Kolose 1:10 - Kaa n Kəzə̀ n fəghə mə

¹⁰ Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

Kolose 1:10 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 15:16

A way dzə ghaa, ghaa â sày bə mə, a loʼ mə, mə â saynə ghaa, fu tsu ghaa n daʼa kə nə̀ ghaa i məə tam u dzuŋu wə, ndzoʼo tam wey u doʼo tən nə, sey nə̀, wù ghaa nɔɔ kə kee tə Bày n zəd zuŋ, Bày i fu fə kə tii kə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 15:8

Bày wuŋ keeli nkɔʼlə abə ghaa ngii məənə tam wə. Tam wən ghaa məənə, dii tsuu nə̀ ghaa ndzəm loʼ ngəd tuŋ.

Tùm i dzuŋu zə kuum Yeso Klisto tə Jɔn â tɔɔnə 17:3

Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

Roma 1:13

Waazə ghə, n ləghə nə̀ ghaa keeli tsu nə̀, mə n bayyə naŋa wû wə ndəmə tənəŋə ni bə taa n səə ghaa, à kee loʼ nə̀, nəŋə tədzəm abə n bayyə tsunə wû wə ni bə, ghə i loʼ zə maŋ bə təʼlə maʼa kɔʼ mə. Ghə i tii i loʼ nə, n ləghə ni bə fwaʼ soʼo n fəŋŋə kə ghaa ni ghəŋə nə̀ ghə̂ a loʼ ghə a doʼo bə dzûmə tə̀ klisto, ighələ tə n ghəŋənə n naʼa tə loʼ tən ghə way ghə̂ a Təjuu.

Roma 4:12

Abraham loʼ soʼo bày tə ghə̂ ghən ghə loʼ nə̀ ghə n səghə tyi u ghə wə. Ghə səghə tyi u ghə n fə̀ŋ, à kad way kə a bii. Ghə a bəghəm soʼo tə̀ Zə̀ kə nghee tə̀ bày saa Abraham â bəghəmnə tə̀ wi nə̀ ghə ka kam səghə tyi kə wi kə.

Roma 6:4

Mmuu n Kəzə̀ mən saa â neynə, a loʼ tə̀ ghə nə tsəllə dzəŋi ndownə saa ghi Klisto tə̀ a loʼ ghə̂ a kpu ghə. Zə̀ â shi sey ni ghəŋə nə̀ saa keeli muu i fəghə zə ighələ tə Klisto â keelinə n nəŋə zey Bày wi â zhəm dzəŋŋə bənə wi nə ivə n daʼa kə wi kə səŋə kə.

2 Kɔrint 2:14

Saa kee fuu kə kəzɔŋŋə tə̀ Zə̀ kə n təŋkey, abə saa loʼnə nə kəfə kəmɔʼ ghi Klisto nəŋə tədzəm, Zə̀ kə n sìi bwey kaabə tsə ghi saa tə a loʼ ghə̂ ghey ghə təm zə̂nə tsam n zəd i Klisto. Zə̀ kə ney saa ni ghəŋə nə̀ ghə̂ a keeli Klisto nə təluʼu tədzəm n tûm zey ghey naʼlə kaabənə. Tum tii loʼ tə̀ a loʼ zuʼ tə dzuŋu tə, tə ləmmənə dzɔbənə nə təluʼu tədzəm.

2 Kɔrint 4:6

À loʼ Kəzə̀ tə â dza tsu nə̀, “Tsə u bàŋ shi bə nə kələm”, à loʼ wi tə ghəŋənə nə̀ tsə u bàŋ n fə̀ŋ tə ghey sey nə̀ ghey koʼ kɔʼlə n Kəzə̀ mən n baŋanə n tûm usə u Klisto.

2 Kɔrint 5:9

Sey, abə ghey loʼ kə ghi vən fə uwû fən nkee ghey way ghi wû u tii wə, moʼlə tə ghey tə loʼ kə ni ghəŋə ghəə ghey a kpiilənə tə̀ wi.

2 Kɔrint 9:8

Zə̀ kə loʼnu ni fuu ghaa n buulə zə naʼ idzəm sey nə̀, ghaa i ngii khə fə̂ wey ghaa ləghənə naʼ idzəm nə tənəŋə tədzəm. Sey, ghaa i loʼ ni ghəŋŋə ghəə a dzuŋu ghə n ndəm ni gaamə nduŋŋə ndow ghə̂ a loʼ ghə.

Efesus 1:17

N gɔŋŋə nə̀ Zə̀ kə, tə khənə ghaʼ zə idzəm, tɔŋŋə bày Mûkəbii saa Yeso Klisto fuu ghaa n zay kən kə fuu tɔb wə nsə zay kən kə chiə diinə ghəə a Kəzə̀ ghə sey nə̀, ghaa tɔʼ keeli tsu wi.

Efesus 2:10

À loʼ Kəzə̀ tə fwaʼ naŋa bənə saa tə̀ saa loʼnə nya boʼnə saa loʼ nə kəfə kəmɔʼ ghi Klisto. Tə saa bɔm nə̀ saa i loʼ nə kəfə kəmɔʼ ghi klisto sey nə̀ saa i loʼ ni fwaʼ fwaʼ kə dzuŋu kə, tɔŋŋə ghəə a dzuŋu ghey Zə̀ kə â khə bayyə naŋanə tə̀ saa nə̀ saa i ghəŋŋə.

Efesus 4:1

Mə wən n loʼnə wù ndaw tsaʼ boʼnə n fwaʼa tə̀ Mûkəbii, n buʼu bə kəwɔɔ tə̀ ghaa nə̀ ghaa i muu muu zey i kpiilənə tə̀ ghə̂ ghey Zə̀ kə sàynə ghə.

Efesus 4:13

Fwaʼ K-a-zə̀ kən khə ni ndow kə sey ni ndow kuum n nəŋə zey saa adzəm i doʼo bənə nə kəfə kəmɔʼ n bəghəm i fə̀ŋ i saa nsə nə̀ saa tɔʼ keeli tsu wù wey Waa Kəzə̀ loʼ ghii kə. N nəŋə zey saa i tɔʼ beyyə tsunə n doʼo i saa ghi Klisto, saa i loʼ ni muu n jìi zey Klisto â muunə tii.

Efesus 5:10

Sey, ghaa ndəmi tsu iwû ni kəŋ shi kɔʼ ghəə ghey a dzɔbənə tə̀ Mûkəbii, ghəŋŋə ndow ghəə a tii ghə.

Efesus 5:15

Sey, ney na ghə̂mə zə n jìi zey ghaa muunə tii. Kə ghaa nə̂ muulənə tə̀ a loʼ ghə̂ a laʼlə ghə, ghaa khə ni muu tə̀ a loʼ ghə̂ ghən ghə khənə tɔb wə.

Efesus 5:2

Ghaa khə ni khə ləghə zə n wû i ghaa, ighələ tə̀ Klisto â ləghənə saa, tə n fuu nuu ndow muu i wi ni kpu n tow u saa. Tə n fəələ ndow wû u wi tə a loʼ maʼlə u ləmmə dzɔbə wə tə̀ Zə̀ kə.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Filipi 1:27

Abə i loʼ kə ngee, ghaa khə ni muu muu i ghaa zə tə̀ tûm i dzuŋu zə kùm Klisto diinə. I loʼ sey nə̀ abə n bənə n sə̀ə ghaa nkee n ka bə koʼ ghaa, nə̀ n zow kə ghaa nə kətuŋŋə, mə i khə nə̀ ghaa dzəŋi tey n fə̀ŋ imɔʼ, dzəŋi təmə tsam ə tûm i dzuŋu zə nə kəfə kəmɔʼ, ni ghəŋə nə̀ ghə̂ a keeli bəghəm i fə̀ŋ tə tûm i dzuŋu i diinə.

Filipi 4:18

N loʼ ni dza nə̀ mə n naamə kuŋ kə keeli kpi, buʼ tsəghəshi. Mə n zə̂ kow fə̂ wən ghaa â tûm bənə tə̀ mə n wɔ̂ Epafroditus. Fə̂ u tii u loʼ tə̀ a loʼ naamə kə lə̀mmə dzɔbə kə tə̀ Zə̀ kə, fə̂ u tii u loʼ soʼo tə̀ a loʼ maʼlə u dzuŋu wə n sə̂ K-a-zə̀.

Kolose 2:19

Ndzoʼo ghə̂ ghən kəm zow way tə Klisto, tə loʼnə tow kə n dzəŋi kə dzûmə tə Klisto, tɔŋɔ wû u wi. À loʼ wi tə kwu keelinə wû wə udzəm nə kəfə kəmɔʼ nə uzuŋ, ghəŋŋə nə̀ wə i nyîmmə n daʼa K-a-zə̀.

Kolose 2:6

Nghee ghaa bəghəm dzənə Yeso Klisto tə a loʼ Mûkəbii, ghaa khə ni muu nə kəfə kəmɔʼ ghi wi.

Kolose 3:20

Ghaa ghiinətəghə ghə, i zow na tə ghə bày a ghaa ghə nə aghəə adzəm, n təŋkey, a wən loʼ ghəə ghən a dzɔbənə n sə kə Mûkəbii.

Kolose 4:5

I khə na jìi zey ghaa muunə tii ghi ghə̂ ghey ghə loʼ nə̀ ghə ka kam bəghəm tə Klisto, kə ghaa nə bəghəm nə bùʼ kə tsəghə ghaa nə ghaa ka ghəŋə ghə i səŋi zə tə ghə.

1 Tesalonika 2:12

Ghey n kuu fə̀ŋ tə ghaa tə, tsəmmə ghaa, buʼu ghaa n wɔɔ kə nəŋə tədzəm nə̀ ghaa i muu muu zey i kpiilənə tə̀ Zə̀ kə, n təŋkey a loʼ wi tə tɔŋɔ naŋa bənə ghaa nə̀ ghaa zə̂ fɔɔ u wi nsə n ghaʼ i wi.

1 Tesalonika 4:1

Ni ndow n sə kə waazə ghə, ghey mâ ghaa dəŋ kɔʼ bə n jìi zey ghaa khə ni muu tə̀ i kpiilənə tə̀ Zə̀ kə. Mə u ndzəm khə soʼo nə̀ a wey loʼ nghee ghaa muunə tii. Ghey nay fa buʼu bə ghaa n wɔ̀ kə n zəd i Mûkəbii Yeso nə ghaa ndow kə n sə kə n mwam u tii wə.

2 Timoti 2:4

Sawgoʼ i loʼ i way dzə nə̀ i nam fwaʼanu, i fuu may ndownə wû u wi wə n muu i ghə̂ ghən ghə way sawgoʼ tə. I wi i loʼ kə ni ghəŋə ghəə zey i kpiilənə tə wù nii wi.

Taytus 3:1

Zəŋŋə ndow ghə̂ ghə ghə̀ a Taytus nə ghə i zow tə̀ ghə̂ ghey ghə saʼanə naʼ zə nsə ghə̂ ghən ghə loʼnə tow wə, naŋŋə soʼo laŋ u ghə. Ghə i ləmmə tənə kə ni ghəŋə ghəə zey i dzɔbənə nəŋə tədzəm.

Taytus 3:14

Ghəŋə tsu soʼo nə̀ ghə̂ a saa a zoʼlə tsu ni ghəŋŋə ghəə ghey a dzɔbənə, sey nə̀, ghə i loʼ ni gaamə ghə̂ ghey ghə khə way n fə wey ghə ləghənə, ni ghəŋə nə̀ kə waazə a saa n muulənə muu zey i tsəə way.

Hibru 11:5

À loʼ bəghəm i fə̀ŋ zə â ghəŋənə nə̀ kə Enɔk i kpu. Zə̀ kə n ney nuu kɔʼ ndow wi idəŋ nə̀ tə ka kpu. I loʼ n màʼlə K-a-zə̀ nə̀, “Ghə â kəŋ kìi wi n təŋkey Zə̀ kə mâ ney nuu wi.” I loʼ sey n təŋkey, tə̀ Zə̀ kə ni ney nuu Enɔk, à n loʼ nə̀ tə n dza nə̀ Enɔk â ghəŋə nə̀ tə ngii duʼlə.

Hibru 13:16

Kə ghaa i neyzəə ni ghəŋŋə ndzuŋ nsə ni dzawwə fuu ndow ghə̂ ghey ghə khə way boʼnə Zə̀ kə duʼlənu n ndzoʼo maʼlə wən.

Hibru 13:21

fuu ghaa n fə u dzuŋu wə udzəm tə̀ ghaa i bwey ndow n jìi zey tə ləghənə. Tə ghəŋə nə̀ saa i fwaʼa fwa key tə ləghənə n bam i Yeso Klisto, tə wən a fuunə wi n kɔʼlə mə nə tənəŋə tədzəm. Zə i loʼ sey.

2 Pita 1:8

Abə ghaa ndəŋə keeli kɔʼɔ ndownə ghəə ghən n taŋŋə tsu bənə fa, ghə i ghəŋŋənu ghaa nə̀ ghaa i fwaʼa dzɔbə, məə bə soʼ tam u dzuŋu wə. Ghəə a tii a nə dii tsu nə̀ ghaa khənu Mûkəbii saa Yeso Klisto.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.

1 Jɔn 3:22

Saa i keelinu fə wən saa nɔɔnə n wɔ wi n təŋkey, saa naŋŋənu laŋ u wi wə, ghəŋə soʼo ghəə ghey a dzɔbənə tə wi.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

3 Jɔn 1:6

Ghə n tiilə dza fa n dzəŋi kə dzûmə tə Klisto kuum ləghə zey wə diinə tə̀ ghə. N buʼu bə kəwɔɔ nə wə ndow kə n sə kə ni fuu ndow ghə n gaamə zə n bwey i ghə, tə̀ zə i fuu ngɔɔmə zə tə Zə̀ kə.