Kolose 1:18 - Kaa n Kəzə̀ n fəghə mə

¹⁸ Klisto loʼ tow kə dzəŋi kə dzûmə tə Klisto, i loʼnə wû u wi wə. À loʼ wi wù sə isə Zə̀ kə â zhəm dzəŋŋə bənə nə ivə ni ghəŋə nə̀ tə i loʼ tow kə nə aghəə adzəm.

Kolose 1:18 Mawu Ofanana

Matyo 23:8

Kə wù ghaa u loʼ u nə kee bəghəmnə nə̀ ghə tɔŋɔ wi nə̀ a loʼ, ‘Wù dii’, n təŋkey, ghaa loʼ awaazə, ghaa khə kə wù dii umɔʼ.

Matyo 28:18

Yeso n bə n səə ghə, dza tə ghə nə̀, “Zə̀ kə n fuu mə n daʼa kə ni saʼ fə wən udzəm u loʼnə idəŋ nsə fa a ghəlitsə.

Tùm i dzuŋu zə kuum Yeso Klisto tə Jɔn â tɔɔnə 1:1

Tə Zə̀ kə ni kaʼ mbi, wù wey ghə tɔŋŋə nə̀ a loʼ Ighɔɔmə tə â loʼnu, Ghɔɔmə zə n loʼ ghi Zə̀ kə, Ghɔɔmə i tii zə n loʼ Kəzə̀.

Tùm i dzuŋu zə kuum Yeso Klisto tə Jɔn â tɔɔnə 1:16

Saa n keeli ndzuŋ kəm keeli kuulə bòʼ ləghə i wi zən tə khənə n kow saa naʼ idzəm.

Tùm i dzuŋu zə kuum Yeso Klisto tə Jɔn â tɔɔnə 1:27

Wù tii bəghə n baa mə̀, n ka kɔʼ kpii dzə̀ ni zii baʼ u təgow u wi.”

Kəfwaʼ 26:23

Ghə â dza naŋa nə̀, ‘Wù wey Zə̀ kə â dza naŋa nə̀ i tûm bənu khə ni teeli bə fəghə, tə kpu tsu dzə, a loʼ soʼo wi ni doʼo wù sə̂ isə̂ ni zhəm dzəŋŋə nə ivə, sey tə i naʼlə bə tûm bòʼ ibəghəshi i loʼnə tə a loʼ kədaa tə ghə̂ a Təjuu nsə ghə̂ ghən ghə way ghə̂ a Təjuu ghə.’”

Roma 8:29

I loʼ sey n təŋkey, ghə̂ ghey Zə̀ kə â khənə nə̀ ghə i bə doʼlə ghə̂ a wi, tə â khənu nə̀ ghə i kweyyə nuulə bənu, ghə doʼo bə tə a loʼ waa wi, sey nə̀ waa wən i loʼ waa u sə isə wə n fəŋŋə kə ndəmə ghə̂ ghən ghə loʼnə dzûmə tə Klisto tə.

1 Kɔrint 11:3

N kee ləghə nə̀ ghaa zowkeeli tsu nə̀ Klisto loʼ kətow tə̀ gheynum ghə adzəm, weynum u loʼnə tow kə tə̀ wey wi, Zə̀ kə a loʼnə tow kə tə̀ Klisto.

1 Kɔrint 12:27

Ghaa loʼ wû u Klisto, kay wù n fəŋŋə kə ghaa u loʼ zuŋ kə uwû kə wi kə.

1 Kɔrint 15:25

I khə ni doʼo sey n təŋkey Klisto khə ni saʼ mbi zən ni ndow kuum n nəŋə zey tə i ney naŋŋə bənə ghə̂ a təngəmə a wi ghə adzəm n tənə fuu i wi.

Efesus 1:10

Zə̀ kə â bayyə naŋa nə̀, abə nəŋə zey tə sàynə î kpii tsunə, tə i ney naŋa bə fə udzəm fa n mbi n tənnə Klisto, tɔŋŋə, fə wey u loʼnə idəŋ nsə u wən u loʼnə fa a ghəlitsə.

Efesus 5:23

Kuum nə̀ weynum wən tə khənə wey loʼ kətow tə̀ wey wi ighələ tə̀ Klisto loʼnə tow kə n dzəŋi kə dzûmə tə Klisto. Dzûmə tə Klisto tədzəm tə loʼ tə̀ a loʼ wû u Klisto. Klisto loʼ wù wey tə bəghəshiənə ghə̂ a Kəzə̀ ghə adzəm.

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

Kolose 2:19

Ndzoʼo ghə̂ ghən kəm zow way tə Klisto, tə loʼnə tow kə n dzəŋi kə dzûmə tə Klisto, tɔŋɔ wû u wi. À loʼ wi tə kwu keelinə wû wə udzəm nə kəfə kəmɔʼ nə uzuŋ, ghəŋŋə nə̀ wə i nyîmmə n daʼa K-a-zə̀.

1 Jɔn 1:1

Ghey ghəə ghən tɔ̀ɔ bə tə ghaa kuum ghɔɔmə zən i ghəŋŋənə nə̀ ghə̂ a keeli imuu. Ghɔɔmə i tii i mâ khə doʼo zey tə̀ Zə̀ kə ni bɔm mbi. Ghey mâ zow, ghey n koʼ ndow soʼo n sə̂ a ghey. Isəŋə loʼ nə̀ ghey mâ koʼ wi, mɔm tsu soʼo wi n wɔɔ a ghey ghə.

Chi dii 1:18

N loʼ wù wey tə loʼnə utaw. N mâ kpu, nyisa n khə muu zən i nə may koʼ way. À loʼ mə n khənə daʼa kə n kow və zə nsə n kow naʼ zə ivə zə.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.

Chi dii 1:8

Mûkəbii tə loʼnə Zə̀ kə, dza nə̀, “N loʼ ney kəsə̂ nsə fii kəbam. Mə â loʼ nə̀ nzeyyə, mə n loʼ nə nyisa, à loʼ soʼo mə, n khənə ni kəm bə. À khə mə daʼa wə udzəm.”

Chi dii 11:15

Jim wə n kəm bə mə. N jim u tii wə, tsəndəghə Kəzə̀ zey nə ulii usəghəmbəghə n tɔŋ tsu sɔŋ i wi, mə n zow ndow dzə̀ tə taw tə loʼ tə, tə fuŋunə idəŋ, dza bə nə̀, “Daʼa key ni saʼ fɔɔ u mbi zən Loʼ n wɔɔ kə Zə̀ kə saa ghi wù wey tə â dza naŋa nə̀ i tûm bənu, Tə i saʼa saa tə̀ mbi nə bə may.”

Chi dii 21:6

Tə n daŋŋə dza bə tə̀ mə nə̀, “Mə n ghəŋə may ghəə ghə adzəm! N loʼ ney kə sə nsə fii kə bam. À zey mə ghəə ghə adzəm, à mayyə soʼo mə ghəə ghə adzəm. Ghə̂ ghən fə̀ŋ ə mmuu zuʼlənə ghə, mə i fuu ghə n mmuu mə n shiə bənə n tɔŋ fə dzuu fey fə fuu muu zə nə̀ ghə ka fə kə tsə.

Chi dii 22:13

N loʼ ney kəsə loʼ soʼo fii kəbam. A zey mə ghəə ghə adzəm, à guŋə soʼo mə ghəə ghə adzəm.”

Chi dii 3:14

Yeso n dza kpiʼi bə tə̀ mə nə̀, “Tɔ̀ɔ ndow tə tsəndəghə ə Kəzə̀ zey i keyyənə dzəŋi kə dzûmə tə Klisto key n Lodishya nə̀, wù wey ghə tɔŋŋə nə̀ à loʼ Zə i loʼ sey, tə wey tə zownə tə̀ Zə̀ kə, dza soʼo isəŋə n ghəə a Kəzə̀, wù wey Zə̀ kə â dzəŋi kaʼ tsu ni bɔm ufə udzəm fa n mbi ghi wi, dza nə̀,