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 13:14

Faalə mən zə â diinə n ghəŋə nə̀ ghə fuu wi n daʼa kə nə̀ zə i saʼa n tow kə faalə kə nyam mbvən kə sə isə key. Zə n sii ndzəŋ ndəmə aghə̂ a ghəlitsə. Zə n dza tə ghə nə̀ ghə bɔm kɔʼ fəmuʼu tə ghə ni ngɔɔmə, fə fiilənə faalə kə nyam mbvən kə sə isə key ghə â nyîmmənə wi n kɔb, zə n nam loʼ kə utaw.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.

Chi dii 19:10

Mə n bwu ndow n tənə fuu i wi ni ngɔɔmə wi. Tə n fəd dza tə mə nə̀, “Ngaŋ ka ghəŋə sey! N loʼ soʼo wù kəfwaʼ tə a loʼ wɔ ghi ghə̂ ghən ghə bəghəmnə tə̀ Yeso. I ngɔɔmə Zə̀ kə! Boʼnə à loʼ Zay kə Zow kə, kə chi dii ghəə ghə tə̀ tûm tə Kəzə̀ tə kuum Yeso.”

Chi dii 3:11

Mə i kuʼlə bəghənu. Tɔʼɔ kwu keeli dzɔb tsu fə̂ key wə khənə, kə wù loʼ i bəkeeli naamə kə.