Kolose 1:28 - Kaa n Kəzə̀ n fəghə mə

²⁸ Sey, ghey naʼlə tûm i dzuŋu zə bòʼ Klisto tə ghə̂ ghə adzəm. Kii naŋŋə ndow ghə n ghəə ghən a kpiilə way, də̀ŋ ə kɔʼɔ bə ghə nə təjìi tədzəm, sey nə̀, ghey i loʼ ni ney bə ghə n sə K-a-zə̀, nə̀ ghə n beyyə dzɔb, loʼ nə kəfə kəmɔʼ ghi Klisto.

Kolose 1:28 Mawu Ofanana

Matyo 28:20

dii ndòw ghə n ghəə ghə, nə̀ ghə i naŋŋə laŋ wey udzəm â fuunə tə̀ ghaa. Keeli tsu na nə̀ mə i loʼ ghi ghaa nəŋə tədzəm, tə̀ mbi nə̂ bə may.”

Matyo 3:7

Ambə Jɔn koʼ tsunə ndəmə ghə̂ a tə Falasi nsə ghə̂ a tə Sadusi a bəghə soʼonə ni bə ney mmuu n Kəzə̀, tə n dza tə̀ ghə nə̀, “Ghaa loʼ tə̀ a loʼ zuu tə̀ bəbə tə! À ghaa mbɔŋ tsə̀ ndee nə̀ ghaa tyi ngoʼo Kəzə̀ zən i bəghənə ə?

Matyo 5:48

I sey dii nə̀, ghaa khə ni loʼ tsətsəghə ighələ tə̀ Bày ghaa idəŋ loʼnə tsətsəghə.”

Malakus 6:34

Ambə Yeso shi tsunə nə kəfən, koʼ ndòw nɔɔ kə aghə̂ key kə teynə, sî zə n kwu wi n kow ghə, n təŋkey, ghə â loʼ tə̀ a loʼ tənjì nə tə khə way wù baʼa wə. Sey tə n kaʼ ndòw ni dii ghə n ndəmə tə aghəə tə.

Lukas 21:15

Boʼnə n nə fuu ghaa n ghɔɔmə i tii zə nsə tɔb wə n jìi zey ghə̂ a təngəmə a ghaa a nə way ni buʼ khə̂mə ghaa.

Kəfwaʼ 10:36

Ghaa khənu nə̀, Zə̀ kə â tûm bə tûm wi tə ghə̂ ghə Izree ghə, naʼlə ndow tûm i dzuŋu zə bòʼ ibuulə n bam i Yeso Klisto. Tə loʼ Mûkəbii tə ghə̂ ghə adzəm.

Kəfwaʼ 11:20

Dzûmə tə loʼ tən tə â shinə n Sayprus nsə Sirin, n ndow n Antyɔk, zey ndow ni naʼa tûm i dzuŋu zə bòʼ Mûkəbii Yeso tə ghə̂ ghən ghə way ghə̂ a Təjuu ghə.

Kəfwaʼ 13:38

Waazə ghuŋ ghə, n ləghə nə̀ ghaa keeli tsu nə̀, tûm zey ghey naʼlə bənə tə ghaa loʼ nə̀ aloʼ n bam i Yeso Zə̀ kə neyzəənə bəb zey ghaa ghəŋŋənə.

Kəfwaʼ 17:18

Ghə̂ a dii a kəmàʼlə a loʼ ghə, ghə loʼnə n zəghə wə Epikurya nsə a Stɔyk n ndow bə fu, ghɔɔmə ballə ghi wi. A loʼ ghə bəbə nə̀, “Wù wən baa ləghə ni dza nə̀ ngee tə sə ndzaŋŋə luʼu tə fa nə ighɔɔmə ə?” A loʼ ghə n dza nə̀, “À loʼ kə tə̀ tə khəə ghəə a zə̀ u tətùm.” Ghə â ghɔɔmə sey n təŋkey, Pɔl â naʼlə tûm i dzuŋu zə kuum Yeso tə ghə nsə ghəə a zhəm dzəŋŋə ghə nə ivə.

Kəfwaʼ 17:3

Tə n tiilə dza ghəə ghey a loʼnə n màʼlə K-a-zə̀ tə ghə, dii kɔʼ bə soʼo tə ghə nə̀ wù wey Zə̀ kə â dza naŋa nə̀ i tûm bənu â khənu ni fəghə, tə kpu, tə kəm zhəm dzəŋŋə bə nə̀ ivə. Tə n dza ndow tə̀ ghə nə̀, “Yeso wən n naʼlə bənə tə̀ ghaa, à loʼ wi tə loʼnə wù wey Zə̀ kə â dza naŋa nə̀ i tûm bənu.”

Kəfwaʼ 20:31

Ney na ghə̂mə zə, ghaa i moʼlə tsu nghee tə n fəghə kɔʼ bənə tii nə tənum tətəghə n tsə tə nsə n tsuʼu tə nə̀ n tsəə kə ghaa.

Kəfwaʼ 3:20

Abə ghaa ghəŋənə sey, Zə̀ kə i ghəŋə tsu nə̀ kɔŋŋə kə nyaʼi nyi bə ghaa, tə i fuu ghaa n gaamə zə, tə tûm bə soʼo wù wey tə â dza naŋa nə̀ i tûm bənu, tɔŋɔ Yeso wey tə â sày naŋa kɔʼ tə ghaa.

Kəfwaʼ 5:42

Ghə n ka buu doʼo koʼ ni dii aghəə nsə ni naʼlə tûm i dzuŋu zə nə̀ Yeso loʼ wù wey Zə̀ kə â dza naŋa nə̀ i tûm bənu. Ghə n dii ghəə ghən tsuʼu ndzəm n bii kə dzəŋi kə ndaw Kəzə̀ n Yerosalem nsə ndaw tə ndaw.

Kəfwaʼ 8:35

Filip n kaʼ tsu ghɔɔmə i wi n luʼu key tə mə tɔŋɔnə n màʼlə K-a-zə̀ kə tii, naʼa ndow tûm i dzuŋu zə bòʼ Yeso tə wi.

Kəfwaʼ 8:5

Filip n nuu tsu ndow n naʼ i loʼ zə n mboʼo Samaria, naʼlə ndow tûm i dzuŋu zə bòʼ wù wən Zə̀ kə â dza naŋa nə̀ i tûm bənu.

Kəfwaʼ 9:20

Tə n daŋŋə zey ndow ni naʼa tûm nə Yeso loʼ waa Kəzə̀ n ndaw tə udzəŋi tə ghə̂ a Təjuu.

Roma 16:25

N gɔŋŋə nə̀ saa mə fuu nkɔʼlə tə̀ Zə̀ kə. Tə loʼ ni ghəŋə nə̀ ghaa təmi taw tsu, ghaa gaʼ soʼo fə̀ŋ n kow wi. A wey loʼ ghəə zey tûm i dzuŋu zey n naʼlənə kuum Yeso Klisto dzanə. Ghəə zey tûm i dzuŋu zən dzanə kuum Klisto â nyi doʼonu n nùm tə ibam tə.

1 Kɔrint 1:23

A kee bə ghey, ghey naʼlə tûm nə̀ Klisto â kpu n zat kə fəkaʼ. Ghə̂ a Təjuu ghə a ləghə way ni zow tûm zən ghey naʼlənə, ghə̂ ghən ghə way ghə̂ a Təjuu ghə a kee dza nə̀ tɔb u loʼ u way n ghəə a tii ghə.

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

1 Kɔrint 12:8

Zay kə Zow kə ghəŋŋə wù wən tə n ghɔɔmə ghəə ghey a khənə tɔb wə, Zay kə Zow kə mɔʼɔ kə n ghəŋə wù loʼ wey n kee khə utɔb ni khəə aghəə n jìi zey ghə̂ ghə i zowkeelinə.

1 Kɔrint 15:12

Saa fa naʼlə kaabə tsə nə̀ Zə̀ kə mâ zhəm dzəŋŋə Klisto nə ivə, a kee loʼ kee ghə̂ a loʼ ghə n fəŋŋə kə ghaa dza kaabənə nə̀ ghə̂ a way ni zhəm dzəŋŋə nə ivə ə?

1 Kɔrint 2:15

Wù wey Zay kə Zow kə loʼnə n kow wi, loʼnu ni saʼ aghəə adzəm, wù wey Zay kə Zow kə kee way n kow wi, way dzə ni saʼ wù wey Zay kə Zow kə loʼnə n kow wi.

1 Kɔrint 2:6

Abə n loʼnə n fəŋŋə kə dzûmə tə Klisto tey tə loʼ nə̀ tə n beyyə n bəghəm i fə̀ŋ i ghə, mə n naʼlə tûm tə̀ ghə n tɔb wən Zə̀ kə fuunə. N kee naʼlə dzə way tûm tə̀ ghə n tɔb wən a khənə ghə̂ ghən ghə muunə fa n mbi nkee ghə̂ ghən ghə saʼanə mbi zən. Ghə̂ a mbi ghən loʼ nə̀ daʼa u ghə u nya may bənu.

1 Kɔrint 4:14

N ka ghəə ghən tɔ̀ɔ bə dzə ni dədlə tow kə ghaa, a fəd loʼ ni tsə̀ naŋa bə ghaa tə̀ a loʼ waa ghuŋ ghən n ləghənə.

2 Kɔrint 10:14

Ghey ka kɔʼlə dzə wû zə tsəghəshi fwaʼ kə ghey tə̀ a i dza ghey ka kam bə koʼ tsə fey n səə ghaa. Â loʼ ghey ghə̂ a sə isə ghə ni ney bə tûm i dzuŋu zə bòʼ Klisto tə̀ ghaa.

2 Kɔrint 11:2

N mbuŋŋə ni keeli nghee tə̀ ghaa loʼnə tii ighələ tə̀ Zə̀ kə mbuŋŋənə ni keeli. N ləghə ni fuu ndow ghaa tə̀ wù umɔʼ tɔŋŋə Klisto nə̀ ghaa khə way bwu i loʼ zə̀, tə̀ bày weyzən wən ghə â nyi naŋanə nə fuu ndownə waa wi wən tə̀ num nə̀ tə ka kam nyəŋi koʼ tsə ghi weynum.

2 Kɔrint 4:5

Ghey naʼlə way tûm bòʼ wû i ghey, ghey fədlə naʼlə tûm bòʼ Klisto tə loʼnə Mûkəbii. Wû i ghey, ghey loʼ ghə̂ a kəfwaʼ a ghaa bòʼ Yeso.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Efesus 5:27

Sey nə, ndaw Kəzə̀ i loʼ n sə kə wi nə̀ i nyiələ dzɔbə, khə way dzə u loʼ wə, njuʼlə way soʼo. Zə i loʼ nə̀ zow dzɔbənu khə soʼo way bəb i loʼ zə.

Kolose 1:22

A kee loʼ nə̀, Zə̀ kə n ghaa ghəŋə nə̀ ghaa doʼo fə a wi bòʼ və i waa wi wən tə a kpunə n zat kə fəkaʼ, sey nə̀ muu i ghaa zə i zow khə way bwu i loʼ zə, ghaa i loʼ tsətsəghə n sə kə wi.

Kolose 2:10

Zə̀ kə n fuu ghaa n muu i tii zə idzəm nghee ghaa loʼnə ghi Klisto nə kəfə kəmɔʼ. À loʼ Klisto tə khənə daʼa kə tsəghəshi zày wən udzəm u saʼanə mbi.

Kolose 2:3

Ghəə ghən adzəm saa loʼ ni keeli kùm Kəzə̀, nyì doʼo n kow Klisto. À may kə wi tə loʼ ni chi dii ghəə a tii ghə.

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

Kolose 4:12

Epafras wən tə loʼnə wù naʼ i ghaa, loʼ soʼo wù kəfwaʼ a Yeso Klisto tɔŋɔ zow bə ghaa. Tə gɔŋŋə tə ghaa nəŋə tədzəm n fə̀ŋ ə wi idzəm. Gɔŋŋə nə̀ Zə̀ kə ghəŋŋə nə̀ ghaa i tɔʼɔ taw n bəghəm i fə̀ŋ i ghaa, sey nə̀, ghaa loʼ ni tɔʼ zowkeeli ghəə a səŋi ghey Zə̀ kə ləghə nə̀ ghaa ghəŋə.

1 Tesalonika 4:6

Sey î kə̂ wù loʼ nə ghəŋə ghə i bəbə zə tə waazə n ghəə i zən nkee ni tsi ney wey wi. Ghey n ghəə ghən tə̀ ghaa dza, tɔ̀ʼ tiilə tsu tuŋŋə u ghaa nə̀ Zə̀ kə i saʼa bəəbənu ghə̂ ghən ghə ghəŋə ndzoʼo ghəə ghən.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

1 Timoti 3:2

Wù wey tə loʼnə tow kə tə dzûmə tə Klisto tə, khə ni loʼ wù wey tə khə way bwu i loʼ zə n doʼo i wi. Tə khə ni loʼ wù wey tə gaʼnə fə̀ŋ n kow wey wi. Tə khə way ni mbadla fəələ n fə̀ŋ. Tə khə ni nyoʼlə ghəŋŋənə ghəə ghə. Tə khə ni loʼ wù wey ghə̂ a fuunə wi n ngɔɔmə zə. Tə khə ni loʼ wù wey tə loʼ ni kpiney ghə̂ ghey ghə bwey bəghənə n ndaw wi. Tə khə ni loʼ soʼo wù wey tə loʼ ni dii nduŋŋə ndow ghə̂ ghən ghə bəghəmnə tə Zə̀ kə.

Hibru 10:14

I loʼ sey n təŋkey, tə â fəələ kə umaʼlə nəŋə imɔʼ, wə n ghəŋə nə̀ ghə̂ ghən ghə sow maʼa dzənə ghəə a ghə a bəbə ghə, ghə zow may tsu n sə K-a-zə̀.

Hibru 13:21

fuu ghaa n fə u dzuŋu wə udzəm tə̀ ghaa i bwey ndow n jìi zey tə ləghənə. Tə ghəŋə nə̀ saa i fwaʼa fwa key tə ləghənə n bam i Yeso Klisto, tə wən a fuunə wi n kɔʼlə mə nə tənəŋə tədzəm. Zə i loʼ sey.

2 Pita 3:15

Ghaa keeli tsu nə̀ nghee tə Mûkəbii saa kownə fə̀ŋ sa ghi saa loʼ ni fuu ghaa n buʼ kə nə̀ ghaa keeli ibəghəshi. À bɔɔmə loʼ ighələ tə̀ waazə saa u dzuŋu wə tɔŋŋə Pɔl â tɔ̀ɔ bənə tə̀ ghaa n tɔb wey Zə̀ kə â fuunə tə̀ wi.