Kolose 1:9 - Kaa n Kəzə̀ n fəghə mə

⁹ À wey loʼ i ghi ni ney nuu bə n tsuʼ fey ghey â zow tsu zɔŋ u ghaa wə, ghey ka kam buu naŋa koʼ ni gɔŋŋə n tow u ghaa nə Zə̀ kə gaamə nə̀ ghaa i loʼ ni keeli ghəə zey tə ləghənə. Tə fuu ghaa n tɔb wə, nsə daʼa kə Zay kə Zow kə nə ghaa i loʼ ni zowkeeli dzɔb ghəə a tii ghə.

Kolose 1:9 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 7:17

Wù wey tə ləghənə ni ghəŋŋə ghəə ghey Zə̀ kə ləghənə, tə i keelinu nə̀ ghəə ghən n diinə fa, a nuu bə n wɔ Zə̀ kə mɔ n ghɔɔmə n ngəŋ zuŋ ə.

Kəfwaʼ 12:5

Nghee Pita loʼnə n ndaw tsaʼ, dzûmə tə Klisto tə n kee loʼ kə ni gɔŋŋə tə Zə̀ kə n tow kə wi.

Roma 12:2

Kə ghaa nə dzûmənə ghow kə ibwey kə ghə̂ a mbi ghən, fəd zəghə tsu n na nə̀ Zə̀ kə kweyyə kɔʼ fə̀ŋ tə ghaa. Abə ghaa ghəŋənə sey, ghaa i loʼ ni keeli ghəə zey Zə̀ kə ləghənə. Ghaa i khə ghəə zey i loʼnə ghə i dzuŋu zə tə Zə̀ kə, khə ghəə zey i loʼnə tsətsəghə, kpiilə soʼo tə̀ wi.

1 Kɔrint 1:5

Nghee tə̀ ghaa loʼnə nə kəfə kəmɔʼ ghi Klisto, tə n fuu ghaa n kuum zə nə ufə̂ udzəm, ghəŋə nə̀ ghaa i khə ghɔɔmə tə dzuŋu tə nə idzuu ni naʼa tûm wi, ghəŋə soʼo nə̀ ghaa i khə tɔb wə n ghəə a Kəzə̀ adzəm.

Efesus 1:8

Zə̀ kə n maŋ feeli fuu saa n ndzuŋ ə wi idzəm, fuu saa n tɔb wə nsə zowkeeli zə.

Efesus 5:10

Sey, ghaa ndəmi tsu iwû ni kəŋ shi kɔʼ ghəə ghey a dzɔbənə tə̀ Mûkəbii, ghəŋŋə ndow ghəə a tii ghə.

Efesus 5:17

Sey, Kə ghaa nə̂ muulənə tə̀ a loʼ ghə̂ a laʼlə ghə, ghaa fəd khə ni zowkeeli tsu ghəə ghey Mûkəbii ləghənə nə̀ ghaa i ghəŋŋə, ghaa n ghəŋə ndow ghəə a tii ghə.

Efesus 6:6

Kə ghaa nə̂ fwaʼa kənə n nəŋə zey wù tii laalə bənə ghaa. Ghaa i fədlə fwaʼa ndow tə̀ a loʼ ghə̂ a kəfwaʼ a Klisto, ghəŋŋə ndow ghəə zey Zə̀ kə ləghənə n fə̀ŋ tə dzuŋu tə.

Filipi 1:4

Nəŋə tədzəm abə n gɔŋŋənə tə̀ ghaa, mə n gɔŋŋə tənə n duʼlə zə n fə̀ŋ zuŋ.

Kolose 1:6

Tûm i dzuŋu zən zaamə n fəŋŋə kə ghaa tə i zaamə nə n mbi idzəm, ni ney nuu bə n tsuʼ fey ghə â naʼa tûm i dzuŋu zə tə ghaa, ghaa n zow, ndzəm zowkeeli tsu ndzuŋ zən Zə̀ kə khənə n kow ghaa.

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

Kolose 4:12

Epafras wən tə loʼnə wù naʼ i ghaa, loʼ soʼo wù kəfwaʼ a Yeso Klisto tɔŋɔ zow bə ghaa. Tə gɔŋŋə tə ghaa nəŋə tədzəm n fə̀ŋ ə wi idzəm. Gɔŋŋə nə̀ Zə̀ kə ghəŋŋə nə̀ ghaa i tɔʼɔ taw n bəghəm i fə̀ŋ i ghaa, sey nə̀, ghaa loʼ ni tɔʼ zowkeeli ghəə a səŋi ghey Zə̀ kə ləghə nə̀ ghaa ghəŋə.

Kolose 4:5

I khə na jìi zey ghaa muunə tii ghi ghə̂ ghey ghə loʼ nə̀ ghə ka kam bəghəm tə Klisto, kə ghaa nə bəghəm nə bùʼ kə tsəghə ghaa nə ghaa ka ghəŋə ghə i səŋi zə tə ghə.

1 Tesalonika 1:3

Abə ghey gɔŋŋənə tə̀ Zə̀ kə tə loʼnə Bày saa, ghey n moʼlə bə fwaʼ key ghaa fwaʼanə bòʼ bəghəm i fə̀ŋ i ghaa, nsə ghəə a dzuŋu ghey ghaa ghəŋənə bòʼ ləghə zey ghaa khənə n wû i ghaa, ghaa n təmi taw soʼo bòʼ bəghəm i fə̀ŋ zey ghaa khənə n kow Mûkəbii ə saa Yeso Klisto.

1 Tesalonika 5:17

Ghaa i gɔŋŋə nəŋə tədzəm.

2 Tesalonika 1:11

À wən loʼ ghə i tii zə ghey gɔŋŋənə tə̀ ghaa nəŋə tədzəm. Ghey gɔŋŋə nə̀ muu i ghaa zə i loʼ n jìi zey Zə̀ kə tɔŋɔnə ghaa nə̀ ghaa muu tii. Ghey gɔŋŋə soʼo nə̀ tə fuu ghaa n daʼa kə sey nə̀, ghaa loʼ ni ghəŋə ghəə a dzuŋu ghey tə ləghənə nə̀ ghaa ghəŋə, ni ndow soʼo n sə kə ni fwaʼa fwaʼ key kə kpiilənə nghee i loʼ nə̀ ghaa khə bəghəm i fə̀ŋ n kow Klisto.

Filemun 1:4

N fuu kəzɔŋŋə nəŋə tədzəm bòʼ wɔ a Filemun abə n gɔŋŋənə tə Zə̀ kə.

Filemun 1:6

N gɔŋŋə nə̀ wə i loʼ ni tɔʼ zowkeeli ghəə a dzuŋu ghən adzəm saa keeli abə saa loʼnə nə kəfə kəmɔʼ ghi Klisto nghee saa bweynə nə kəghow kəmɔʼ n bəghəm i fə̀ŋ i saa tə a loʼ waa a Kəzə̀.

Hibru 10:36

Ghaa khə ni kow tsu kə təfə̀ŋ sey nə̀, abə ghaa ghəŋə tsunə ghəə ghey Zə̀ kə ləghənə, tə i fuu ghaa n fə key tə â təb naŋanə tə ghaa.

Hibru 13:21

fuu ghaa n fə u dzuŋu wə udzəm tə̀ ghaa i bwey ndow n jìi zey tə ləghənə. Tə ghəŋə nə̀ saa i fwaʼa fwa key tə ləghənə n bam i Yeso Klisto, tə wən a fuunə wi n kɔʼlə mə nə tənəŋə tədzəm. Zə i loʼ sey.

Jems 1:5

Abə wù ghaa u loʼ u khə way tɔb wə n ghəə zey Zə̀ kə ləghənə nə̀ tə ghəŋə, tə khə ni nɔɔ ndow tə Zə̀ kə, tə i fuu wi n fə key tə bəbənə, n təŋkey, Zə̀ kə buu n wɔɔ kə, tə fuu tə̀ ghə̂ ghə adzəm nə̀ tə kpaa way wù.

Jems 3:17

A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.

1 Pita 2:15

Ghəə zey Zə̀ kə ləghənə loʼ nə̀, ghəə a dzuŋu ghey ghaa ghəŋŋənə i ghəŋə nə̀ ghə̂ a laʼlə ghey ghə buʼ khə way ghəə ghey ghə ghɔɔmənə, i laʼ kii ghə i bəbə zey ghə loʼ ni kwu ghaa tii.

1 Pita 4:2

Sey, ni ney nuu tsu nya, ndow n sə kə, ghaa khə ni teeli muu muu i ghaa zə n nəŋə zən ghaa nam khənə fa n mbi n jìi zey Zə̀ kə ləghənə, a way dzə n jìi zey gow uwû ləghənə.

1 Jɔn 2:17

Mbi zən nsə fə wən udzəm u loʼ nə tii ghə̂ a ləghə nə̀, u tsəghə daŋŋənu. À kee loʼ nə̀, ghə̂ ghey ghə ghəŋŋənə ghəə ghey Zə̀ kə ləghənə, ghə keeli muu zə itsali.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.