Kolose 1:6 - Kaa n Kəzə̀ n fəghə mə

⁶ Tûm i dzuŋu zən zaamə n fəŋŋə kə ghaa tə i zaamə nə n mbi idzəm, ni ney nuu bə n tsuʼ fey ghə â naʼa tûm i dzuŋu zə tə ghaa, ghaa n zow, ndzəm zowkeeli tsu ndzuŋ zən Zə̀ kə khənə n kow ghaa.

Kolose 1:6 Mawu Ofanana

Matyo 24:14

Ghə i naʼlə Tûm i dzuŋu zən bòʼ Fɔɔ u Kəzə̀ n naʼa tə mbi tən tədzəm tə̀ ghə̂ adzəm a zow tsu, sey mbi i daŋŋə may.”

Matyo 28:19

Sey ndòw na, ghaa i ghəŋŋə ndow nə̀ ghə̂ a naʼa tədzəm, ghə doʼo dzûmə tuŋ, fuu ndòw ghə n mmuu n Kəzə̀ mə n zəd i Bày, Waa, nsə Zay kə Zow kə,

Malakus 16:15

Tə n dza tə̀ ghə nə̀, “Ndòw na n mbi idzəm, ghaa naʼa ndòw tûm i dzuŋu zə tə̀ ghə̂ ghə adzəm.

Malakus 4:8

Ndzoʼ tə loʼ tə n tsɔʼlə ndòw n zub tə dzuŋu tə. Tə n nyim dzɔb kɔʼ, bɔŋ i kɔʼ, keeli tsu ndəmə asə̂ n jìi zey tə loʼ â fuu bənə sə̂ ghə nghəm ntəghə, tə loʼ tə n fuu bə nghəm ntuubə, tə loʼ tə n loʼ asə̂ fəbɔm.”

Tùm i dzuŋu zə kuum Yeso Klisto tə Jɔn â tɔɔnə 15:16

A way dzə ghaa, ghaa â sày bə mə, a loʼ mə, mə â saynə ghaa, fu tsu ghaa n daʼa kə nə̀ ghaa i məə tam u dzuŋu wə, ndzoʼo tam wey u doʼo tən nə, sey nə̀, wù ghaa nɔɔ kə kee tə Bày n zəd zuŋ, Bày i fu fə kə tii kə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 17:19

Mə n ghəŋə wû wuŋ wə nə̀ wə i zow n sə̂ kə n tow u ghə, sey nə̀ ghə i loʼ soʼo ni ndzəmə zow.”

Tùm i dzuŋu zə kuum Yeso Klisto tə Jɔn â tɔɔnə 4:23

Nəŋə i kee bəghənu, zə n buʼ kpii, ghə̂ ghey ghə ndzəmə ngɔɔmənə Bày, zay K-a-zə̀ kə ghəŋŋə ghə nə̀ ghə i ngɔɔmə wi n jìi zey i loʼnə isəŋə, kuum nə̀, à wən loʼ ndzoʼo ghə̂ ghey Bày ləghənə nə̀ ghə i ngɔɔmə wi.

Kəfwaʼ 11:18

Ambə ghə zow tsunə sey, ghə kəm khə way ghəə zə ni khə̂mə wi tii, ghə n zey ndow ni fuu ukali tə Zə̀ kə dza nə̀, “I sey dii nə̀ Zə̀ kə n mbɔŋ fuu soʼo ghə̂ ghən ghə way ghə̂ a Təjuu ghə n bùʼ kə nə̀ ghə kweyyə nuu bə fə̀ŋ tə ghə n ghəə a bəbə ghə, ghə keeli soʼo imuu.”

Kəfwaʼ 12:24

Taŋ a ghə̂ ghey ghə â bəghəmnə ghɔɔmə i Kəzə̀ zə n kee nyîmmə kɔʼɔ ndow, ghɔɔmə i Kəzə̀ zə n zaamə ndow soʼo nghee tə ghə â naʼlə nduŋŋə ndownə.

Kəfwaʼ 16:14

Weyzən u loʼ wə n loʼ fu ghə â tɔŋŋə nə̀ a loʼ Lidia, tə â shinə n naʼ i Taytira. Tə n fìilə tsə ndzə̂ tə wən i taw zə, ngɔɔmə soʼo Kəzə̀. Mûkəbii n chi kɔʼ fə̀ŋ ə wi nə̀ tə bəghəm ghɔɔmə i Pɔl.

Kəfwaʼ 26:18

À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

Roma 1:13

Waazə ghə, n ləghə nə̀ ghaa keeli tsu nə̀, mə n bayyə naŋa wû wə ndəmə tənəŋə ni bə taa n səə ghaa, à kee loʼ nə̀, nəŋə tədzəm abə n bayyə tsunə wû wə ni bə, ghə i loʼ zə maŋ bə təʼlə maʼa kɔʼ mə. Ghə i tii i loʼ nə, n ləghə ni bə fwaʼ soʼo n fəŋŋə kə ghaa ni ghəŋə nə̀ ghə̂ a loʼ ghə a doʼo bə dzûmə tə̀ klisto, ighələ tə n ghəŋənə n naʼa tə loʼ tən ghə way ghə̂ a Təjuu.

Roma 15:19

Tə â ghəŋə ghəə ghən n daʼa kə tsəə tən nsə faalə mən mə â diinə n fəŋŋə kə ghə nsə n daʼa kə Zay kə Zow kə. Sey, mə n naʼa ngəə tsəghə bə tûm i dzuŋu zə bòʼ Klisto ni ney nuu bə n Yerosalem bə taa bə nə Ilirikum.

Roma 15:28

Abə mə i mayyə kɔʼnə fwaʼ kən, fuu tsəghə ndow soʼo khəə wən ghə â tsowwə kɔʼnə tə ghə, mə i daŋŋə bə ni bə koʼ ghaa abə n ndownə n Spen.

Roma 16:26

Zə̀ kə n chi dii bə ghə i tii zə tə saa nya, saa u loʼ soʼo ni koʼ aghəə nghee tə tûm tə Kəzə̀ tə â tɔɔ naŋa zeynə. Zə̀ kən kə loʼnə nəŋə tədzəm n ghəŋə nə̀ ghə̂ a naʼa tə mbi tədzəm a keeli ghə i tii zə, sey nə̀, ghə i loʼ ni bəghəm tə̀ Klisto, ghə i zow soʼo tə wi.

2 Kɔrint 10:14

Ghey ka kɔʼlə dzə wû zə tsəghəshi fwaʼ kə ghey tə̀ a i dza ghey ka kam bə koʼ tsə fey n səə ghaa. Â loʼ ghey ghə̂ a sə isə ghə ni ney bə tûm i dzuŋu zə bòʼ Klisto tə̀ ghaa.

2 Kɔrint 6:1

Nghee tə̀ ghey fwaʼa dzəŋinə ghi Zə̀ kə, ghey buʼu bə kəwɔɔ tə̀ ghaa nə̀ kə̂ ghaa nə bəghəmnə nə̀ ndzuŋ ə Kəzə̀ zən ghaa keelinə doʼo Kənunu.

Efesus 3:2

Ghaa khənu nə̀ à loʼ bòʼ ndzuŋ ə Kəzə̀, tə ghəŋənə nə̀ n doʼo wù kəfwaʼ tə̀ ghaa ghən ghaa way ghə̂ a Təjuu ghə.

Efesus 4:21

N khənu nə̀ ghaa zownu ghəə ghə kuum Klisto, ghaa n zoʼlə shi kɔʼ isəŋə zən i loʼnə kuum Yeso Klisto.

Efesus 4:23

Ghaa khə ni fu ndow wû i ghaa tə̀ Zay K-a-zə̀ kə nə̀ kə kweyyə bə fə̀ŋ tə ghaa, ghaa doʼo bə ghə̂ a fəghə ghə.

Efesus 5:9

kuum nə̀, abə wù muunə nə ustə̀, tə n ghəŋŋə ndzuŋ, loʼ tsətsəghə, fwaʼa nə isəŋə.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Filipi 4:17

N ghəə ghən dza dzə way nə̀ ghaa i fuu bə mə n fə wə, n fədlə ləghə nə̀ ghaa i keeli kɔʼɔ ndow naamə kə n mwam u dzuŋu wey ghaa khənə.

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

1 Tesalonika 1:5

N ghəə ghən dza n tənkey, ghey ka maŋ naʼa dzə tûm i dzuŋu zən tə̀ ghaa nə idzuu. Ghey naʼa n daʼa K-a-zə̀, daʼa kə Zay kə Zow kə, nsə fə̀ŋ tə ghey tə tədzəm. Ghaa khənu jìi zey ghey â muunə tii n nəŋə zey ghey â loʼnə ghi ghaa. Ghey â muu sey n ndzuŋ ə ghaa.

1 Tesalonika 2:13

À wey loʼ ghə i tii zə ghey fuu zeelinə zɔŋŋə kə tə̀ Zə̀ kə n təŋkey ghɔɔmə i wi zən ghaa â zownə n wɔ̂ ghey, ghaa n bəghəm kɔʼ, ghaa â bəghəm naŋa koʼ nə̀ a loʼ ghɔɔmə i Kəzə̀, a way dzə ghɔɔmə i wù sɔŋtsuʼ. À ndzəm loʼ ghɔɔmə i Kəzə̀ n tənkey, ghɔɔmə i tii i fwaʼa n fə̀ŋ tə ghaa ghəŋŋə nə̀ bəghəm i fə̀ŋ i ghaa zə nyîmmə.

2 Tesalonika 2:13

Waazə ghə, ghey khə ni fuu zɔŋŋə kə nəŋə tədzəm tə̀ Zə̀ kə bòʼ ghaa ghən Mûkəbii ləghənə n təŋkey Zə̀ kə â sày ghaa nə nzeyyə nə̀ ghaa keeli ibəghəshi n daʼa kə Zay kə Zow kə ni ghəŋə nə̀ ghaa doʼo ghə̂ wi a zow ghə. Ghəə ghən ghə a shi nghee tə̀ ghaa bəghəmnə tûm Kəzə̀ zən i loʼnə isəŋə.

1 Pita 5:12

À mə gaamə Saylas ni tɔ̀ɔ bə kəmə fə kəmàʼlə fən. Tə loʼ waazə wuŋ wən n tɔʼ khə nə̀ tə loʼ tsətsəghə n bəghəm i fə̀ŋ i wi. N màʼlə kən tɔ̀ɔ bə tə̀ ghaa ni kuu bə fə̀ŋ tə ghaa nə̀ kə ghaa nə kweyyənə bəghəm i fə̀ŋ zey ghaa khənə n kow Klisto nsə ni təmi tiilə bə nə̀ Zə̀ kə ndzəmə diinu fə̀ŋ ə wi i dzuŋu zə tə̀ ghaa. Ghaa ndow kə n sə kə ni bəghəm tûm i tii zə.