Kolose 1:2 - Kaa n Kəzə̀ n fəghə mə

² N màʼlə kən tɔ̀ɔ bə tə ghə̂ a Kəzə̀ ghən ghə bəghəm nə tə Klisto n naʼ i Kolose. N gɔŋŋə nə̀, Zə̀ kə, tə loʼnə Bày saa, tə fuu ghaa n ndzuŋ nsə buulə zə.

Kolose 1:2 Mawu Ofanana

Kəfwaʼ 9:13

Ananyas n beeli kɔʼ nə̀, “Mûkəbii, ndəmə aghə̂ ghə n dza ghəə ghə tə mə kuum wù wən nsə ndəmə tə aghəə tə bəbə tey tə ghəŋŋənə n kow ghə̂ a Kəzə̀ ghə n Yerosalem.

Roma 1:7

N màʼlə kən tɔ̀ɔ bə tə ghaa ghə̂ a Roma ghən Zə̀ kə ngii ləghənə, sày kɔʼ soʼo ghaa nə̀ ghaa doʼo ghə̂ a wi. N gɔŋŋə nə̀ Zə̀ kə tə loʼnə Bày saa ghi Mûkəbii Yeso Klisto dii ghaa n ndzuŋ ə wi tə ghəŋə soʼo nə̀ ghaa i loʼ nə ibuulə.

1 Kɔrint 1:2

N tɔ̀ɔ bə màʼlə kən tə ghə̂ a Kəzə̀ ghey n naʼ i Kɔrint, ghə̂ ghən Zə̀ kə sày naŋanə nə̀ ghə doʼo ghə̂ a wi a zow ghə nsə ghə̂ ghən adzəm ghə loʼnə nə kəfə kəmɔʼ ghi Mûkəbii Yeso Klisto nə təluʼu tədzəm. Tə loʼ Mûkəbii ə ghə, loʼ soʼo Mûkəbii ə saa.

1 Kɔrint 4:17

À wən loʼ zuŋ key n tûm bənu Timoti tə̀ ghaa. Tə loʼ tə̀ a loʼ waa wuŋ wən n ngii ləghənə, tə u ngii gaʼ soʼonə fə̀ŋ n kow Mûkəbii. Tə i zəŋŋə bə ghaa n jìi zey n muu kɔʼ bənə tii tə̀ a loʼ dzûmə Yeso Klisto. À loʼ n jìi i mɔʼɔ zə n diinə n dzəŋi u dzûmə tə Klisto tə udzəm, nə təluʼu tədzəm.

Galeshia 1:3

N gɔŋŋə ndow tə Zə̀ kə tə loʼ Bày saa nsə Mûkəbii Yeso klisto nə tə fuu ghaa n ndzuŋ nsə buulə zə.

Galeshia 3:9

Sey ghə̂ ghən ghə bəghəm nə tə Klisto, ghə i keeli soʼo buulə zən Abraham wən tə a bəghəm tə Zə̀ kə â keelinə.

Efesus 1:1

À màʼlə kən tɔ̀ɔ bə mə Pɔl. Zə̀ kə n say mə nə̀ n doʼo ngəd ə Yeso Klisto. N tɔ̀ɔ bə tə̀ ghə̂ a Kəzə̀ ghən n naʼ i Efesus ghə bəghəmnə tə̀ Yeso Klisto, taw dzɔbə n bəghəm i fə̀ŋ i ghə.

Efesus 6:21

Taychikus, tə loʼnə waazə ə saa wən saa ngii ləghənə, tə fwaʼanə tə̀ Mûkəbii n fə̀ŋ ə wi idzəm, î tɔʼɔ tiilə dza bənu ghəə ghə adzəm tə̀ ghaa. Sey nə̀, ghaa tɔʼ keeli tsu nghee tə̀ n loʼnə tii nsə fwaʼ key n fwaʼanə.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.

1 Pita 1:2

Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.

2 Pita 1:2

N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, kə ghəŋə soʼo nə̀ ghaa i loʼ nə ibuulə naʼ idzəm n təŋkey ghaa ndzəm khənu Zə̀ kə nsə Yeso tə loʼnə Mûkəbii saa.

Màʼlə kə Jud tə̀ ghə̂ a Kəzə̀ ghə 1:2

N gɔŋŋə nə̀ Zə̀ kə i khə sî i kwɔɔlə zə n kow ghaa, tə fuu ghaa n buulə zə, tə dii soʼo ghaa n ləghə i wi zə naʼ idzəm.

Chi dii 1:4

À loʼ mə Jɔn n tɔɔnə màʼlə kən. N tɔ̀ɔ bə tə̀ dzəŋi u dzûmə tə Klisto wən usəghəmbəghə u loʼnə n mboʼo Eshya. N gɔŋŋə nə̀ Zə̀ kə mə dii ghaa n ndzuŋ ə wi, tə fuu soʼo ghaa n buulə zə. À loʼ wi tə â loʼnə nə nzeyyə, tə loʼnə nyisa, à loʼ soʼo wi tə i bəghənə. N gɔŋŋə soʼo nə̀ zày u Kəzə̀ wən usəghəmbəghə u loʼnə n sə kə ndaŋ ə kədə̀ŋ ə Kəzə̀ dii ghaa n ndzuŋ, u fuu soʼo ghaa n buulə zə.