Kolose 1:25 - Kaa n Kəzə̀ n fəghə mə

²⁵ À loʼ Kəzə̀ tə sàynə mə nə̀ n doʼo wù kəfwaʼ a wi n dzəŋi kə dzûmə tə Klisto. Fwaʼ kən tə funə tə mə loʼ ni tiilə dza ghɔɔmə i Kəzə̀ tə ghə̂ ghə.

Kolose 1:25 Mawu Ofanana

1 Kɔrint 3:5

Apolos ghi Pɔl buʼ loʼ ghə ndee? Ghə maŋ loʼ ghə̂ a kəfwaʼ a Kəzə̀, Zə̀ kə ghəŋənə ghə nə̀ ghə ghəŋə nə̀ ghaa keeli bəghəm i fə̀ŋ n kow Klisto. Kay wù fwaʼa ndòw kə fwaʼ key Mûkəbii fuu naŋanə tə̀ wi nə̀ tə fwaʼ.

1 Kɔrint 9:17

Abə à mə loʼ nə̀ a tsə̀m kɔʼ mə ni naʼlənə tûm i dzuŋu zən, tə n mə moʼlə nə̀ ghaa khə ni tsə mə n fwaʼ kə tii kə. À fa kee loʼ nə̀ a ka tsəm dzə mə ni fwaʼ fwaʼ kən, à loʼ Kəzə̀ kə sàynə mə nə̀ n fwaʼ fwaʼ kən tə fuu naŋanə tə̀ mə.

Efesus 3:2

Ghaa khənu nə̀ à loʼ bòʼ ndzuŋ ə Kəzə̀, tə ghəŋənə nə̀ n doʼo wù kəfwaʼ tə̀ ghaa ghən ghaa way ghə̂ a Təjuu ghə.

Efesus 3:7

N bam i ndzuŋ ə Kəzə̀ nsə daʼa kə wi, n loʼ wù kəfwaʼ a wi ni naʼlə tûm i dzuŋu zən.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

1 Tesalonika 3:2

Ghey n tûm bə Timoti waazə ghey wən tə fwaʼanə tə̀ Zə̀ kə ghi ghey ni naʼa tûm i dzuŋu zən bòʼ Klisto nə̀ tə bə tɔm bə ghaa, tə təm tawwə bə soʼo bəghəm i fə̀ŋ i ghaa.

1 Timoti 4:6

Abə wə tiillə dza ndownə ghəə ghən n dii kɔʼ bənə tə wɔ tə̀ dzûmə tə Klisto tə, ney soʼo fə̀ŋ zə n ghɔɔmə i Kəzə̀ zən wə bəghəmnə tii nsə isəŋə zən wə bweynə tii, wə i doʼo wù kəfwaʼ a Yeso Klisto u dzuŋu wə.