Kəfwaʼ 9:5 - Kaa n Kəzə̀ n fəghə mə

⁵ Sɔl n bəb ndow tə wi nə̀, “Wə loʼ ndee a mûkəbii.” Dzə̀ i tii zə n beeli kɔʼ nə̀, “À loʼ mə Yeso wən wə chɔdlɔnə.”

Kəfwaʼ 9:5 Mawu Ofanana

Kəfwaʼ 10:14

Pita n beeli ndow wi nə̀, “Ngaŋ a Mûkəbii, n ka kam zə̂ koʼ tsə fə kə loʼ kə nə̀ kə dzəənu nkee kə key laŋ kə ghə̂ Təjuu kə tuunə nə̀ kə ghə nə̂ zə̂ənə.”

Kəfwaʼ 26:14

Ghey adzəm n dzəŋi bwu tsu ndow aghəd, mə n zow ndow dzə̂ i loʼ zə i ghɔɔmə bənə tə mə n ghɔɔmə i Hibru nə̀, ‘Sɔl, Sɔl, a loʼ kee wə chɔdlɔnə mə ə? Wə tsəmə maŋa fəmmə soʼo wû wə kənunu dza nə̀ wə chɔdlɔ mə.’

Kəfwaʼ 26:9

Wû wuŋ, mə â moʼlə soʼo nə n tsəm khə ni kəŋ tsu təjìi tədzəm ni tuu maʼa nə̀ ghə̂ a ka bəghəm zəd i Yeso wù Nazaled.

Kəfwaʼ 5:39

Abə a kee loʼ nə̀ a loʼ n daʼa K-a-zə̀, ghaa i way dzə ni buu naŋa ghə. Nə ghaa dza i buu naŋa ghə nə kədaʼa, ghaa i koʼ kə nə ghaa bənə zuulə baalə ghi Zə̀ kə.”

Kəfwaʼ 9:4

Tə n bwu shi tsu bə n khinyam key aghəd, zow tsu dzə i loʼ zə i ghɔɔmənə tə wi nə̀, “Sɔl, Sɔl, à loʼ kee wə chɔdlɔnə mə ə?”

Kəfwaʼ 9:6

“Nuu kɔʼ kənu, wə nyi ndow n fə̀ŋ inaʼ. Abə wə nyi ndownə fu, wù loʼ i dza bənu tə wɔ ghəə zey wə khə ni ghəŋŋə.”

1 Kɔrint 10:22

Abə saa ghəŋŋənə sey, saa sey ləghə nə̀ Mûkəbii fəələ unəghə ghi saa. Saa mgbaŋ khənu nə̀ saa ka taw tsəghə dzə wi.

Filipi 3:12

N dza dzə way nə̀ mə n keeli may ghəə a tii ghə nkee nə̀ mə n daŋŋə doʼo tən tsətsəghə. N nam dəmənu ni keeli fə̂ u tii wə, kumnə Yeso Klisto mâ ghəŋə mə nə̀ n doʼo wù wi.

1 Timoti 1:13

Nghee mə â loʼ nə̀ n ka kam bəghəm tə Klisto, mə â ghɔɔmə bəəbə tsə bòʼ wi, tsayyə wi, chɔdlɔ tsə soʼo wi. Zə̀ kə n kee kwɔɔlə isî n kow mə boʼnə mə â ka kam keeli dzə bəghəm i fə̀ŋ zə, mə n khə soʼo way ghəə ghey mə â ghəŋŋənə.