Kolose 2:11 - Kaa n Kəzə̀ n fəghə mə

¹¹ Nghee tə ghaa loʼnə nə kəfə kəmɔʼ ghi Klisto, ghaa nya loʼ tə ghə n səghə tyi u ghaa wə. À kee loʼ nə̀ ghə ka tyi u ghaa u səghə dzə nghee ghə ndzəmə səghənə tyi u ghə wə a tii. Klisto â səghə tyi u ghaa nghee tə â ney nuu shi bənə ghaa n daʼa wən u ghəŋŋənə ghaa nə ghaa i ghəŋŋə ghəə a bəbə ghə.

Kolose 2:11 Mawu Ofanana

Malakus 14:58

“Ghey a zow tə dzanə nə̀, ‘Mə i sàʼa maʼa tsuu ndaw Kəzə̀ i nii zən n Yerosalem, ghə̂ ghə â bɔmnə, n kəm bəghə dzəŋŋə kɔʼ i nuu zə nə ntsuʼu ntəghə nə̀ a ka wù sɔŋtsuʼ bəghə dzə.’”

Lukas 2:21

Ambə tsuʼu n tsəghə tsunə ifam, tsuʼ fə kpii tsunə ni faalə waa, ghə n tsə̀ tsu zəd i wi nə a loʼ Yeso. A n loʼ zəd zey tsəndəghə ə Kəzə̀ zey â fuunə nə̀ ghə ka kam bɔŋ wi.

Kəfwaʼ 17:24

Zə̀ key kə â bɔm mbi nsə fə wən udzəm tii, a loʼ wi Mûkəbii ə bikighow nsə ghəlikətsə kə. Tə muu dzə way n ndaw nə a faalə wù sɔŋtsuʼ.

Kəfwaʼ 7:48

Sətifən n ndow n sə kə dza, “I loʼ nə̀, Zə̀ kə idəŋ kə muu dzə way n ndaw nə a bəghə wù sɔŋtsuʼ. I bɔɔmə loʼ tə wù tûm Kəzə̀ dzanə nə̀,

Roma 2:29

Wù wey tə ndzəm loʼnə wù Juu loʼ tə wey tə loʼ nə̀ ghə n səghə tyi kə wi kə n fə̀ŋ ə wi. À loʼ Zay kə Zow kə, kə fwaʼnə ghəə a tii ghə, a way dzə ghəə zey i tɔ̀ɔ doʼonə nə kəlaŋ. À loʼ Kəzə̀ kə kalinə ndzoʼo wù wən à way dzə wù sɔŋtsuʼ.

Roma 6:6

Saa khənu nə̀ muu i wey zey saa â bùʼ khə tsənə mâ kpuu nuu ghi Yeso n zat kə fəkaʼ, sey nə̀, Zə̀ kə loʼ ni sow maʼa ghəə a bəbə ghən a fwaʼanə n kow saa. Zə̀ kə sow maʼa ghəə a bəbə ghən sey nə̀ kə saa nə kəm doʼlənə kɔd wə tə̀ ghəə a bəbə ghə.

Roma 7:24

N baa loʼ ndzoʼo wù u ghaa wə! À loʼ ndee tə loʼ ni bəghəshi mə n vən fə uwû fən fə tɔŋŋə bənə və zə n kow mə ə?

2 Kɔrint 5:1

Saa khənu nə̀ abə ghə saʼ maʼa tsunə fəə fə saa fən saa muunə tii tɔŋŋə vən fə uwû fə saa fən, saa khənu ndaw Zə̀ kə naŋanə tə̀ saa i doʼo tənə idəŋ. Ndaw tii, a ka bɔm dzə wù sɔŋtsuʼ.

2 Kɔrint 5:17

Sey, abə wù loʼnə nə kəfə kəmɔʼ ghi Klisto, tə loʼ wù fəghə wə. Ghəə a wey ghə n tsəghə nuu, a nya loʼ ghəə a fəghə ghə.

Galeshia 2:20

N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.

Galeshia 5:24

Ghə̂ ghən ghə loʼnə nə kəfə kəmɔʼ ghi Yeso Klisto, ghə n tuu maʼa ghəə ghən gow uwû ləghənə, baa naŋa kɔʼ n zat kə fəkaʼ.

Efesus 4:22

Ghə â zoʼlə ghaa nə̀ ghaa khə ni tuu maʼa muu i ghaa i wey zey ghaa muu tsənə tii. Muu i tii i nəbə ghaa nə̀ ghaa i ghəŋŋə ghəə a bəbə ghə, tɔʼɔ weyyə ghaa n fə̀ŋ.

Filipi 3:3

Ghey loʼ ghə̂ ghey ghə loʼnə nə ghə n ndzəm səghə tyi u ghə wə, tɔŋɔ ghey ghən ghey ngɔɔmənə Zə̀ kə n daʼa kə kən Zay kə Zow kə fuunə tə ghey. Ghey gaʼ fə̀ŋ n fwaʼ kə Yeso Klisto, à way dzə fwaʼ kə wù sɔŋtsuʼ.

Kolose 3:5

Sey, ghaa khə ni teeli tuu maʼa ghəə a bəbə ghən gow uwû ləghənə, tə a loʼ; ilaŋŋə, ghəə a dzəə ghə, ni mbuŋŋə ni nyəŋi ghi wù, moʼlə tə bəbə tə, nsə mə̂ wə, n təŋkey, mə̂ u loʼ ighələ tə̀ wù nə̀ ngɔɔmənə muʼu mə.

Hibru 9:11

Klisto n kee bə tə̀ a loʼ fɔɔngili u nii nii wən tə fuunə fə u dzuŋu wən u loʼ zeynə fa. Fəə key tə fwaʼanə ghəə a wi ghə tii, tsəghəshinu, kpii tsəghəshi soʼo fəə u loʼ wən. À way dzə wù sɔŋtsuʼ tə khəmnə fəə fə tii fə, dii tsuu nə̀ fə way dzə n fə wey Zə̀ kə â bɔmnə fa n mbi.

Hibru 9:24

I loʼ sey n təŋkey, Klisto â ka nyi dzə n luʼu kə zow kə nə̀ à faalə wù sɔŋtsuʼ, kə maŋa fiilənə luʼu kə zow key kə loʼnə idəŋ. Tə â ndzəm nyi ndow n dzəŋi kə dzûmə tə Klisto key kə loʼnə n bikighow. Tə nya loʼ n sə K-a-zə̀ ni buʼu wɔɔ kə tə wi n tow u saa.