Kolose 1:16 - Kaa n Kəzə̀ n fəghə mə

¹⁶ Zə̀ kə â ney waa wi ni bɔm ufə̂ udzəm idəŋ nsə fa a ghəlitsə. À bɔm wi fə wən a loʼ ni koʼ nsə u wən a way ni koʼ. Â bɔm wi tsətəndəghə tə Kəzə̀ tə nsə zay wən u loʼnə n luʼu tə usəghə idəŋ nsə zày wən u saʼanə fa n ghəlikətsə. Zə̀ kə â ney wi ni mbi idzəm, tə n bɔm mbi ə tii tə̀ wi.

Kolose 1:16 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 1:10

À mbi â mgbaŋ bɔm wi, ambə tə bənə n mbi, ghə̂ a mbi ghə n ka koʼ keeli wi.

Tùm i dzuŋu zə kuum Yeso Klisto tə Jɔn â tɔɔnə 1:3

Zə̀ kə â bɔm ufə̂ udzəm nə̀ tə tsəghə n kow wi, fə̂ kə loʼ kə way fa n mbi nə̀ a ka wi bɔm.

Roma 11:36

I loʼ sey n təŋkey, à loʼ Kəzə̀ kə fwaʼnə fə wə udzəm. À naŋŋə wi fə wə udzəm, à loʼ wi tə khənə fə wə udzəm. Saa khə ni fuu kɔʼləmə tə Zə̀ kə nəŋə tədzəm. Zə i loʼ sey.

Roma 8:38

N dza sey n təŋkey n khənu nə̀ fə kə loʼ kə way dzə ni dzawwə saa n ləghə zən Zə̀ kə khənə n kow saa. Nə à loʼ kə ivə nkee imuu, nə̀ a loʼ kə tsətəndəghə tə Kəzə̀ nkee avəətsəə, nə̀ a loʼ kə ghəə ghən saa loʼnə nya tii nkee a ghey a nə bəghənə nkee daʼa u ghaa wə, u tsəm way ni dzawwə koʼ saa.

Roma 9:5

Ghə loʼ waa a waa ghə Abraham Ayzik nsə Yakɔb. Ghə â ji bə Klisto wən Zə̀ kə â dza naŋa nə̀ i tûm bənu n naʼ zə Izree tə a loʼ wù sɔŋtsuʼ. Tə loʼ Kəzə̀, à saʼa wi fə wə udzəm, saa ndzəm khə soʼo ni fuu wi n kɔʼləmə nəŋə tədzəm. Zə i loʼ sey.

1 Kɔrint 8:6

A kee bə saa, saa khə kə Kəzə̀ kəmɔʼ. À loʼ Bày saa tə bɔmnə fə wə udzəm, saa fa muu bòʼ wi. I loʼ soʼo nə̀ saa khə kə Mûkəbii umɔʼ. À loʼ Yeso Klisto wən Zə̀ kə â bɔmnə fə wə udzəm fa n mbi n bam i wi, à loʼ soʼo n bam i wi saa muunə.

Efesus 1:10

Zə̀ kə â bayyə naŋa nə̀, abə nəŋə zey tə sàynə î kpii tsunə, tə i ney naŋa bə fə udzəm fa n mbi n tənnə Klisto, tɔŋŋə, fə wey u loʼnə idəŋ nsə u wən u loʼnə fa a ghəlitsə.

Efesus 6:12

N təŋkey, saa zùulə baalə dzə way ghi wù sɔŋtsuʼ. Saa zùulə baalə ghi zay u bəbə wən u loʼnə tə̀ a loʼ udə̀ŋ fa mbi, zay u bəbə wən u loʼnə tow kə n ghəə ghən a tsəghənə nə kələm, daʼa u bəbə wən u saʼanə ghəə a mbi ghə, nsə sə̀ghə̀ n bəbə mən n loʼnə idəŋ.

Filipi 2:10

Sey nə̀, n zəd i Yeso, Aghə̂ adzəm idəŋ nsə fa a ghəlitsə, Nsə n tənə kəghəlitsə, ghə i təmə tənguʼ, ghə ngɔɔmə zəd Yeso.

Kolose 1:15

Klisto loʼ fiilə K-a-zə̀ nə aghəə adzəm, tɔŋŋə Zə̀ kən a koʼo way. Tə Zə̀ kə ni bɔm mbi, à n loʼ nə waa wi loʼ zeynu, tə u loʼ nə tow kə n fə u mbi udzəm.

Kolose 1:20

Zə̀ kə â neynə waa wi ni ghəŋə nə̀ fə wən udzəm u loʼ nə fa n mbi, u doʼo dzəŋŋə bə n tənə wi. Â loʼ n bam i kàŋ tə waa wi wən ghə â baanə n zat kə fəkaʼ, Zə̀ kə â ghəŋənə nə buulə zə i loʼ fa n mbi, idəŋ nsə a ghəlitsə.

Kolose 2:10

Zə̀ kə n fuu ghaa n muu i tii zə idzəm nghee ghaa loʼnə ghi Klisto nə kəfə kəmɔʼ. À loʼ Klisto tə khənə daʼa kə tsəghəshi zày wən udzəm u saʼanə mbi.

Kolose 2:15

À wən loʼ soʼo jìi zey tə â təm zə̂nə zày wən u saʼanə mbi tii. Tə n lənnə ghə n mgbaŋ nghee tə â təm zə̂nə ghə n zat kə fəkaʼ.

Hibru 1:2

Abə nya n num tə tən, Zə̀ kə ghɔɔmə bə aghəə tə̀ saa n bam i waa wi. À loʼ waa wi wən Zə̀ kə â bɔmnə fə wə udzəm n bam i wi, à loʼ soʼo wi Zə̀ kə â sày naŋanə nə̀ à i zə̂ wi fə wə udzəm fa n mbi.

Hibru 2:10

Ufə udzəm, à bɔm Kəzə̀, à loʼ soʼo wi tə ghəŋŋənə nə̀ fə u tii wə i loʼ n jìi zey u loʼnə tii. Zə̀ kə â ghəŋə nə̀ Yeso fəghə sey nə̀ tə i ndzəm loʼ wù sə isə wey tə kpiinə ni ghəŋə nə̀ ndəmə aghə̂ a keeli kɔʼlə n wi. À wən loʼ ghəə zey i ghəŋənə nə̀ Yeso i ndzəm loʼ wù wey tə kpiinə ni bəghəshi aghə̂.

1 Pita 3:22

Klisto n kɔʼ idəŋ, tə u doʼnə n kpi u Kəzə̀ u təmə wə, saʼa tsətəndəghə tə Kəzə̀ nsə daʼa wey udzəm u loʼnə idəŋ.