Kolose 1:23 - Kaa n Kəzə̀ n fəghə mə

²³ A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

Kolose 1:23 Mawu Ofanana

Malakus 16:15

Tə n dza tə̀ ghə nə̀, “Ndòw na n mbi idzəm, ghaa naʼa ndòw tûm i dzuŋu zə tə̀ ghə̂ ghə adzəm.

Lukas 22:32

“À kee lòʼnə mə̀ n gɔŋŋə tə wɔ a Shimun, nə khə bəghəm i fə̀ŋ zə i nə buu doʼonə, abə wə̀ i təmi dzəŋŋə bənə, wə̀ i gàamə̀ soʼo waazə ghə.”

Lukas 6:48

Tə loʼ tə̀ a loʼ wù wey tə a dza i bəghə ndaw, tə n bow dzɔb nyi tsu ndòw tsə kə ndaw, bɔm kɔʼ bə tsə̂ u tii wə nə atay. Ambə dzuu naali tsən bənə ndaw tii, zə n way ni beeli təŋkey ghə â bɔm dzɔbnu.

Tùm i dzuŋu zə kuum Yeso Klisto tə Jɔn â tɔɔnə 15:6

Wù wey tə way ghi mə nə kəfə kəmɔʼ, a khəə maʼa shiə ndow wi tə a loʼ kpìi kə fəkaʼ kə bəbə kə, kə n fɔbi zum kɔʼ, ghə n kuumə kpəghə ndow nə uvəllə, kə n fə fu.

Kəfwaʼ 1:17

Judas â loʼ dzəŋi ghi ghey fwaʼa soʼo fwaʼ kən ghey fwaʼanə tə Yeso.”

Kəfwaʼ 1:25

nə̀ tə ney bùʼ kə Judas ni fwaʼ tə a loʼ ngəd, n təŋkey Judas n ndow n luʼu key kə kpiinə tə wi.”

Kəfwaʼ 1:8

À kee loʼ nə̀, abə Zay kə Zow kə i nyi bənə n kow ghaa, ghaa i keeli tsu kədaʼa, ghaa i loʼ soʼo ni təmi tiilə bòʼ mə n Yerosalem, n mboʼo Judeya, Samaria nsə n badla tə mbi tədzəm.”

Kəfwaʼ 11:23

Ambə tə ndow nyi ndow nə̀, koʼ tsu ghəə a dzuŋu ghən Zə̀ kə ghəŋənə tə ghə, tə n duʼlə naʼ idzəm, kuu ndow fə̀ŋ tə ghə nə ghə təmi taw tsu kə ghi Mûkəbii n fə̀ŋ tə ghə tə tədzəm.

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Kəfwaʼ 2:5

Ghəə ghən â shi nə̀ ghə̂ a Təjuu ghən ghə ngɔɔmənə Zə̀ kə n fə̀ŋ ə ghə idzəm loʼ n Yerosalem. Ghə â nuu bə n naʼa tə mbi tədzəm.

Kəfwaʼ 20:24

N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Kəfwaʼ 26:16

Nuu təmi kɔʼ kə n fuu zə. Zuŋ key n dii bənə wû wuŋ wə tə wɔ loʼ ni sày wɔ nə wə doʼo wù kəfwaʼ wuŋ nsə təmi tiilə wuŋ. À loʼ wɔ, wə i tiilə dza nduŋŋə ndownə ghəə ghey wə koʼnə na fa nsə a ghey mə i dii bənə tə wɔ n tsuʼu mən n doʼo kəŋə ndownə isə.

Kəfwaʼ 4:12

À loʼ kə n bam i Yeso wù keelinə bəghəshi zə, wù loʼ kəm way fa n mbi Zə̀ kə fuu naŋanə tə loʼ ni bəghəshi saa n ghəə a saa a bəbə ghə.”

Roma 10:18

N kee bəbə nə̀, à loʼ nə̀ ghə̂ ghə Izree ghə â ka zow tûm i dzuŋu zən ə? Ghə mâ tsəm zow n təŋkey i tɔ̀ɔ doʼo n màʼlə K-a-zə̀ nə̀, “Ghə mâ naʼa ngəə tsəghə bə tûm tii n mbi idzəm. Bat kə mbi kə loʼ kə way soʼo nə̀ ghə ka kam zow tûm i tii zə a fu.”

Roma 15:16

Zə̀ kə n fuu mə n ndzuŋ nə̀ mə i loʼ wù kəfwaʼ ə Yeso Klisto tə ghə̂ ghən ghə way ghə̂ a Təjuu ghə. N fwaʼa tə a loʼ fɔɔngili ni naʼlə tûm i dzuŋu zən Zə̀ kə fuu bənə ni ghəŋə nə̀ ghə̂ ghən ghə way ghə̂ a Təjuu ghə, a doʼo bə maʼlə wən Zə̀ kə bəghəmnə, nə̀ a ghə sow naŋa kɔʼ Zay kə Zow kə tə̀ wi.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

Roma 5:5

Ləmə zən saa ləmmənə, way dzə ni doʼo kənunu n təŋkey, Zə̀ kə n kuu naŋa ləghə i wi zə n fə̀ŋ tə saa naʼidzəm n wû u Zay kə Zow key tə fuunə tə saa.

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

1 Kɔrint 3:5

Apolos ghi Pɔl buʼ loʼ ghə ndee? Ghə maŋ loʼ ghə̂ a kəfwaʼ a Kəzə̀, Zə̀ kə ghəŋənə ghə nə̀ ghə ghəŋə nə̀ ghaa keeli bəghəm i fə̀ŋ n kow Klisto. Kay wù fwaʼa ndòw kə fwaʼ key Mûkəbii fuu naŋanə tə̀ wi nə̀ tə fwaʼ.

2 Kɔrint 10:1

À loʼ mə̀ Pɔl n wû wuŋ wə, n maʼa tsunə wû wə ni buʼ kəwɔɔ tə̀ ghaa n zəd i Klisto wən tə buulənə, zə̀ələ loʼ soʼo. À loʼ mə wən ghə̂ a loʼ a dza kaabənə nə̀ abə n loʼnə n sə kə ghaa, mə n tsəŋə, kee tɔɔbə ghɔɔmə abə n nuu ndownə.

2 Kɔrint 11:23

Ghə dza nə̀ ghə loʼ ghə̂ a kəfwaʼ a Klisto ə? (N ghɔɔmə tə̀ a loʼ wù zəghə), n buʼ tsəghəshi ghə. Mə n fwaʼ ndəmə tə aghəə tə səŋi tə, nyi n ndaw tsaʼ n ndəmə tənəŋə, ghə n mə bwɔd n ndəmə tənəŋə, mə n koʼ və zə n ndəmə tənəŋə.

2 Kɔrint 3:6

À loʼ wi tə ghəŋənə nə̀ ghey kɔʼ kpii tə̀ a loʼ ghə̂ a kəfwaʼ n kâa n fəghə mən. Kaa n fəghə mən ka tɔ̀ɔ doʼo dzə n màʼlə K-a-zə̀, à loʼ n Zay kə Zow kə, kuum nə̀ ghəə ghey a tɔ̀ɔ doʼonə nə kəmaʼlə fədlə wey wù, Zay kə Zow kə u kee fuunə muu zə.

2 Kɔrint 4:1

Nghee tə Zə̀ kə kwɔɔlənə sî zə n kow ghey, fuu ghey n fwaʼ kə kən, fə̂ kə loʼ kə way kə loʼ ni ghəŋə nə̀ ghey buu səə.

2 Kɔrint 6:1

Nghee tə̀ ghey fwaʼa dzəŋinə ghi Zə̀ kə, ghey buʼu bə kəwɔɔ tə̀ ghaa nə̀ kə̂ ghaa nə bəghəmnə nə̀ ndzuŋ ə Kəzə̀ zən ghaa keelinə doʼo Kənunu.

Galeshia 4:11

Fə̀ŋ baŋa mə n kow ghaa! Fiilə kə sa tə n fa maŋ fəghə nay n kow ghaa kənunu.

Galeshia 5:5

Saa ghən saa muunə n daʼa kə Zay kə Zow kə, ləmmə tənə ni doʼo tsətsəghə n sə K-a-zə̀, n təŋkey, saa n bəghəm tə Klisto.

Galeshia 5:7

Ghaa â mgbaŋa bwey dzɔbənu n muu i ghaa ghi Klisto. À ghaa â kəm kwu naŋa ndee nə̀ ghaa ka təmi tən kə nə isəŋə zən ghaa â bəghəm nə ə?

Galeshia 6:9

Sey, i kə saa nə buu doʼlənə ni ghəŋŋə ghəə a dzuŋu ghə nəŋə tədzəm, n təŋkey abə saa ka buu doʼo ni ghəŋŋə ghəə a dzuŋu ghə, nəŋə i bəghənu, saa i keelinə naamə.

Efesus 1:18

N gɔŋŋə soʼo nə̀ fə̀ŋ tə ghaa tə chi kɔʼ ni koʼ tsə ə Kəzə̀, sey nə̀, ghaa i loʼ ni tɔʼ zowkeeli ghəə ghey ghaa gaʼnə fə̀ŋ tii tə̀ a loʼ ghə̂ a Kəzə̀. N ləghə nə̀ ghaa zowkeeli tsu naamə kə nii key nsə buulə zey tə â təb naŋanə ni fu tə̀ ghə̂ a wi ghə.

Efesus 2:21

À loʼ wi tə kwu keelinə ndaw tii, ghəŋŋə nə̀ zə i nyîmmə kɔʼɔ tə̀ a loʼ dzəŋi kə dzûmə tə Klisto kə zow kə ghə səd naŋanə ni ngɔɔmə Mûkəbii.

Efesus 3:17

N gɔŋŋə soʼo nə̀ Klisto î muu n fə̀ŋ tə ghaa bòʼ bəghəm i fə̀ŋ zey ghaa khənə. Mə n gɔŋŋə soʼonə nə̀ ghaa səd doʼo dzɔb tsu n ləghə zey ghaa khənə n kow Zə̀ kə nsə n wû i ghaa.

Efesus 4:16

À loʼ Klisto tə təm naŋa dzəŋinə saa nə kəfə kəmɔʼ tə̀ a loʼ wû u wi, a loʼ wi tə zuŋŋə naŋa bənə saa. Sey, abə badla tə uwû tə saa tədzəm tə fwaʼa dzɔbənə n dəŋə kə ghə, gaamə tiilə iwû, wû udzəm wə n nyîmmə dzɔbə nə iləghə.

Kolose 1:25

À loʼ Kəzə̀ tə sàynə mə nə̀ n doʼo wù kəfwaʼ a wi n dzəŋi kə dzûmə tə Klisto. Fwaʼ kən tə funə tə mə loʼ ni tiilə dza ghɔɔmə i Kəzə̀ tə ghə̂ ghə.

Kolose 2:7

Ghaŋ tə ghaa tə khə ni nyi taw tsu n kow wi, ghaa bəghə kɔʼ bə muu i ghaa n kow wi, sey, bəghəm i fə̀ŋ i ghaa zə i nyîmmə nə isəŋə zən ghə â diinə tə ghaa, ghaa i fuu soʼo zɔŋŋə kə tə Zə̀ kə naʼ idzəm.

1 Tesalonika 3:3

Ghey ləghə nə̀ kə wù ghaa u loʼ u nə keelinə tsəŋ zə n chɔd mən ghaa koʼonə n təŋkey, ghaa khənu nə̀ saa adzəm khə ni keeli ndzoʼo chɔd mən boʼo Kəzə̀.

1 Tesalonika 3:5

À wey loʼ ghə i tii zə mə â koʼ tsunə nə̀ i dzɔbənu tə mə ni tûm bə Timoti n təŋkey, mə â kəm way ni kow fə̀ŋ. Sey, mə n tûm bə Timoti nə̀ tə bə koʼ tsu nə̀ ghaa loʼ ngee n bəghəm i fə̀ŋ i ghaa. Mə â tsəŋənu nə̀ n nəŋə i loʼ i, vəətsəə ghə n ghaa nəb fuu nə̀ ghaa bwu n ghəə a bəbə ghə ni ghəŋə nə̀ fwaʼ kə ghey kədzəm kə maŋ doʼo kɔʼ kənunu.

1 Tesalonika 5:8

Saa ghən saa loʼnə ghə̂ ghey ghə loʼnə nə kədaa fəd khə ni khə zuŋ kə umwam. Saa khə ni khə bəghəm i fə̀ŋ nsə ləghə zə tə a loʼ dzə̀ tə tsam kəŋ naŋa muu i saa. Saa khə ni khə tən moʼlə zey nə̀ Zə̀ kə i bəghəshiənu saa tə a loʼ taŋŋə kə tsam ni tsəd tow u ghey.

2 Tesalonika 2:16

Ghey gɔŋŋə ndow tə̀ Mûkəbii saa Yeso Klisto nsə tə̀ Zə̀ kə tə loʼnə Bày saa. Zə̂ kən kə ləghənə saa, tə tsəmmənə fəŋ tə saa nəŋə tədzəm, ghəŋə nə̀ saa i ləmə tənnə tə wi n bam i ndzuŋ ə wi.

1 Timoti 1:12

N fuu kəzɔŋŋə tə Yeso Klisto Mûkəbii saa, tə fuunə mə n daʼa kə nə n fwaʼ fwàʼ kuŋ. N fuu zɔŋŋə kə wi nghee tə koʼ tsu nə̀ n loʼnu tsətsəghə, tə u say kɔʼnə mə nə̀ n fwaʼ tə wi.

1 Timoti 2:7

À wən loʼ zuŋ key Zə̀ kə â sàynə mə tə a loʼ ngəd tə Yeso Klisto, tûm ndow soʼo mə tə̀ a loʼ wù dii nə̀ n ndow naʼa tûm i dzuŋu zə tə ghə̂ ghən ghə way ghə̂ a Təjuu ghə bòʼ bəghəm i fə̀ŋ nsə isəŋə kuum Yeso. Ghəə ghən n dzanə, loʼ isəŋə, n badla dzə way ghəə ghə.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

Taytus 3:7

sey nə̀, n bam i fə̀ŋ i dzuŋu zən tə khənə, tə i ghəŋə nə̀ saa i loʼ ni doʼo bə tsətsəghə n sə K-a-zə̀, saa i loʼ soʼo ni bə keeli fə wey tə ləghənə ni fuu tə̀ saa nghee saa ləmmə tənə ni keeli muu zə itsali.

Hibru 10:38

Ghə̂ ghuŋ ghən ghə loʼnə tsətsəghə i muulənu nghee ghə gaʼnə fə̀ŋ tə ghə tə n kow mə, Abə wù ghə kee bwu khə̂mmə tsunə n bəghəm i fə̀ŋ i wi Mə i duʼlə way ghi wi.”

Hibru 3:14

Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.

Hibru 3:6

Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.

Hibru 4:14

Sey, nghee i loʼ dzə nə̀ saa khənu taw kə fɔɔngili u nii nii wən tɔŋŋə Yeso, tə loʼnə waa Kəzə̀, nə̀ tə n tsəghə tɔɔlə, ndow nyi n luʼu key Zə̀ kə loʼnə tii idəŋ, saa bɔɔmə təmi tən tsu kə n bəghəm i fə̀ŋ zey saa khənə n kow Zə̀ kə.

Hibru 6:19

À loʼ ləmə zən i ghəŋŋənə nə̀ bəghəm i fə̀ŋ i saa zə i taw tə̀ nyəllə u kəfən u tɔɔmənə fə̀n kə n dzuu nə̀ kə təmi taw tsu. Yeso wən saa ndzəm gaʼnə fə̀ŋ tə saa tə n kow wi, tali tsəghə ndow saa n kə̀ŋ wən u loʼnə n dzəŋi kə dzûmə tə Klisto idəŋ, tə nyi daŋŋə ndow n fə̀ŋ ə luʼu key Zə̀ kə muunə tii.

1 Pita 1:3

Saa fuu kəzɔŋŋə tə̀ Zə̀ kə tə loʼnə Bày tə Mûkəbii saa Yeso Klisto! Nghee tə ngii khənə sî i kwɔɔlə zə, tə n ghəŋə nə̀ saa i khə muu i fəghə zə nghee tə zhəm dzəŋŋə bənə Yeso Klisto nə ivə. À wən loʼ ghə i tii zə, saa muunə, ləmmə tənə nə̀ Zə̀ kə i fuunu saa n fə key tə â təb naŋanə tə̀ saa.

1 Pita 1:5

Nghee tə̀ ghaa bəghəmnə tə̀ Klisto, Zə̀ kə i keyyə ghaa n daʼa kə wi kən tə khənə ni ndow kuum n nəŋə zey Klisto i bəghənə. À loʼ n nəŋə i tii zə ghə i bəghəshiənə ghaa n nəŋə zey Zə̀ kə i saʼanə mbi tii.

1 Jɔn 2:27

A kee bə ghaa, Klisto n ghaa tsuʼ naŋa nghee tə fuunə ghaa n Zay kə Zow kə wi kə. Nghee Zay kə Zow kə loʼ dzənə n kôw ghaa, ghaa kəm khə dzə way ni kəŋ wù loʼ nə̀ tə dii ghaa n ghəə ghə. Tə i dii ghaa n ghəə ghey adzəm ghaa ləghənə ni keeli. Ghəə ghən tə i diinə tə ghaa loʼ isəŋə, a way dzə ghəə a badla ghə. Sey, dzûmə na ghəə ghey tə diinə tə ghaa, tə ghaa doʼo nə kəfə kəmɔʼ ghi Klisto.

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.