Kolose 2:10 - Kaa n Kəzə̀ n fəghə mə

¹⁰ Zə̀ kə n fuu ghaa n muu i tii zə idzəm nghee ghaa loʼnə ghi Klisto nə kəfə kəmɔʼ. À loʼ Klisto tə khənə daʼa kə tsəghəshi zày wən udzəm u saʼanə mbi.

Kolose 2:10 Mawu Ofanana

Matyo 28:18

Yeso n bə n səə ghə, dza tə ghə nə̀, “Zə̀ kə n fuu mə n daʼa kə ni saʼ fə wən udzəm u loʼnə idəŋ nsə fa a ghəlitsə.

Tùm i dzuŋu zə kuum Yeso Klisto tə Jɔn â tɔɔnə 1:16

Saa n keeli ndzuŋ kəm keeli kuulə bòʼ ləghə i wi zən tə khənə n kow saa naʼ idzəm.

1 Kɔrint 15:24

Klisto i təm zə̂ kɔʼ səghə wən u saʼanə mbi, də̀ŋ u mbi, nsə daʼa u mbi wə udzəm, tə i ney fɔɔ u tii wə tə fuu ndow tə̀ Zə̀ kə tə loʼnə Bày. Sey, mbi i daŋŋə may.

Efesus 3:10

Moʼlə i wi zə â loʼ nə̀ ghə̂ a dzəŋi kə dzûmə tə Klisto ghə i loʼ ni dii tɔb u Kəzə̀ u nii wə tə̀ daʼa wey u saʼanə ghə̂ ghey ghə loʼnə n tənə ghə n luʼu tə idəŋ tə.

Efesus 3:19

Nsə sey, ghaa i loʼ ni tɔʼ zowkeeli tsu ləghə i Klisto zən i tsəghəshinə tɔb wə udzəm, sey nə̀ ghaa i loʼ ni keeli mwam u Kəzə̀ udzəm.

Kolose 2:15

À wən loʼ soʼo jìi zey tə â təm zə̂nə zày wən u saʼanə mbi tii. Tə n lənnə ghə n mgbaŋ nghee tə â təm zə̂nə ghə n zat kə fəkaʼ.

Kolose 3:11

N muu i fəghə zən, kweyyə kə loʼ kə kəm way dzə a dza wə loʼ wù Juu nkee wə way wù Juu, nə ghə səghə tyi kə nkee ghə ka səghə ə, wə loʼ kəkɔd nkee wə way kəkɔd ə. Nə wə loʼ wù kətûm, nə wə loʼ wù mbvən, kweyyə kə loʼ kə way dzə. Isəŋə loʼ kə nə̀ Klisto loʼ kətow nə aghəə adzəm nə təjìi tədzəm.

Hibru 5:9

Ambə Zə̀ kə ghəŋə tsunə nə̀ tə kɔʼ kpii, tə n ghəŋə soʼo wi nə̀ tə doʼo wù wey tə fuunə bəghəshi zən i may way tə̀ ghə̂ ghən ghə zownə tə̀ wi.

1 Pita 3:22

Klisto n kɔʼ idəŋ, tə u doʼnə n kpi u Kəzə̀ u təmə wə, saʼa tsətəndəghə tə Kəzə̀ nsə daʼa wey udzəm u loʼnə idəŋ.