Kolose 2:15 - Kaa n Kəzə̀ n fəghə mə

¹⁵ À wən loʼ soʼo jìi zey tə â təm zə̂nə zày wən u saʼanə mbi tii. Tə n lənnə ghə n mgbaŋ nghee tə â təm zə̂nə ghə n zat kə fəkaʼ.

Kolose 2:15 Mawu Ofanana

Matyo 12:29

Wù way dzə ni khəm nyi n ndaw wù wey tə khənə daʼa kə, tə ndzəm boʼo nuu fə̂ u wi, nə̀ tə ka wi kwu kow naŋa tsu dzə nə ubaʼ.

Lukas 10:18

Tə n dza ndòw tə̀ ghə nə̀, “Mə koʼ Satan tə bwù tsu bənə tə̀ a loʼ ighow i mwallə zə n bikighow.

Lukas 11:22

A gɔʼɔ kə nə wù loʼ ndòw bənu, nə tə n wi taw tsəghəshi, bə kwu tsu wi nə kəngəd, təm zə̂ kɔʼ wi, ney nuu kɔʼ fə u tsam u wi wey tə tawnə tii, ney dzawwə tsu fə u wi udzəm ghi ghə̂ a nu ghə.

Tùm i dzuŋu zə kuum Yeso Klisto tə Jɔn â tɔɔnə 16:11

Abə n buʼ kə saʼa key, tə nə dii ndow tə ghə nə̀, Zə̀ kə nə saʼanu mbi i zən, n təŋkey, ghə n saʼ tsəghə Satan də̀ŋ kə mbi, tûm wi n bad kə ghə̂ a bəbə kə.

Tùm i dzuŋu zə kuum Yeso Klisto tə Jɔn â tɔɔnə 19:30

Yeso n sɔɔlə mə̂ kɔʼ nlə n tii mə, daŋŋə dza nə̀, “Zə n may nya.” Tə n kùm tsu kətow, daŋŋə zay may kɔʼ i bə.

1 Kɔrint 15:24

Klisto i təm zə̂ kɔʼ səghə wən u saʼanə mbi, də̀ŋ u mbi, nsə daʼa u mbi wə udzəm, tə i ney fɔɔ u tii wə tə fuu ndow tə̀ Zə̀ kə tə loʼnə Bày. Sey, mbi i daŋŋə may.

2 Kɔrint 2:14

Saa kee fuu kə kəzɔŋŋə tə̀ Zə̀ kə n təŋkey, abə saa loʼnə nə kəfə kəmɔʼ ghi Klisto nəŋə tədzəm, Zə̀ kə n sìi bwey kaabə tsə ghi saa tə a loʼ ghə̂ ghey ghə təm zə̂nə tsam n zəd i Klisto. Zə̀ kə ney saa ni ghəŋə nə̀ ghə̂ a keeli Klisto nə təluʼu tədzəm n tûm zey ghey naʼlə kaabənə. Tum tii loʼ tə̀ a loʼ zuʼ tə dzuŋu tə, tə ləmmənə dzɔbənə nə təluʼu tədzəm.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

Efesus 3:10

Moʼlə i wi zə â loʼ nə̀ ghə̂ a dzəŋi kə dzûmə tə Klisto ghə i loʼ ni dii tɔb u Kəzə̀ u nii wə tə̀ daʼa wey u saʼanə ghə̂ ghey ghə loʼnə n tənə ghə n luʼu tə idəŋ tə.

Efesus 4:8

À wən loʼ ghə i tii zə màʼlə K-a-zə̀ kə dzanə nə̀, “Nghee Klisto â kɔʼnə idəŋ idəŋ, Tə n ney ndəm aghə̂ tə â kwunə n tsam, Tə n fuu soʼo unaamə tə̀ ghə̂ ghə.”

Efesus 6:12

N təŋkey, saa zùulə baalə dzə way ghi wù sɔŋtsuʼ. Saa zùulə baalə ghi zay u bəbə wən u loʼnə tə̀ a loʼ udə̀ŋ fa mbi, zay u bəbə wən u loʼnə tow kə n ghəə ghən a tsəghənə nə kələm, daʼa u bəbə wən u saʼanə ghəə a mbi ghə, nsə sə̀ghə̀ n bəbə mən n loʼnə idəŋ.

Kolose 1:16

Zə̀ kə â ney waa wi ni bɔm ufə̂ udzəm idəŋ nsə fa a ghəlitsə. À bɔm wi fə wən a loʼ ni koʼ nsə u wən a way ni koʼ. Â bɔm wi tsətəndəghə tə Kəzə̀ tə nsə zay wən u loʼnə n luʼu tə usəghə idəŋ nsə zày wən u saʼanə fa n ghəlikətsə. Zə̀ kə â ney wi ni mbi idzəm, tə n bɔm mbi ə tii tə̀ wi.

Kolose 2:10

Zə̀ kə n fuu ghaa n muu i tii zə idzəm nghee ghaa loʼnə ghi Klisto nə kəfə kəmɔʼ. À loʼ Klisto tə khənə daʼa kə tsəghəshi zày wən udzəm u saʼanə mbi.

Hibru 2:14

Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 20:10

Ghə n ney maʼa nyi tsu ndow vəətsəə ghən ghə â sii ndzəŋ ghə n nyî zə uvələ wən u bəʼlə ghi sɔlfɔ. À loʼ fuu ghə a ney maʼa nyi tsu tsəghə dzənə faalə kə nyam mbvən key nsə tûm tə Kəzə̀ tə tsɔŋɔ tə. Ghə i chɔdlɔ ghə fu n tsə̂ tə nsə n tsuʼu tə, nəŋə tədzəm.